អនុរដ្ឋមន្រ្តីក្រសួងការបរទេស លោក Nguyen Quoc Dung បានជូនពរចូលឆ្នាំថ្មីប្រពៃណីជាតិខ្មែរ

ទំហំពាណិជ្ជកម្មវៀតណាម - កម្ពុជាសម្រេចបានជាង ១,៣៣ ពាន់លានដុល្លារក្នុងរយៈពេល ២ ខែដំបូងនៃឆ្នាំនេះ

វៀតណាម - កម្ពុជា៖ ពីសាមគ្គីភាពប្រយុទ្ធប្រឆាំងនឹងការឈ្លានពានរបស់សត្រូវរហូតដល់ការ រួបរួមគ្នាយកឈ្នះលើជំងឺរាតត្បាតសកល Covid-19

លោកអនុរដ្ឋមន្រ្តី Nguyen Quoc Dung។

តាងនាមថ្នាក់ដឹកនាំក្រសួងការបរទេស លោកអនុរដ្ឋមន្រ្តី Nguyen Quoc Dung បានជូនពរលោកឯកអគ្គរាជទូត ចាយ ណាវុធ និងភរិយា រួមជាមួយមន្រ្តី និងបុគ្គលិកទាំងអស់នៃស្ថានទូតកម្ពុជាប្រចាំប្រទេសវៀតណាម និងក្រុមគ្រួសារសូមឲ្យមានសុខភាពល្អបរិបូរ មានសុភមង្គល និងទទួលបានជោគជ័យក្នុងឆ្នាំថ្មី។

ក្នុងបរិយាកាសឆ្នាំថ្មី លោកអនុរដ្ឋមន្ត្រី Nguyen Quoc Dung បានអះអាងថាបក្ស រដ្ឋ និងប្រជាជនវៀតណាមជានិច្ចកាលយកចិត្តទុកដាក់ និងមានបំណងចង់ពង្រឹងទំនាក់ទំនងជិតខាងល្អ មិត្តភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរ។ ទន្ទឹមនឹងនេះ លោកបានបង្ហាញនូវទំនុកចិត្តថាក្រោមការគ្រប់គ្រងរបស់ព្រះមហាក្សត្រ នរោត្តម សីហមុនី ការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន ប្រទេសកម្ពុជានឹងប្រយុទ្ធប្រឆាំងដោយជោគជ័យនូវការឆ្លងរីករាលដាលនៃ Covid-19 និងមានការងើបឡើងវិញយ៉ាងខ្លាំងក្លា។

លោកឯកអគ្គរាជទូត ចាយ ណាវុធ បានអបអរសាទរចំពោះជោគជ័យនៃមហាសន្និបាតលើកទី ១៣ របស់បក្សកុម្មុយនីស្តវៀតណាម ព្រមទាំងវាយតំលៃខ្ពស់ចំពោះសមិទ្ធិផលគួរអោយចាប់អារម្មណ៍ដែលវៀតណាមទទួលបានក្នុងប៉ុន្មានឆ្នាំកន្លងមកក្នុងការអភិវឌ្ឍន៍សេដ្ឋកិច្ចសង្គម ការធ្វើសមាហរណកម្មអន្តរជាតិ ក៏ដូចជាការឆ្លើយតបទៅនឹងការរីករាលដាលនៃជំងឺ Covid-19 ។

ភាគីទាំងពីរបានអះអាងថានឹងបន្តរក្សាការផ្លាស់ប្តូរគណៈប្រតិភូជាន់ខ្ពស់ និងយន្តការកិច្ចសហប្រតិបត្តិការសមស្រប និងជំរុញកិច្ចសហប្រតិបត្តិការលើគ្រប់វិស័យ... ដើម្បីពង្រឹងថែមទៀតនូវទំនាក់ទំនងអ្នកជិតខាងដ៏ល្អ មិត្តភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម និងកម្ពុជា៕

យោងតាមកាសែតកងទ័ពប្រជាជន