កម្ពុជានិងចិន

កិច្ចព្រមព្រៀងពាណិជ្ជកម្មសេរីកម្ពុជា-ចិន (CCFTA) ត្រូវបានចុះហត្ថលេខាជាផ្លូវការរួចរាល់ហើយ នៅថ្ងៃទី១២ ខែតុលា ឆ្នាំ២០២០នេះ តាមរយៈប្រព័ន្ធវីដេអូ ដោយលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា និងលោក ចុង ស្សាន (Zhong Shan) រដ្ឋមន្ត្រីក្រសួងពាណិជ្ជកម្មចិន ក្រោមសក្ខីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសចិន នៅវិមានសន្តិភាព។

ការចរចាលើការបង្កើតកិច្ចព្រមព្រៀងពាណិជ្ជកម្មសេរីរវាងកម្ពុជា និងចិន ត្រូវបានបិទបញ្ចប់ជាផ្លូវការហើយ នៅថ្ងៃទី២០ ខែកក្កដា បន្ទាប់ពីបានបើកកិច្ចចរចាជាមួយគ្នារយៈពេលកន្លះឆ្នាំ។

មន្ត្រីជាន់ខ្ពស់នៃក្រសួងពាណិជ្ជកម្មបានអះអាងថា គិតមកទល់ពេលនេះ ការធ្វើពាណិជ្ជកម្មវវាងកម្ពុជានិងចិន គឺនៅតែមានសកម្មភាពធម្មតា ពោលគឺមិនទាន់មានសញ្ញាប្រែប្រួលអវិជ្ជមាននៅឡើយទេ បើទោះបីជាករណីvirus Corona កំពុងវាយប្រហារកាន់តែខ្លាំងក៏ដោយ។

ឯកឧត្ដម លី ខឺឈាង (Li Keqiang) នាយករដ្ឋមន្ត្រីនៃសាធារណរដ្ឋប្រជាមានិតចិន បាន បានមានប្រសាសន៍គាំទ្រចំពោះគម្រោងនៃការអភិវឌ្ឍខេត្តព្រះសីហនុ ដោ​យ​ប្រ​ទេសទាំងពីរ​នឹងធ្វើការពិភាក្សាគ្នា ជាពិសេសលើជំនួយឥតសំណង ដើម្បីជួយ​ដល់ការអភិ​វឌ្ឍ​​ខេត្តនេះ។

តាមរយៈថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជា ភាគីចិនបានអះអាងជាថ្មីថា នឹងខិតខំជំរុញឱ្យសហគ្រាសចិននាំគម្រោងវិនិយោគដែលមានគុណភាពខ្ពស់ មកវិនិយោគកម្ពុជាឱ្យកាន់តែច្រើនថែមទៀត។ ក្នុងឱកាសនេះដែរ លោករដ្ឋមន្ត្រី ថោង ខុន បានចុះអនុស្សរណៈយោគយល់គ្នា (MoU) ស្តីពីកិច្ចសហប្រតិបត្តិការ លើការបណ្តុះបណ្តាលជំនាញ និងអភិវឌ្ឍធនធានមនុស្ស ក្នុងវិស័យទេសចរណ៍ រវាងក្រសួងទេសចរណ៍ ជាមួយនឹងសាកលវិទ្យាល័យ ហេណានណកម៉ល (Henan Normal University) សាលាបណ្តុះបណ្តាលបច្ចេកទេស ឧស្សាហកម្មធុនស្រាលគ័ងស៊ីទី០២ (Guangxi Second Light Industry Senior Technical School) និងក្រុមហ៊ុនវិនិយោគការអប់រំហានស៊ីខ្វាងស៊ី (Guangxi Hansi Education Investment Co. Ltd.)។