យុគសម័យ - នាថ្ងៃទី ៧ ខែមិនាក្នុងឱកាសអបអរសាទរទិវានារីអន្តរជាតិ ២០២១ នៅទីក្រុងវៀងចន្ទន៍ សមាគមជនជាតិវៀតណាមនៃរដ្ឋធានីវៀងចន្ទន៍បានរៀបចំការប្រកួត រួមរួបគ្នាគិតគូរនូវការងារផ្ទះ ដោយប្រធានបទ “ កូនចៅនាគទេព មាតុភូមិជាទីស្រឡាញ់ ចំណងមិត្តភាពវៀតណាម - ឡាវ ថែរក្សាព្រលឹងវៀតណាមនិងវប្បធម៌វៀតណាម។ ”
ក្រុមទាំងនោះគឺជាក្លឹបរបស់អ្នករួមស្រុកកំណើត ដូចជា ខេត្ត Thanh Hoa រដ្ឋធានី Ha Noi ខេត្ត Quang Nam ខេត្ត Da Nang ក្រុមមកពី ក្រុមហ៊ុនវៀតណាមដែលវិនិយោគនិងធ្វើអាជីវកម្មនៅប្រទេសឡាវដូចជា ធនាគារ Sacombank ឡាវ, Unitel …
ក្រៅពីនេះសមាគមក៏រៀបចំសកម្មភាពជាច្រើនទៀត ដូចជាការថ្លែងអំណរគុណដល់បងប្អូនស្ត្រីជនជាតិ វៀតណាម នៅទីក្រុងវៀងចន្ទន៍ដែលមានការរួមចំណែកជាច្រើនក្នុងការអភិវឌ្ឍតួនាទីស្ត្រីជាពិសេស និងសមាគមជនជាតិវៀតណាមនៃរដ្ឋធានីវៀងចន្ទន៍ជាទូទៅ។ កម្មវិធីនេះសំដែងតន្ត្រីបទចម្រៀបដិវត្តជាច្រើន បទចំរៀងសរសើរពីប្រទេសវៀតណាមនិងឡាវដ៏ស្រស់ស្អាតនិងរបាំប្រពៃណីដែលបានសំដែងដោយសិល្បករឡាវនិងបងប្អូនអាណិកជនជាតិវៀតណាម នៅទីក្រុងវៀងចន្ទន៍។
|
ថ្លែងនៅក្នុងការប្រកួតនេះលោក Le Anh Duc អនុប្រធានអចិន្ត្រៃយ៍សមាគមជនជាតិវៀតណាមនៃទីក្រុងវៀងចន្ទន៍បានសង្កត់ធ្ងន់ថា សមាគមជនជាតិវៀតណាមនៃទីក្រុងវៀងចន្ទន៍កំពុងពង្រឹងតួនាទីរបស់ខ្លួនជាមជ្ឈភាព ក្នុងការតភ្ជាប់និងពង្រឹងសាមគ្គីភាពនៅក្នុងសហគមន៍អាណិកជម។ តាមរយៈការរៀបចំការប្រកួតអំពីគិតគូរពីការងារផ្ទះ សមាគមជនជាតិវៀតណាមមានបំណងប្រាថ្នាថា សហគមន៍អាណិកជនវៀតណាមក៏ដូចជាស្ត្រីដែលរស់នៅនិងធ្វើការនៅទីក្រុងវៀងចន្ទន៍បន្តពង្រឹងចំណងសាមគ្គីភាពនិងជួយគាំត្រគ្នាទៅវិញទៅមក។
នៅក្នុងការប្រគួតនេះផងដែរ លោកស្រី Vu Tu Oanh ទីប្រឹក្សាគណៈកម្មាធិការអចិន្ត្រៃយ៍កិច្ចការសហគមន៍នៃស្ថានទូតវៀតណាមប្រចាំនៅប្រទេសឡាវ លោកស្រី Lienkham Vilarphan ប្រធានសមាគមន៍នារីនៃទីក្រុងវៀងចន្ទន៍បានបញ្ជាក់ថា ពួកគេនឹងគាំទ្រយ៉ាងខ្ពស់ ដើម្បីសកម្មភាពរបស់ សហគមន៍ អាណិកជនវៀតណាមត្រូវបានរៀបចំប្រកបដោយជោគជ័យ។ ដោយគិតថា សមាគមជនជាតិវៀតណាមនៃរដ្ឋធានីវៀងចន្ទន៍តែងតែជាកត្តាឈានមុខគេរៀបចំសកម្មភាពសហគមន៍ជាច្រើន ក្នុងឱកាសមានព្រឹត្តិការណ៍សំខាន់ៗក្នុងឆ្នាំដែលបានបង្កើតជាកន្លែងដ៏មានប្រយោជន៏សំរាប់អាណិកជនប្រជាជនវៀតណាមចូលរួម ក៏ដូចជាពង្រឹងចំណងសាមគ្គីភាព មិត្តភាពរវាងស្ត្រីឡាវនិងស្ត្រីវៀតណាម./.
thoidai.com.vn
មតិពីមិត្តអ្នកអាន