យុគសម័យ - នារសៀលថ្ងៃទី ២១ ខែតុលា អគ្គកុងស៊ុលវៀតណាមប្រចាំនៅខេត្តព្រះសីហនុ (កម្ពុជា) បានរៀបចំពិធីរៃអង្គាសប្រាក់ដើម្បីគាំទ្រដល់ប្រជាជននៅតំបន់ភាគកណ្តាលវៀតណាមឲ្យជៀសផុតពីផលវិបាកនៃទឹកជំនន់។
ពិធីរៃអង្គាសទឹកប្រាក់ជួយឧបត្ថម្ភជនរួមជាតិនៅភាគកណ្ដាលវៀតណាមរបស់ស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ
នាថ្ងៃទី ២១ ខេតុលា ស្ថានអគ្គកុងស៊ុលវៀតណាមប្រចាំនៅ ខេត្តព្រះសីហនុ នៃព្រះរាជាណាចក្រកម្ពុជា (ទទួលបន្ទុកកុងស៊ុលនិងកិច្ចការបរទេសនៅ ៦ ខេត្តភាគនិរតីនៃប្រទេសកម្ពុជា រួមមានខេត្តព្រះសីហនុ កំពត កែប កោះកុង កំពង់ស្ពឺ និងតាកែវ) បានរៀបចំពិធីរៃអង្គាសទឹកប្រាក់ជួយឧបត្ថម្ភជនរួមជាតិនៅភាគកណ្ដាលវៀតណាមដើម្បីជំនះពុះពារលើផលវិបាកដោយសារជំនន់ទឹកភ្លៀងបណ្ដាលឡើង។
ថ្លែងក្នុងពិធីនេះ លោកអគ្គកុងស៊ុល Vu Ngoc Ly បានសង្កត់ធ្ងន់ថា៖ ជាងពេលណាៗទាំងអស់ប្រជាជននៅតាមបណ្តាខេត្តភាគកណ្តាលកំពុងត្រូវការនូវជំនួយគាំទ្រពីគ្រប់តំបន់នៃប្រទេសក៏ដូចជាពីសហគមន៍វៀតណាមនៅឯបរទេសរួមទាំងសហគមន៍ដែលរស់នៅក្នុងប្រទេសកម្ពុជា។ក្នុងឱកាសនេះដែរអគ្គកុងស៊ុលបានអំពាវនាវដល់ប្រជាជនលើកកម្ពស់ប្រពៃណីនៃការស្រឡាញ់គ្នាទៅវិញទៅមកនាដើម្បីរួមរស់ជាមួយគ្នាទាំងការបរិច្ចាគសម្ភារៈនិងស្មារតីដើម្បីបញ្ជូនទៅប្រជាជននៅខេត្តនានានៅភាគកណ្តាល វៀតណាម ប្រកបដោយភាពជាក់ស្តែងនិងប្រសិទ្ធភាពខ្ពស់ផងដែរ៕
(ប្រភពព័ត៌មាន: vov)
មតិពីមិត្តអ្នកអាន