នាថ្ងៃទី ៨ ខែមេសា ឧត្ដមឧបនាយករដ្ឋមន្រ្ដី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា អញ្ជើញផ្ញើលិខិតអបអរសាទរជូន ឯកឧត្ដម Bui Thanh Son រដ្ឋមន្រ្ដីការបរទេសតែងតាំងថ្មីនៃសាធារណរដ្ឋសង្គមនិយមវៀតណាម។
 |
| ឯកឧត្ដរដ្ឋមន្រ្តីការបរទេសកម្ពុជា ប្រាក់ សុខុន ផ្ញើលិខិតអបអរសាទរជូន ឯកឧត្ដម Bui Thanh Son រដ្ឋមន្រ្ដីការបរទេសតែងតាំងថ្មីនៃវៀតណាម។ |
ក្នុងលិខិត ឯកឧត្ដមឧបនាយករដ្ឋមន្រ្ដី ប្រាក់ សុខុន បានសំដែងនូវការអបអរសាទរដ៏កក់ក្តៅបំផុតចំពោះឯកឧត្តម Bui Thanh Son ក្នុងឱកាសឯកឧត្តមបានតែងតាំងជារដ្ឋមន្រ្តីក្រសួងការបរទេសនៃសាធារណរដ្ឋសង្គមនិយមវៀតណាម។ ឯកឧត្ដមឧបនាយករដ្ឋមន្រ្ដី ប្រាក់ សុខុន មានការជឿជាក់យ៉ាងមុតមាំថាទោះបីជាពិភពលោកដែលកំពុងប្រឈមនឹងភាពមិនប្រាកដប្រជានិងការកើនឡើងយ៉ាងខ្លាំងដែលមិនធ្លាប់មានពីមុនមក ប៉ុន្តែជាមួយនឹងបទពិសោធន៍និងជំនាញការទូតដ៏ធំធេងរបស់ឯកឧត្តម Bui Thanh Son ប្រទេសវៀតណាមនឹងបន្តឆ្លើយតបនឹងភាពស្មុគស្មាញទាំងនេះដោយជោគជ័យ នាំមកនូវសមិទ្ធិផលបន្ថែមទៀតក្នុងការអភិវឌ្ឍន៍ប្រទេសជាតិនិងដើរតួនាទីកាន់តែធំធេងនៅក្នុងកិច្ចការតំបន់និងអន្តរជាតិ។
ក្នុងសារលិខិត ឯកឧត្ដមឧបនាយករដ្ឋមន្រ្ដី ប្រាក់ សុខុន បានគូសបញ្ជាក់ថា «ខ្ញុំមានសេចក្តីរីករាយដោយបានកត់សម្គាល់ឃើញថាចំណងមិត្តភាពជាប្រពៃណីនិងកិច្ចសហប្រតិបត្តិការយ៉ាងជិតស្និទ្ធរវាងកម្ពុជានិងវៀតណាមបានរីកចម្រើនគួរឱ្យកត់សម្គាល់លើគ្រប់វិស័យដោយឈរលើគោលការណ៍នៃភាពជាអ្នកជិតខាងល្អ ភាតរភាព និងការយោគយល់គ្នាទៅវិញទៅមក។ ខ្ញុំត្រៀមខ្លួនធ្វើការយ៉ាងជិតស្និទ្ធជាមួយឯកឧត្តមដើម្បីពង្រឹងភាពជាដៃគូរឹងមាំរបស់យើងបន្ថែមទៀតដើម្បីជាប្រយោជន៍ដល់ប្រជាជននិងប្រជាជាតិយើងទាំង ២ ក្នុងក្របខ័ណ្ឌទ្វេភាគីនិងពហុភាគីដូច្នេះរួមចំណែកដល់សន្តិភាពស្ថិរភាពនិងវិបុលភាពនៃសហគមន៍អាស៊ាននិងពិភពលោកទាំងមូល»៕
mfaic.gov.kh
មតិពីមិត្តអ្នកអាន