យុគសម័យ - នៅថ្ងៃទី ១៧ ខែមីនា ឆ្នាំ ២០២១ លោក Tan Unra ( Tran Tu Lap) ប្រធានស្តីទីសមាគមខ្មែរ - វៀតណាម នៃខេត្តកណ្តាលបានផ្ញើលិខិតថ្លែងអំណរគុណដល់ស្ថានអគ្គកុងស៊ុលវៀតណាមប្រចាំនៅខេត្តព្រះសីហនុដែលបានផ្ទេរទឹកប្រាក់ចំនួន ១០០០ ដុល្លារ ដើម្បីជួយសង្គ្រោះបន្ទាន់សម្រាប់ជនជាតិមានដើមកំណើតវៀតណាមចំនួន ២១៩ គ្រួសារនៅឃុំព្រែកទន្លាប់ ស្រុកលើកដែក ខេត្តកណ្តាល ដែលជួបស្ថានភាពលំបាកនិងកំពុងអនុវត្តន៍វិធានការដាក់នៅឲ្យដាច់ដោយឡែកពីគេ ដើម្បីបង្ការនិងទប់ស្កាត់នឹងជំងឺ Covid-19 ។
លិខិតថ្លែងអំណរគុណដល់ស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ |
សូមរំលឹកថា លោក Vu Ngoc Ly អគ្គកុងស៊ុលវៀតណាមប្រចាំនៅខេត្តព្រះសីហនុ បានមានប្រសាសន៍ថា“ ជីវិតរបស់ប្រជាជនមានដើមកំណើតវៀតណាមជាច្រើន នៅព្រះរាជាណាចក្រកម្ពុជាមានស្ថានភាពរស់នៅពិបាក ហើយបច្ចុប្បន្ននេះពួកគេត្រូវអនុវត្តវិធានការដាក់ឲ្យនៅដាច់ដោយឡែក ដូច្នេះជីវភាពរបស់ពួកគេកាន់តែពិបាកជាង។ ខេត្តកណ្តាលមិនស្ថិតក្នុងតំបន់កុងស៊ុលដែលអគ្គកុងស៊ុលទទួលបន្ទុកក៏ដោយ ប៉ុន្តែស្ថានអគ្គកុងស៊ុលអំពាវនាវប្រមូលបងប្អូនបគ្គុលិកនិងមន្ត្រី ក្នុងស្ថាប័នរៃអង្គាសបានទឹកប្រាក់ចំនួន ៧០០ ដុល្លារ។
“នៅពេលដឹងថា យើងរៀបចំពិធី រៃអង្គាសប្រាក់នេះ លោកស្រី Kim Chang ដែលជាសប្បុរសជនដែលមានដើមកំណើតវៀតណាមបានរួមវិភាគទានទឹកប្រាក់ចំនួន ៣០០ ដុល្លារ ដើម្បីរួមជាមួយ ស្ថានអគ្គកុងស៊ុល និងគាំទ្រដល់ប្រជាជនមានដើមកំណើតវៀតណាមដែលមានស្ថានភាពរស់នៅលំបាក។ ទឹកប្រាក់សរុបចំនួន ១០០០ ដុល្លារត្រូវបានផ្ទេរទៅដល់លោក Tran Tu Lap ប្រធានស្តីទីសមាគមខ្មែរ - វៀតណាម នៃខេត្តកណ្តាល នៅព្រឹកថ្ងៃទី ១៥ ខែមីនាឆ្នាំ ២០២១ ដើម្បីជួយឧបត្ថម្ភទាន់ពេលវេលាដល់ប្រជាជនមានដើមកំណើតវៀតណាម” ។
ជាថ្មីម្តងទៀត ស្ថានអគ្គកុងស៊ុលសូមជូនពរដល់គ្រួសារទាំង ២១៩ ដែលបានរៀបរាប់ខាងលើនឹងជំនះនូវការលំបាកនានា ដើម្បីធ្វើឱ្យជីវិតពួកគេមានស្ថេរភាព។
សូមថ្លែងអំណរគុណយ៉ាងជ្រាលជ្រៅចំពោះលោកស្រី Kim Chang ដែលបានចូលរួមជាមួយ យើងក្នុង សកម្មភាព ដ៏មានអត្ថន័យនេះ៕
faceboook ngocly.vu
មតិពីមិត្តអ្នកអាន