នាថ្ងៃទី ៥ ខែវិច្ឆិកា ថ្នាក់ដឹកនាំខេត្ត Binh Phuoc នៃប្រទេសវៀតណាម បានជួបពិភាក្សាការងារជាមួយតំណាងថ្នាក់ដឹកនាំខេត្តជាប់ព្រំដែនទាំង ៦ នៃព្រះរាជាណាចក្រកម្ពុជា ដែលរួមមាន កំពង់ចាម កំពង់ធំ ក្រចេះ មណ្ឌលគិរី ស្ទឹងត្រែង និងត្បូងឃ្មុំ។ នេះជាសកម្មភាពមួយក្នុងកម្មវិធីផ្លាស់ប្តូរមិត្តភាពរវាងបណ្តាខេត្តក្នុងឆ្នាំ ២០២០។
ទិដ្ឋភាពនៃជំនួបការងារ (រូបថត៖ baobinhphuoc.com.vn)
នៅក្នុងជំនួបនេះ ថ្នាក់ដឹកនាំខេត្ត Binh Phuoc បានជម្រាបជូនថ្នាក់ដឹកនាំបណ្តាខេត្តរបស់កម្ពុជា អំពីលទ្ធផលនៃមហាសន្និបាតលើកទី ១១ នៃគណៈកម្មាធិការបក្សខេត្ត អាណត្តិ ២០២០-២០២៥។ ក្នុងរយៈពេលកន្លងមក ខេត្ត Binh Phuoc និងខេត្តជាប់ព្រំដែនចំនួន ៦ នៃព្រះរាជាណាចក្រកម្ពុជា តែងតែរក្សាទំនាក់ទំនងសាមគ្គីភាព ការគាំទ្រ និងការសម្របសម្រួលយ៉ាងជិតស្និទ្ធក្នុងការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 ព្រមទាំងកសាងខ្សែព្រំដែនប្រកបដោយសន្តិភាព សុវត្ថិភាព ស្ថិរភាព និងការអភិវឌ្ឍ។
តំណាងថ្នាក់ដឹកនាំបណ្តាខេត្តរបស់កម្ពុជា បានវាយតម្លៃខ្ពស់ចំពោះទំនាក់ទំនងសាមគ្គីភាព និងកិច្ចសហប្រតិបត្តិការមិត្តភាពជាមួយខេត្ត Binh Phuoc និងមានគោលបំណងចង់ឲ្យភាគីទាំងពីរបន្តរក្សា និងអភិវឌ្ឍទំនាក់ទំនងសាមគ្គីភាព មិត្តភាព និងកិច្ចសហប្រតិបត្តិការលើគ្រប់វិស័យ ក្នុងរយៈពេលខាងមុខ./.
（ប្រភពព័ត៌មាន: kh.qdnd.vn,）
មតិពីមិត្តអ្នកអាន