នាថ្ងៃទី២ កុម្ភៈ ប្រធានរដ្ឋសភាវៀតណាម លោកស្រី Nguyen Thi Kim Ngan បានអញ្ចើញចូលរួមពិធីប្រគល់អំណោយជូនគ្រួសារទទួលរបបគោលនយោបាយពីរដ្ឋ និងគ្រួសារក្រីក្រ កុមារកំព្រា និងជនពិការនៅខេត្ត Ben Tre ក្នុងឱកាសបុណ្យចូលឆ្នាំថ្មីប្រពៃណីជាតិនាពេលឆាប់ៗនេះ។
ប្រធានរដ្ឋសភាវៀតណាម លោកស្រី Nguyen Thi Kim Ngan ថតរូបជាមួយថ្នាក់ដឹកនាំខេត្ដ Ben Tre
អញ្ជើញថ្លែងនៅពិធីនេះ លោកស្រី Nguyen Thi Kim Ngan បានសួរសុខទុក្ខគ្រួសារទទួលរបបគោលនយោបាយពីរដ្ឋ គ្រួសារក្រីក្រ និងគ្រួសារមានជីវភាពរស់នៅជួបការលំបាកនៅខេត្ត Ben Tre វៀតណាម។ ប្រធានរដ្ឋសភាវៀតណាម បានអំពាវនាវឲ្យស្ថាប័នគ្រប់លំដាប់ថ្នាក់ពួតដៃគ្នាយកចិត្ដទុកដាក់ជាខ្លាំងដល់គ្រួសាររងផលប៉ះពាល់ដោយសារជាតិគីមីពុលពណ៌លឿងទុំ / dioxin ជនពិការ និងកុមារកំព្រា។ ទន្ទឹមនឹងនេះធានាឲ្យបាននូវសុខុមាលភាពសង្គមជូនប្រជាជន ជាពិសេសគ្រួសារទទួលរបបគោលនយោបាយពីរដ្ឋ គ្រួសារក្រីក្រ និងគ្រួសារជួបការលំបាកឲ្យទទួលបុណ្យចូលឆ្នាំថ្មីប្រពៃណីជាតិក្នុងក្ដីសប្បាយរីករាយ។
នៅក្នុងពិធីនេះ ស្ថាប័នមានសមត្ថកិច្ចខេត្ដ Ben Tre បានទទួលបានអំណោយចំនួន ១៥០០ កញ្ចប់ ដែលជាអំណោយរបស់ក្រុមហ៊ុនឧស្ម័នវៀតណាមនៃសម្ព័ន្ធក្រុមហ៊ុនប្រេងនិងឧស្ម័នវៀតណាមដើម្បីប្រគល់ជូនក្រុមគ្រួសារទទួលរបបគោលនយោបាយពីរដ្ឋ គ្រួសារក្រីក្រ កុមារកំព្រា និងជនពិការនៅខេត្ត Ben Tre ដោយទឹកប្រាក់សរុប ១,៥ ពាន់លានដុង ដែលក្នុងនោះអំណោយមួយកញ្ចប់មានតម្លៃ ១ លានដុង៕
(ប្រភពព័ត៌មាន: kh.qdnd.vn)
មតិពីមិត្តអ្នកអាន