យុគសម័យ - នៅចុងឆ្នាំនេះ តម្រូវការពលករពីកម្ពុជាត្រឡប់មកកាន់វៀតណាមវិញសម្រាប់ថ្ងៃឈប់សម្រាកបុណ្យតេតបានកើនឡើង។ ដើម្បីទប់ស្កាត់ករណីនៃការចូលដោយខុសច្បាប់ ការពួនការដាក់នៅដាច់ដោយឡែកដើម្បីបង្ការទប់ស្កាត់នឹងការឆ្លងរាលដាលនៃជំងឺរាតត្បាត Covid-19 រដ្ឋអំណាច់ Dak Lak (មូលដ្ឋានដែលមានព្រំដែនជាប់នឹងប្រទេសកម្ពុជា) បានពង្រឹងវិធានការត្រួតពិនិត្យ។
ក្រុមការងារបានត្រួតពិនិត្យនៅប៉ុស្តិ៍ការពារព្រំដែន Bo Heng។ រូបថត៖ Ngoc Lan
នាថ្ងៃទី ១៩ ខែមករា លោក Nguyen Truong Son អនុរដ្ឋមន្រ្តីក្រសួងសុខាភិបាលវៀតណាម អនុប្រធានគណៈកម្មាធិការជាតិគ្រប់គ្រងនិងបង្ការទប់ស្កាត់នឹងជំងឺរាតត្បាត Covid-19 បានដឹកនាំបេសកកម្មទៅត្រួតពិនិត្យការបង្ការទប់ស្កាត់នឹងជំងឺរាតត្បាតនៅខេត្ត Dak Lak។ ក្រុមការងារបានត្រួតពិនិត្យនៅប៉ុស្តិ៍ការពារព្រំដែន Bo Heng (ស្រុក Buon Don ខេត្ត Dak Lak) ។
នៅក្នុងជំនួបនេះ លោក Nguyen Truong Son បានទទួលស្គាល់និងកោតសរសើរចំពោះការរៀបចំទិសដៅនិងការអនុវត្តការបង្ការទប់ស្កាត់នឹងការរីករាលដាលនៃជំងឺរាតត្បាតនៅក្នុងខេត្ត Dak Lak ក្នុងរយៈពេលកន្លងមកនេះ។ លោកអនុរដ្ឋមន្រ្តីក្រសួងសុខាភិបាលក៏បានស្នើថា ក្នុងអំឡូងពេលមានសមាជគណបក្សជាតិលើកទី XIII និងពិធីបុណ្យតេតចូលឆ្នាំថ្មី គណៈកម្មាធិការជាតិគ្រប់គ្រងនិងបង្ការទប់ស្កាត់នឹងជំងឺរាតត្បាត Covid-19 ខេត្តDak Lak គួរតែមានផែនការលម្អិតនិងជាក់លាក់សម្រាប់ការត្រួតពិនិត្យនិងការបង្ការទប់ស្កាត់នឹងការរីករាលដាលនៃជំងឺរាតត្បាតនៅក្នុងខេត្ត បង្កើនការប្រាស្រ័យទាក់ទងបង្កើនការយល់ដឹងដល់ប្រជាជនអំពីការបង្ការនិងទប់ស្កាត់នឹងជំងឺរាតត្បាត Covid-19។
លោកអនុរដ្ឋមន្រ្តីក្រសួងសុខាភិបាល Nguyen Truong Son បានថ្លែងនៅក្នុងទស្សនា។ រូបថត Ngoc Lan
ជាពិសេស លោកអនុរដ្ឋមន្រ្តី Nguyen Truong Son បានស្នើឱ្យបញ្ជាការដ្ឋានកងទ័ពការពារព្រំដែនបង្កើនការយាមល្បាតនិងត្រួតពិនិត្យតំបន់ព្រំដែន ចាត់វិធានការទប់ស្កាត់នឹងការរីករាលដាលនៃជំងឺរាតត្បាតពីខាងក្រៅ។ ក្នុងឱកាសនេះ គណៈកម្មាធិការជាតិគ្រប់គ្រងនិងបង្ការទប់ស្កាត់នឹងជំងឺរាតត្បាត Covid-19 បានប្រគល់មាស់វេជ្ជសាស្ត្រចំនួន ៥,០០០ មុខដល់ប៉ុស្តិ៍ការពារព្រំដែន Bo Heng។
(បកប្រែដោយសាមេត)
(ប្រភពព័ត៌មាន: tienphong.vn)
មតិពីមិត្តអ្នកអាន