អញ្ជើញថ្លែងនៅកិច្ចប្រជុំលើកទី ៣ ស្តីពីការអភិវឌ្ឍតំបន់ដីសណ្តរទន្លេ Cuu Long ប្រកបដោយចីរភាព ឆ្លើយតបទៅនឹងការប្រែប្រួលអាកាសធាតុ ដែលបានប្រព្រឹត្តទៅនាព្រឹកថ្ងៃទី ១៣ ខែមីនានៅទីក្រុង Can Tho ភាគខាងត្បូងវៀតណាម លោកនាយករដ្ឋមន្រ្តី Nguyen Xuan Phuc បានបញ្ជាក់ថា តបន់ដីសណ្ដទន្លេ Cuu Long គឺជាទីតាំងយុទ្ធសាស្ត្រមួយ។
 |
| វៀតណាមលើកឡើងយុទ្ធសាស្ត្រអភិវឌ្ឍន៍សម្រាប់តំបន់ដីសណ្ដទន្លេ Cuu Long។ |
លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថា ក្នុងរយៈពេលប៉ុន្មានទសវត្សរ៍កន្លងមក ជាពិសេសក្នុងរយៈពេលប៉ុន្មានឆ្នាំថ្មីៗនេះ បក្ស និងរដ្ឋ មានគោលនយោបាយជាច្រើនក្នុងការជំរុញការអភិវឌ្ឍន៍តំបន់ដីសណ្តទន្លេ Cuu Long ជាពិសេសក្នុងបរិបទបច្ចុប្បន្នដែលតំបន់នេះរងឥទ្ធិពលយ៉ាងខ្លាំងពីការប្រែប្រួលអាកាសធាតុ។
ទោះបីលទ្ធផលនៃការអនុវត្តសេចក្តីសម្រេចចិត្តលេខ ១២០ ស្តីពីការអភិវឌ្ឍន៍តំបន់ដីសណ្ដទន្លេ Cuu Long ប្រកបដោយចីរភាព ឆ្លើយតបទៅនឹងការប្រែប្រួលអាកាសធាតុក្នុងរយៈពេល ៣ ឆ្នាំកន្លងមកនេះមានភាពវិជ្ជមានជាច្រើនក៏ដោយ ក៏លោកនាយករដ្ឋមន្រ្តីបានស្នើឱ្យក្រសួង ស្ថាប័ន និងមូលដ្ឋាននានាត្រូវកំណត់ថានៅមានការងារជាច្រើនដែលត្រូវធ្វើនាពេលខាងមុខ។ លោកនាយករដ្ឋមន្រ្តីមានប្រសាសន៍ថា មួយសប្តាហ៍មុននេះ រដ្ឋាភិបាលបានបើកកិច្ចសន្ទនា ឆ្នាំ២០៤៥ ដើម្បីស្វែងរកដំណោះស្រាយសំដៅបង្កើតការអភិវឌ្ឍដ៏ខ្លាំងក្លាសម្រាប់ប្រទេសជាតិក្នុងរយៈពេល ២៥ ឆ្នាំខាងមុខ។ លោកនាយករដ្ឋមន្រ្តីបានស្នើឱ្យមានកិច្ចសន្ទនាឆ្នាំ ២០៤៥ ស្រដៀងគ្នា នៅតំបន់ដីសណ្ដទន្លេ Cuu Long ដើម្បីការរីកចម្រើនយ៉ាងឆាប់រហ័សនៅតំបន់នេះ។
 |
| លោកនាយករដ្ឋមន្រ្តី Nguyen Xuan Phuc ថ្លែងក្នុងកិច្ចប្រជុំ។ |
ដើម្បីសម្រេចបានគោលដៅនោះ លោកនាយករដ្ឋមន្រ្តីមានប្រសាសន៍ថា កត្តាកំណត់គឺជាកិច្ចខិតខំប្រឹងប្រែងក្នុងការបំពេញភារកិច្ចរបស់បណ្តាក្រសួង ស្ថាប័ន មូលដ្ឋាន និងប្រជាជននៅតំបន់ដីសណ្តទន្លេ Cuu Long ។ នៅក្នុងកិច្ចប្រជុំ លោកនាយករដ្ឋមន្រ្តីស្នើឲ្យមូលដ្ឋាននានានៃតំបន់ដីសណ្តទន្លេ Cuu Long បន្តសហការយ៉ាងជិតស្និទ្ធជាមួយទីក្រុងហូជីមិញ ជម្រុញឲ្យមានការអភិវឌ្ឍយ៉ាងខ្លាំងក្លានៅតាមតំបន់ទីក្រុងនានា និងរៀបចំតំបន់ទីប្រជុំជនឡើងវិញ។ ជំរុញកិច្ចសហប្រតិបត្តិការជាតិ និងអន្តរជាតិ ហើយទាញយកផលប្រយោជន៍ពីប្រភពជំនួយអន្តរជាតិ៕
មតិពីមិត្តអ្នកអាន