ផ្សព្វផ្សាយប្រពៃណីជួយទំនុកបម្រុងគ្នាទៅវិញទៅមករបស់ប្រជាជនវៀតណាម

ប្រទេសវៀតណាម៖ ការ​ថែទាំបុណ្យតេតសម្រាប់ជនក្រីក្រនៅ​តាម​មូលដ្ឋាននានា​

ប្រទេសកូរ៉េខាងត្បូង៖ កម្មវិធីនិទាឃរដូវរបស់អណិកជនវៀតណាមពោរពេញទៅដោយភាពកក់ក្ដៅ

សេចក្តីអំណររបស់ប្រជាជនក្រីក្រនៅពេលដើរទិញឥវ៉ាន់នៅទីផ្សារមនុស្សធម៌ដែលរៀបចំឡើងដោយសមាគមកាកបាទក្រហម ខេត្ត Hoa Binh

ចលនាបុណ្យតេតប្រកបដោយសេចក្តីសប្បុរស ត្រូវបានអនុវត្តចាប់ពីឆ្នាំ ២០២៣ ដោយឈរលើមូលដ្ឋាននៃការទទួលមរតក និងផ្សព្វផ្សាយលទ្ធផលនៃចលនា “បុណ្យ តេតដើម្បីជនក្រីក្រ និងជនរងគ្រោះដោយជាតិគីមីពុលពណ៌លឿងទុំ” ដោយសមាគមកាកបាទក្រហមវៀតណាមបំផុសឡើងក្នុងឆ្នាំ ១៩៩៩។

គ្របដណ្តប់លើប្រជាជនមានស្ថានភាពលំបាក និងងាយរងគ្រោះ

តាមលោកស្រី Bui Thi Hoa ប្រធានសមាគមកាកបាទក្រហមវៀតណាមថា ឆ្នាំនេះគឺជាឆ្នាំទី២ ដែលចលនាបុណ្យតេតប្រកបដោយសេចក្តីសប្បុរស ត្រូវបានរៀបចំឡើង។ សមាគមមានបំណងប្រមូលអំណោយចំនួន ១,២ លានចំណែក ដែលសកម្មភាពទាំងនេះមានតម្លៃប្រហែល ៧០០ ពាន់លានដុង (ស្មើនឹង ៣០ លានដុល្លារអាមេរិក) ហើយសកម្មភាពទាំងនេះត្រូវបានដាក់ពង្រាយនៅគ្រប់តំបន់ទូទាំងប្រទេស។ រីឯ មជ្ឈឹមសមាគមវិញ នឹងរៀបចំសកម្មភាពនៅតាមខេត្តក្រុងចំនួន ១៨ កន្លែង។

ចលនាបុណ្យតេតប្រកបដោយសេចក្តីសប្បុរស មានអត្ថន័យជាច្រើន។ ទីមួយគឺថា អ្នកទទួលផលនៃកម្មវិធីគឺទូលំទូលាយជាង។ ជនមានស្ថានភាពលំបាក និងជនងាយរងគ្រោះក្នុងសង្គមអាចមកកាន់ទីតាំងរៀបចំសកម្មភាព បុណ្យតេតប្រកបដោយសេចក្តីសប្បុរស ដើម្បីទទួលបានការថែទាំ និងការឧបត្ថម្ភពីសង្គម។ យើងក៏សង្ឃឹមថា ម៉ាកយីហោ ចលនាបុណ្យតេតប្រកបដោយសេចក្តីសប្បុរស នឹងសាយភាយ ដើម្បីឱ្យអ្នកគ្រប់គ្នាដែលមានទឹកចិត្ត និងតាមសមត្ថភាពរបស់ខ្លួន អាចរួមចំណែកដល់ចលនានេះ ហើយអាចជួយឧបត្ថម្ភដល់អ្នកដែលមានស្ថានភាពលំបាកជាងក្នុងសហគមន៍"។

ក្រៅពីខេត្ត-ក្រុងទាំង ១៨ ដែលរៀបចំកម្មវិធីនេះ តាមប្រធានកាកបាទក្រហម វៀតណាម គ្រប់មូលដ្ឋាន និងវិស័យនីមួយៗអាចរៀបចំគំរូបុណ្យតេតប្រកបដោយសេចក្តីសប្បុរសមួយ ដើម្បីឲ្យប្រជាជនមិនត្រឹមតែទទួលបានអំណោយជាសម្ភារៈប៉ុណ្ណោះទេ ថែមទាំងផ្តល់កម្លាំងចិត្តទៀតផង ពោលគឺ ប្រជាជនអាចចូលរួមក្នុងសកម្មភាពវប្បធម៌ និងកីឡា ទទួលការពិនិត្យ និងព្យាបាលជំងឺជាដើម...។ លោកស្រី Bui Thi Hoa ប្រធានកាកបាទក្រហមវៀតណាមបានអះអាងថា៖ “យើងតែងតែមានទស្សនៈថា រាល់សកម្មភាពបុណ្យតេតរបស់យើងបានទៅដល់ប្រជាជនក្រីក្របំផុត ប្រជាជនមានស្ថានភាពលំបាកបំផុត និងប្រជាជនដែលត្រូវការជំនួយបំផុត ដើម្បីកុំឱ្យជនក្រីក្រ ឬអ្នកខ្វះខាតមិនទុកឲ្យនរណាម្នាក់ដែលមិនទទួលបានអំណោយបុណ្យតេតនោះទេ។ ដូច្នេះហើយ ឆ្នាំនេះ យើងផ្តោតសំខាន់លើប្រជាជនដែលជួបការលំបាកនៅតំបន់លំបាកខ្លាំង មានន័យដា យើងអាចរៀបចំកម្មវិធីបុណ្យតេតសម្បូរដោយសកម្មភាព។ យើងស្នើឲ្យមូលដ្ឋានទាំងអស់ គួររៀបចំសកម្មភាពទាំងនេះ តាមលទ្ធភាពរបស់ខ្លួនសម្រាប់ជួយដល់ប្រជាជន”។

ការស្រុះចិត្តខ្លាំងពីសហគមន៍

ក្នុងឆ្នាំដំបូងនៃការរៀបចំកម្មវិធីបុណ្យតេតប្រកបដោយសប្បុរុស (ឆ្នាំ២០២៣) សមាគមកាកបាទក្រហមទទួលបានជោគជ័យលើទម្រង់ជាច្រើន។ សមាគមបានប្រមូលថវិកាជាង ១.១០០ ពាន់លានដុង (ប្រហែល ៤៧ លានដុល្លារអាមេរិក) និងអំណោយជាង ២លានកញ្ចប់ ដែលគោលដៅដំបូងគឺប្រហែល ៦០០ ពាន់លានដុង (២៥,៧ លានដុល្លារអាមេរិក) និងអំណោយ ១ លានកញ្ចប់ទៀត។ អ្នកទទួលផលនៃកម្មវិធីមិនត្រួតលើគ្នាជាមួយកម្មវិធីផ្សេងទៀតទេ។ លើសពីនេះ តាមរយៈការរៀបចំបុណ្យតេត គ្រប់ស្ថាប័នទាំងអស់តាមសមត្ថភាពរបស់ខ្លួន អាចចូលរួមជាមួយសមាគមកាកបាទក្រហម។ លោកស្រី Bui Thi Hoa បានវាយតម្លៃថា៖ "ការរួមចំណែករបស់សហគមន៍គឺជាបណ្តាញដ៏សំខាន់មួយ ដែលអាចនិយាយបានថាជាការសម្រេចចិត្តក្នុងការសម្រេចបាននូវគោលដៅមនុស្សធម៌ របស់សមាគមកាកបាទក្រហមវៀតណាម។ យើងប្រមូលផ្តុំសហភាពយុវជនដើម្បីនាំក្រុមស្ម័គ្រចិត្តទៅកាត់ សក់ជូនប្រជាជនក្រីក្រ និងជួបការលំបាក។ យើងបានកៀរគរវេជ្ជបណ្ឌិត និងគិលានុបដ្ឋាយិកាដើម្បីផ្តល់ការពិគ្រោះយោបល់សុខភាព និងផ្តល់ថ្នាំជូនដល់ប្រជា ជន។ យើងអាចកៀរគរសម្ព័ន្ធនារីរៀបចំទីកន្លែងតាំងបង្ហាញអាវផាយ និងបង្កើតស្តង់ចំនួន ១០ សម្រាប់វេចនំអន្សម ដើម្បីចែកជូនប្រជាជន។ ដូច្នេះហើយ អ្នកគ្រប់គ្នាអាចចូលរួមក្នុងពិធីបុណ្យតេតរបស់យើង”។

យោងតាមប្រធានកាកបាទក្រហមវៀតណាម ស្នាមញញឹម និងភាពសប្បាយរីករាយរបស់ប្រជាជននៅពេលជ្រើសរើសអំណោយដ៏ចាំបាច់សម្រាប់គ្រួសារក្នុងឱកាសបុណ្យ តេតបានបង្ហាញពីចំណងមិត្តភាពរវាងឆន្ទៈរបស់បក្ស ទឹកចិត្តរបស់ប្រជាជន កាយកចិត្តទុកដាក់របស់សង្គមចំពោះក្តីប្រាថ្នារបស់ជនក្រីក្រ។ ទន្ទឹមនឹងនោះ ទាំងនេះក៏ជារូបភាពដ៏រស់រវើកនៃប្រពៃណីជួយទំនុកបម្រុងគ្នាទៅវិញទៅមករបស់ប្រជាជនវៀតណាមផងដែរ៕