យុគសម័យ - លោកស្រី Le Thi Thu Hang បានមានប្រសាសន៍ថា“ ប្រទេសវៀតណាមចង់ ឲ្យ ប្រទេសទាំងអស់បន្តចូលរួមចំណែកជាវិជ្ជមានក្នុងការថែរក្សាសន្តិភាពនិងស្ថិរភាពដោយឈរលើមូលដ្ឋានច្បាប់អន្តរជាតិនៅក្នុងតំបន់សមុទ្រខាងកើត”។
វៀតណាមបញ្ចេញមតិស្តីពីនាវាចម្បាំងសហរដ្ឋអាមេរិកធ្វើដំណើរនៅប្រជុំកោះ Hoang Sa - Truong Sa របស់វៀតណាម
នៅក្នុងសន្និសីទសារព័ត៌មានជាប្រចាំនៅថ្ងៃទី ២៥ ខែកុម្ភៈអ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានទទួលសំណួរជាច្រើនទាក់ទងនឹងសកម្មភាពថ្មីៗរបស់ប្រទេសដូចជាចិន បារាំង និងអាមេរិកនៅសមុទ្រខាងកើត។
ឆ្លើយនឹងសំនួរទាក់ទងនឹងនាវាចម្បាំងអាមេរិក នៅដើមខែកុម្ភៈរំកិលទៅក្បែរប្រជុំកោះ Hoang Sa និង Truong Sa របស់វៀតណាមដោយកត់សម្គាល់ជាលើកដំបូង ដែលកងទ័ពជើងទឹកអាមេរិកអនុវត្តប្រតិបត្តិការនេះ ក្រោមការដឹកនាំរបស់ប្រធានាធិបតីអាមេរិក Joe Biden អ្នកនាំពាក្យក្រសួងការបរទេសលោកស្រី Le Thi Thu Hang បានមានប្រសាសន៍ថា៖
«ក្នុងនាមជាសមាជិកមានការទទួលខុសត្រូវរបស់សហគមន៍អន្តរជាតិនិងជាសមាជិកនៃអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ វៀតណាមអនុវត្តតាមអនុសញ្ញានិងបទបញ្ញត្តិទាក់ទងនឹងប្រតិបត្តិការដែនសមុទ្រដែនអាកាសលើសមុទ្រ ត្រូវបានបង្កើតឡើងស្របតាមច្បាប់សន្និសញ្ញានេះ។
លោកស្រី Le Thi Thu Hang បានមានប្រសាសន៍ថា“ ប្រទេសវៀតណាមចង់ ឲ្យ ប្រទេសទាំងអស់បន្តចូលរួមចំណែកជាវិជ្ជមានក្នុងការថែរក្សាសន្តិភាពនិងស្ថិរភាពដោយឈរលើមូលដ្ឋានច្បាប់អន្តរជាតិនៅក្នុងតំបន់សមុទ្រខាងកើត”។
ក្នុងសន្និសីទសារព័ត៌មានរបស់ក្រសួងការបរទេសវៀតណាម ដែលបានធ្វើឡើងនៅរសៀលថ្ងៃទី ២៥ ខែកុម្ភះ តាមប្រព័ន្ធវីដេអូ អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានអះអាងជាថ្មីម្តងទៀតនូវ ទស្សនៈឥតងាករេរបស់វៀតណាមចំពោះអធិបតេយ្យភាព សិទ្ធិអធិបតេយ្យភាពនិងសិទ្ធិយុត្តាធិការរបស់ វៀតណាមចំពោះប្រជុំកោះទាំងពីរគឺ Hoang Sa និងTruong Sa ព្រមទាំងអំពាវនាវឲ្យភាគីពាក់ព័ន្ធនានា ចាំបាច់ត្រូវគោរពតាមច្បាប់អន្តរជាតិ រក្សាសន្តិភាព និងស្ថិរភាពនៅសមុទ្រខាងកើតផងដែរ។
ឆ្លើយតបសំនួររបស់អ្នកយកព័ត៌មានដែលទាក់ទងទៅនឹងពត៌មានថានាវាឆ្មាំ សមុទ្រលេខ ២៣០៤ របស់ចិនបានធ្វើដំណើរខិតជិតដល់ស្ថានីយ៍គ្រប់គ្រងខួងប្រេងឧស្ម័ន Hai Thach ចំណុះប្លុក ៥០២ របស់ប្រទេសវៀតណាម អ្នកនាំពាក្យក្រសួងការបរទេស Le Thi Thu Hang បានលើកច្បាស់ថា៖
«អាជ្ញាធរមានសមត្ថកិច្ចវៀតណាម កំពុងឃ្លាំមើលយ៉ាងដិតដល់នូវការវិវឌ្ឍន៍នៅសមុទ្រខាងកើត និងការពារការអនុវត្តអធិបតេយ្យភាព និងសិទ្ធិអធិបតេយ្យភាព និងសិទ្ធិយុត្តាធិការជាតិនៅលើដែនទឹករបស់វៀតណាមឲ្យបានសមស្របតាមបទបញ្ញត្តិនៃច្បាប់អន្តរជាតិ និងសន្ធិសញ្ញា UNCLOS ឆ្នាំ១៩៨២។
（ប្រែសម្រួលដោយ ហេងវុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន