ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ឆ្នាំ ២០២១ នៅលើនាវាឆ្មាំសមុទ្រលេខ ៦០០១ យើងខ្ញុំបានចូលរួមក្នុងបរិយាកាសអ៊ូអរស្វាគមន៍បុណ្យចូលឆ្នាំថ្មីរបស់យុទ្ធជននៃកងឆ្មាំសមុទ្រវៀតណាម។
នៅលើនាវា យុទ្ធជនកំពុងសំអាត និងតុបតែង "ផ្ទះ" ថ្មី។ ចែករំលែកជាមួយពួកយើង លោកវរសេនីយ៍ត្រី Le Viet Quang ប្រធាននាវាឆ្មាំសមុទ្រលេខ ៦០០១ បានអោយដឹងថា៖ នាយទាហាន និងពលទាហាននៃនាវាទាំងមូលបានប្តេជ្ញាចិត្តថា៖ ស្វាគមន៍ឆ្នាំថ្មីដោយមិនភ្លេចភារកិច្ច ត្រៀមប្រយុទ្ធជានិច្ច រក្សាអធិបតេយ្យភាពដែនសមុទ្រកោះដ៏ពិសិដ្ឋរបស់មាតុភូមិ។ អង្គភាពបានផ្សព្វផ្សាយសេចក្តីណែនាំ និងភារកិច្ចត្រៀមប្រយុទ្ធក្នុងអំឡុងពេលបុណ្យចូលឆ្នាំថ្មីដល់នាយទាហាន និងពលទាហានទាំអស់ រក្សាវេណប្រចាំការយ៉ាងម៉ឺងម៉ាត់ ហើយចាត់តាំងភារកិច្ចជាក់លាក់ដល់ផ្នែកនីមួយៗ និងបុគ្គលម្នាក់ៗ។
នៅក្នុងបន្ទប់ប្រជុំ នាយទាហាន និងពលទាហាននៃនាវាឆ្មាំសមុទ្រលេខ ៦០០១ បានប្រមូលផ្ដុំគ្នាវេចនំអន្សម តុបតែងរូបភាព ផ្កាសម្រាប់ស្វាគមបុណ្យចូលឆ្នាំថ្មី... ព្រឹន្ទបាលត្រី Le Van Tinh យុទ្ធជនខាងកាំភ្លើងធំ (ស្រុកកំណើតនៅខេត្ត Ha Tinh) ចែករំលែកថា៖ “នេះជាលើកដំបូងដែលខ្ញុំស្វាគមន៍បុណ្យចូលឆ្នាំថ្មីឆ្ងាយពីគ្រួសារ។ ទោះបីខ្ញុំនឹកគ្រួសារ បងប្អូនញាតិមិត្តក៏ពិតមែន ក៏ប៉ុន្តែយើងមានអារម្មណ៍សប្បាយរីករាយ និងកក់ក្តៅដោយសារតែការយកចិត្តទុកដាក់ ការរៀបចំបានគ្រប់គ្រាន់ទាំងសម្ភារៈ និងស្មារតីពីមេបញ្ជាការអង្គភាព។ យើងនឹងប្តេជ្ញាថានឹងបំពេញភារកិច្ចដែលបានប្រគល់ឲ្យដោយជោគជ័យ”។
នាយទាហាន និងពលទាហាននៃនាវាឆ្មាំសមុទ្រលេខ ៦០០១ កំពុងវេចនំអន្សម
មិនត្រឹមតែនៅនាវាសមុទ្រលេខ ៦០០១ ប៉ុណ្ណោះទេ ថែមទាំងនៅនាវាទាំងអស់នៃបញ្ជាការដ្ឋានតំបន់លេខ ២ កងទ័ពជើងទឹក ក៏រៀបចំស្វាគមបុណ្យចូលឆ្នាំថ្មីសម្រាប់នាយទាហាន និងពលទាហានយ៉ាងហ្មត់ចត់ដែរ។ លោកវរសេនីយ៍ឯកបំរុង Bui Dai Hai អនុប្រធាននយោបាយនៃបញ្ជាការដ្ឋានតំបន់លេខ ២ កងទ័ពជើងទឹកបានមានប្រសាសន៍ថា៖ “ដើម្បីបង្កើតបរិយាកាសកក់ក្តៅដូចជានៅផ្ទះ ព្រមទាំងឆ្លើយតបនឹងតំរូវការកំសាន្ដរបស់កងទ័ពក្នុងឱកាសឈប់សម្រាកបុណ្យចូលឆ្នាំថ្មី អង្គភាពបានបង្កើតផែនការ ហើយរៀបចំសកម្មភាពសប្បាយរីករាយនៅក្នុងឱកាសបុណ្យចូលឆ្នាំថ្មីដូចជា ការផ្លាស់ប្តូរវប្បធម៌ លេងកីឡា និងលេងល្បែងប្រជាប្រិយជាដើម..."./.
（ប្រភពព័ត៌មាន: kh.qdnd.vn,）
មតិពីមិត្តអ្នកអាន