លោក Yang Razali Kassim បានវាយតម្លៃថា វៀតណាមបានលើកកម្ពស់កិត្យានុភាពរបស់ខ្លួន និងដើរតួនាទីស្ថាបនានៅលើឆាកអន្តរជាតិ នៅពេលដែលប្រកាន់ខ្ជាប់នូវគោលនយោបាយការបរទេសប្រកបដោយសន្តិភាព និងជាមិត្តរបស់ប្រទេសទាំងអស់៕
អ្នកជំនាញសិង្ហបុរី៖ វៀតណាមបានលើកកម្ពស់កិត្យានុភាពរបស់ខ្លួន និងដើរតួនាទីស្ថាបនានៅលើឆាកអន្តរជាតិ។
គេហទំព័ររបស់វិទ្យាស្ថានស្រាវជ្រាវអន្តរជាតិ S. Rajaratnam (RSIS) នៅថ្ងៃទី២៩ ខែមករា បានចុះផ្សាយការធ្វើអត្ថាធិប្បាយរបស់លោក Yang Razali Kassim ស្តីពីមហាសន្និបាតលើកទី១៣ របស់បក្សកុម្មុយនីស្តវៀតណាម។
យោងតាមលោក Yang Razali Kassim មហាសន្និបាតលើកទី១៣ របស់បក្សកុម្មុយនីស្តវៀតណាម បានធ្វើឡើងនៅពេលវេលាដ៏សំខាន់មួយ។ នេះជាព្រឹត្តិការណ៍សំខាន់ក្នុងបរិបទនៃការផ្លាស់ប្តូរថ្នាក់ដឹកនាំរបស់វៀតណាមដើម្បីសំរេចគោលដៅថ្មីរបស់ខ្លួនដែលក្លាយទៅជា “ខឿនសេដ្ឋកិច្ចអភិវឌ្ឍន៍ តាមទិសដៅសង្គមនិយម” នៅឆ្នាំ ២០៤៥។ ចំពោះគោលដៅយុទ្ធសាស្ត្រដែលបានលើកឡើងនៅមហាសន្និបាតលើកនេះ បើយោងតាមលោក Yang Razali Kassim ចក្ខុវិស័យឆ្នាំ ២០៤៥ មានសារសំខាន់ក្នុងការប្រែក្លាយវៀតណាមទៅជាខឿនសេដ្ឋកិច្ចអភិវឌ្ឍន៍ ហើយនេះគឺជាបេសកកម្មរបស់ថ្នាក់ដឹកនាំថ្មីរបស់វៀតណាមបន្ទាប់ពីមហាសន្និបាតនេះដែរ។
យោងតាមលោក Yang Razali Kassim វៀតណាមគឺជាប្រទេសមួយក្នុងចំណោមប្រទេសតិចតូចដែលមានខឿនសេដ្ឋកិច្ចអភិវឌ្ឍប្រកបដោយចីរភាព ទោះបីជាមានការរីករាលដាលនៃជំងឺរាតត្បាត Covid-19។ តួនាទីដឹកនាំរបស់បក្សកុម្មុយនិស្តវៀតណាមគឺជាការផ្តល់ការតំរង់ទិសជាតិ ដោយបានគិតគូរពីការផ្លាស់ប្តូរជាយុទ្ធសាស្ត្រនៅក្នុងប្រទេស តំបន់ និងនៅលើពិភពលោក។
លោក Yang Razali Kassim បានវាយតម្លៃថា វៀតណាមបានលើកកម្ពស់កិត្យានុភាពរបស់ខ្លួន និងដើរតួនាទីស្ថាបនានៅលើឆាកអន្តរជាតិ នៅពេលដែលប្រកាន់ខ្ជាប់នូវគោលនយោបាយការបរទេសប្រកបដោយសន្តិភាព និងជាមិត្តរបស់ប្រទេសទាំងអស់៕
（យោងតាមកាសែតកងទ័ពប្រជាជន）
មតិពីមិត្តអ្នកអាន