យុគសម័យ -ក្នុងឱកាសពិធីបុណ្យចូលឆ្នាំថ្មីប្រពៃណីខ្មែរ នារសៀលថ្ងៃទី ៩ ខែមេសា ក្រុមបេសកកម្មនៃបញ្ជាការដ្ឋានកងទ័ពការពារព្រំដែនខេត្ត Dong Thap ដឹកនាំដោយលោកវរសេនីយ៍ឯក Le Van Luan មេបញ្ជាការ បានមកសួរសុខទុក្ខនិងជូនពរឆ្នាំថ្មីឆ្នាំដល់កងកំលាំងប្រដាប់អាវុធខេត្តព្រៃវែង។
លោកវរសេនីយ៍ឯក Le Van Luan មេបញ្ជាការកងទ័ពការពារព្រំដែនខេត្ត Dong Thap បានប្រគល់ថវិកា ដើម្បីគាំទ្រដល់តំបន់ប្រតិបត្តិការសឹករងខេត្តព្រៃវែងនៃព្រះរាជាណាចក្រកម្ពុជា។ (រូបថត៖ Phu Quy) |
នៅច្រកទ្វារព្រំដែនអន្តរជាតិ Dinh Ba លោកវរសេនីយ៍ឯក Le Van Luan ក្នុងនាមក្រុមបេសកកម្មបានផ្ញើសារជូនពរឆ្នាំថ្មីល្អបំផុតដល់នាយទាហាន ទាហាន ពលទាហានទាំងអស់និងប្រជាជននៅតំបន់ជាប់ព្រំដែននៃខេត្តព្រៃវែង និងខេត្ត Dong Thap។
លោកវរសេនីយ៍ឯក Le Van Luan បានអះអាងថា ក្នុងរយៈពេលកន្លងមក បញ្ជាការដ្ឋានកងទ័ពការពារព្រំដែនខេត្ត Dong Thap និងកងកម្លាំងប្រដាប់អាវុធខេត្តព្រៃវែងបានសម្របសម្រួលយ៉ាងជិតស្និទ្ធ ក្នុងការអនុវត្តការងារគ្រប់គ្រងនិងការពារព្រំដែន ការសំរបសំរួលប្រកបដោយប្រសិទ្ធភាព ក្នុងការបង្ការនិងទប់ស្កាត់នឹងការីករាលដាលនៃជំងឺកូវីដ ១៩ ។ ដោយហេតុនេះ វាបានរួមចំណែកក្នុងការលើកកម្ពស់សាមគ្គីភាព មិត្តភាពនិងការយោគយល់គ្នារវាងកងកម្លាំងប្រដាប់អាវុធជាមួយអាជ្ញាធរនិងប្រជាជននៅតាមតំបន់ព្រំដែនប្រទេសវៀតណាម - កម្ពុជា។
សម្តែងនូវការដឹងគុណយ៉ាងជ្រាលជ្រៅចំពោះការយកចិត្តទុកដាក់របស់បញ្ជាការដ្ឋានកងទ័ពការពារព្រំដែនខេត្ត Dong Thap ថ្នាក់ដឹកនាំនៃតំបន់ប្រតិបត្តិការសឹងរងខេត្តព្រៃវែងបានចាត់ទុកថា នាក្នុងគ្រាលំបាក ដោយសារតែការរីករាលដាលនៃជំងឺកូវីដ ១៩ មានការរីកចម្រើនកាន់តែខ្លាំងឡើង ៗ នៅប្រទេសកម្ពុជា នាពេលបច្ចុប្បន្ននេះ។ ការជួយគាំទ្រពីបញ្ជាការដ្ឋានកងទ័ពការពារព្រំដែនខេត្ត Dong Thap គឺជាកម្លាំងលើកទឹកចិត្តដល់កម្មាភិបាលនិងទាហាននៃកងកម្លាំងប្រដាប់អាវុធខេត្តព្រៃវែងបបំពេញភារកិច្ចដែលបានប្រគល់ឱ្យបានល្អ
ជាមួយគ្នានេះ ភាគីកម្ពុជាបានបញ្ជាក់ថា ត្រូវបានសម្របសម្រួលយ៉ាងជិតស្និទ្ធជាមួយប៉ុស្តិ៍កងទ័ពការពារព្រំដែននិងអាជ្ញាធរបណ្តាតំបន់នៅតាមបន្ទាត់ព្រំដែនជាមួយខេត្ត Dong Thap ដើម្បីរួមគ្នាកសាងខ្សែព្រំដែនប្រកបដោយសន្តិភាព មិត្តភាព សហប្រតិបត្តិការនិងអភិវឌ្ឍន៍។
ក្នុងឱកាសនេះបញ្ជាការដ្ឋានកងទ័ពការពារព្រំដែនបានប្រគល់អំណោយបុណ្យចូលឆ្នាំថ្មីប្រពៃណីខ្មែរដល់តំបន់ប្រតិបត្តិការសឹងរងខេត្តព្រៃវែង និងប្រគល់ថវិកាចំនួន ៣៧០ លានដុង ដើម្បីឧបត្ថម្ភដល់កងកំលាំងប្រដាប់អាវុធខេត្ត ក្នុងការជួសជុលបន្ទាយទាហានបម្រើការទប់ស្កាត់នឹងការរីករាលដាលនៃជំងឺនេះ៕
nhandan
មតិពីមិត្តអ្នកអាន