ឯកអគ្គរដ្ឋទូតវៀតណាមប្រចាំប្រទេសសិង្ហបុរីលោកស្រី Tao Thi Thanh Huong បានវាយតម្លៃខ្ពស់ចំពោះការរួមចំណែកជាវិជ្ជមានរបស់សហគមន៍អាណិកជនវៀតណាមចំពោះមាតុភូមិ ប្រទេសជាតិនិងទំនាក់ទំនងសហប្រតិបត្តិការវៀតណាម - សិង្ហបុរី។
លោកស្រីឯកអគ្គរដ្ឋទូត Tao Thi Thanh Huong ថ្លែងនៅក្នុងពិធី (រូបថត៖ vnanet.vn)
នាយប់ថ្ងៃទី ៦ ខែកុម្ភៈ ស្ថានទូតវៀតណាមប្រចាំសិង្ហបុរី បានរៀបចំពិធីបុណ្យតេតសម្រាប់សហគមន៍ដើម្បីអំណរឆ្នាំឆ្លូវត្រីស័ក ដោយមានការចូលរួមពីអាណិកជនវៀតណាម រួមជាមួយស្ថានតំណាង និងប្រជាជនវៀតណាមដែលកំពុងរស់នៅ ធ្វើការនិងសិក្សារៀនសូត្រនៅប្រទេសសាមី។
ថ្លែងក្នុងពិធីនេះ ឯកអគ្គរដ្ឋទូតវៀតណាមប្រចាំប្រទេសសិង្ហបុរីលោកស្រី Tao Thi Thanh Huong បានជូនដំណឹងដល់ប្រជាជនវៀតណាមអំពីសមិទ្ធិផលដែលវៀតណាមសម្រេចបានក្នុងឆ្នាំ ២០២០ ក្នុងបរិបទដែលតំបន់និងពិភពលោកកំពុងរងផលប៉ះពាល់យ៉ាងធ្ងន់ធ្ងរដោយសារជំងឺរាតត្បាត Covid-19។
លោកស្រីឯកអគ្គរដ្ឋទូត Tao Thi Thanh Huong ក៏បានបញ្ជាក់ថា ក្នុងបរិបទជំងឺរាតត្បាតរីករាលដាល ទំនាក់ទំនងភាពជាដៃគូយុទ្ធសាស្ត្រវៀតណាម - សិង្ហបុរី បន្តពង្រឹងនិងពង្រីកឥតឈប់ឈរ។ ប្រទេសទាំងពីរបានសហប្រតិបត្តិការជាមួយគ្នាយ៉ាងជិតស្និទ្ធក្នុងការអនុវត្តភារកិច្ចជាប្រធានអាស៊ានឆ្នាំ ២០២០ និងសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ ជាពិសេសគឺកិច្ចសហប្រតិបត្តិការយ៉ាងជិតស្និទ្ធក្នុងការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 រួមទាំងកិច្ចព្រមព្រៀងស្តីពីការធានាសន្តិសុខស្បៀង។
លោកស្រីឯកអគ្គរដ្ឋទូត ក៏បានវាយតម្លៃខ្ពស់ចំពោះការរួមចំណែកជាវិជ្ជមានរបស់សហគមន៍អាណិកជនវៀតណាមចំពោះមាតុភូមិ ប្រទេសជាតិនិងទំនាក់ទំនងសហប្រតិបត្តិការវៀតណាម - សិង្ហបុរី៕
(យោងតាមកាសែតកងទ័ពប្រជាជន)
មតិពីមិត្តអ្នកអាន