នាថ្ងៃទី ២៦ ខែមករា ទីភ្នាក់ងារសារព័ត៌មានរុស្ស៊ី Sputnik បានដកស្រង់សំដីរបស់សាស្រ្តាចារ្យ Chuan Petkaew នៃសាកលវិទ្យាល័យ Suratthani Rajabhat (ប្រទេសថៃ) ដែលវាយតម្លៃថា វៀតណាមមានការរីកចម្រើនយ៉ាងខ្លាំងលើគ្រប់វិស័យក្នុងរយៈពេលប៉ុន្មានឆ្នាំកន្លងមក ដោយបញ្ជាក់ពីតួនាទីសំខាន់របស់ខ្លួននៅក្នុងតំបន់ និងនៅលើពិភពលោក។
សាស្រ្តាចារ្យ Chuan Petkaew នៃសាកលវិទ្យាល័យ Suratthani Rajabhat (រូបថត៖ vnanet.vn)
យោងតាមសាស្រ្តាចារ្យ Chuan Petkaew សមិទ្ធិផលដែលបានលើកឡើងខាងលើនេះ គឺអាស្រ័យដោយស្ថិរភាពនយោបាយក្រោមការដឹកនាំរបស់បក្សកុម្មុយនិស្តវៀតណាម។ សាស្រ្តាចារ្យ Chuan Petkaew បានសង្កត់ធ្ងន់ថា ស្ថិរភាពនយោបាយបានក្លាយជាឧត្តមភាពមួយនៃដំណើរការអភិវឌ្ឍន៍របស់វៀតណាមដែលមិនមែនប្រទេសទាំងអស់មាននោះទេ។ លោកជឿជាក់ថា មហាសន្និបាតលើកទី១៣ របស់បក្សកុម្មុយនិស្តវៀតណាម នឹងបន្តកំណត់ទិសដៅត្រឹមត្រូវ ដែលជួយប្រទេសវៀតណាមកាន់តែរីកចម្រើន និងបញ្ជាក់ពីតួនាទីសំខាន់របស់ខ្លួនក្នុងការដោះស្រាយបញ្ហារួមរបស់តំបន់ ក៏ដូចជារបស់ពិភពលោកផងដែរ./.
（ប្រភពព័ត៌មាន: kh.qdnd.vn）
មតិពីមិត្តអ្នកអាន