នាព្រឹកថ្ងៃទី ១ មីនា នៅទីក្រុងហាណូយ នាយករដ្ឋមន្ត្រី លោក Nguyen Xuan Phuc បានអញ្ជើញជាអធិបតីក្នុងកិច្ចប្រជុំស្តីពីការកែសម្រួលផែនការមេរបស់ទីក្រុង Da Nang ដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥។
នាយករដ្ឋមន្ត្រី លោក Nguyen Xuan Phuc អញ្ជើញដឹកនាំកិច្ចប្រជុំ (រូបថត៖ VGP/Quang Hieu)
គម្រោងផែនការមេរបស់ទីក្រុង Da Nang ដល់ឆ្នាំ ២០៣០ ចក្ខុវិស័យដល់ឆ្នាំ ២០៥០ ត្រូវបានលោកនាយករដ្ឋមន្រ្តីអនុម័ត នៅឆ្នាំ២០១៣។ ក្រោយរយៈពេល ៧ ឆ្នាំនៃការអនុវត្តគម្រោងមក ទីក្រុង Da Nang មានការអភិវឌ្ឍយ៉ាងឆាប់រហ័ស។ ថ្វីត្បិតដូច្នេះក៏ដោយ ដើម្បីអនុវត្តន៍សេចក្តីសម្រេចចិត្តរបស់ការិយាល័យ នយោ បាយ ស្តីពីការកសាងនិងអភិវឌ្ឍន៍ទីក្រុង Da Nang ដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥ និងដើម្បីឆ្លើយតបទៅនឹងតម្រូវការអភិវឌ្ឍន៍ លោកនាយករដ្ឋមន្រ្តី បានយល់ព្រមឱ្យទីក្រុងធ្វើការកែសម្រួល គម្រោងផែនការមេ ដើម្បីអភិវឌ្ឍន៍ទីក្រុងតាមទិសដៅទំនើប បៃតង និងអេកូឡូស៊ី សំដៅបំពេញតាមសំណើនៃសេចក្តីសម្រេចចិត្តរបស់ការិយាល័យនយោបាយ។
អញ្ជើញថ្លែងមតិសន្និដ្ឋានកិច្ចប្រជុំ លោកនាយករដ្ឋមន្រ្តី Nguyen Xuan Phuc បានប្រគល់ឲ្យក្រសួងសំណង់ បញ្ចប់ការវាយតម្លៃលើគម្រោង ហើយដាក់ជូនលោកនាយករដ្ឋមន្រ្តីនូវគម្រោងនេះមុនថ្ងៃទី ១៥ ខែមីនា សម្រាប់ពិចារណានិងចុះហត្ថលេខាផ្សព្វផ្សាយជាធរមាន៕
（ប្រភពព័ត៌មាន: vovworld.vn）
មតិពីមិត្តអ្នកអាន