វៀតណាមចែករំលែកការព្រួយបារម្ភអំពីស្ថានភាពសន្តិសុខនៅសាធារណរដ្ឋអាហ្វ្រិកកណ្តាល

វៀតណាមចែករំលែកការព្រួយបារម្ភអំពីស្ថានភាពសន្តិសុខនៅសាធារណរដ្ឋអាហ្វ្រិកកណ្តាល

កិច្ចប្រជុំនេះមានការចូលរួមពីរដ្ឋមន្រ្តីការបរទេសនៃសាធារណរដ្ឋអាហ្វ្រិកកណ្តាលគឺលោកស្រី Sylvie Valérie Baipo Temon ។ អ្នកតំណាងពិសេសនៃអគ្គលេខាធិការអង្គការសហប្រជាជាតិទទួលបន្ទុកប្រធានបេសកកម្មអង្គការសហប្រជាជាតិប្រចាំអាហ្វ្រិកកណ្តាល (MINUSCA) លោក Mankeur Ndiaye បានផ្តល់របាយការណ៍នៅក្នុងកិច្ចប្រជុំនេះ។ តំណាងអគ្គលេខាធិការអង្គការសហប្រជាជាតិបានអំពាវនាវឱ្យក្រុមប្រឹក្សាសន្តិសុខផ្តល់ការគាំទ្រដល់បុគ្គលិកនិងធនធាន ដើម្បីធានានូវប្រតិបត្តិការរបស់បេសកកម្មជួយសាធារណរដ្ឋអាហ្វ្រិកកណ្តាលឱ្យឆ្លើយតបនឹងបញ្ហាប្រឈមសន្តិសុខនាពេលបច្ចុប្បន្ន។

អញ្ជើញថ្លែងនៅឯកិច្ចប្រជុំនេះ លោកស្រីទីប្រឹក្សាឯកអគ្គរដ្ឋទូត Nguyen Phuong Tra អនុប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ បានចែករំលែកការព្រួយបារម្ភអំពីស្ថានភាពសន្តិសុខនៅសាធារណរដ្ឋអាហ្វ្រិកកណ្តាល ជំរុញឱ្យភាគីទាំងអស់ដោះស្រាយការខ្វែងគំនិតគ្នាដែលពាក់ព័ន្ធនឹងការបោះឆ្នោតតាមរយៈការសន្ទនានិងការចរចាដោយឈរលើមូលដ្ឋាននៃការគោរពច្បាប់និងរដ្ឋធម្មនុញ្ញនៃសាធារណរដ្ឋអាហ្វ្រិកកណ្តាល។

លោកស្រីបានសង្កត់ធ្ងន់ពីសារសំខាន់នៃការគោរពកិច្ចព្រមព្រៀងសន្តិភាពរវាងរដ្ឋាភិបាលនិងក្រុមប្រដាប់អាវុធដោយអំពាវនាវឱ្យសហគមន៍អន្តរជាតិរក្សាការគាំទ្រដល់សាធារណ រដ្ឋអាហ្វ្រិកកណ្តាលដែលសង្កត់ធ្ងន់លើតួនាទីស្នូល នៃអង្គការក្នុងតំបន់និងអនុតំបន់ដែលចែករំលែកការចូលរួមចំណែកសំខាន់របស់បេសកម្មនៅសាធារណរដ្ឋអាហ្វ្រិកកណ្តាល៕

（ប្រភពព័ត៌មាន: vov.vn）