សមយុទ្ធយោធានាគមាសឆ្នាំ ២០២១ ដែលបានធ្វើរួមគ្នារវាងកម្ពុជានិងចិនត្រូវបានពន្យារពេលដោយសារជំងឺរាតត្បាតកូវីដ-១៩ និងគ្រោះទឹកជំនន់កាលពីឆ្នាំមុននៅកម្ពុជាដែលបានប្រើប្រាស់កម្លាំងរបស់យោធាយ៉ាងច្រើន។
នាយឧត្តមសេនីយ៍ ទៀ បាញ់ រដ្ឋមន្រ្តីក្រសួងការពារជាតិកម្ពុជា (ប្រភព៖ VOV)
នាយឧត្តមសេនីយ៍ ទៀ បាញ់ រដ្ឋមន្រ្តីក្រសួងការពារជាតិបានធ្វើសេចក្តីប្រកាសនេះកាលពីម្សិលមិញក្នុងពិធីបើកសមយុទ្ធយោធានៅមជ្ឈមណ្ឌលយោធាក្នុងខេត្តកំពង់ស្ពឺ។
លោកឧត្តមសេនីយ៍ ទៀ បាញ់ បានប្រាប់អ្នកសារព័ត៌មានថាការធ្វើសមយុទ្ធយោធាបន្តផ្ទាល់រវាងកម្ពុជានិងចិននឹងមិនអាចធ្វើនៅឆ្នាំនេះបានទេប៉ុន្តែកិច្ចសហប្រតិបត្តិការយោធារវាងប្រទេសទាំងពីរនៅតែដដែល។
សមយុទ្ធយោធានេះត្រូវបានផ្តល់ដោយរដ្ឋាភិបាលចិន ហើយវានឹងផ្តល់ផលប្រយោជន៍ដល់វិស័យការពារជាតិយ៉ាងខ្លាំង។ វាក៏ជាការទទួលស្គាល់នូវទំនាក់ទំនងរវាងកម្ពុជានិងចិនផងដែរ។
លោក Wang Wentian ឯកអគ្គរដ្ឋទូតចិនប្រចាំនៅកម្ពុជាបានចូលរួមក្នុងពិធីនោះហើយបាននិយាយថាកិច្ចសហប្រតិបត្តិការយោធាទ្វេភាគីរវាងកម្ពុជានិងចិនគឺជាមធ្យោបាយសំខាន់មួយក្នុងការកសាងសហគមន៍រួមគ្នាឲ្យកាន់តែរឹងមាំរវាងប្រទេសទាំងពីរ។
លោកបន្តថាមន្ត្រីយោធាមកពីភាគីទាំងសងខាងក៏មានទំនុកចិត្តខ្ពស់ផងដែរថាកិច្ចសហប្រតិបត្តិការនឹងនៅតែបន្តទោះបីជាសមយុទ្ធត្រូវបានលុបចោលនៅឆ្នាំនេះដោយផ្អែកលើកិច្ចសហប្រតិបត្តិការប្រកបដោយផ្លែផ្កានាពេលកន្លងមក។
លោកថាយោធាចិននិងកម្ពុជាមានជំហររួមគ្នាក្នុងលក្ខណៈ ជាច្រើនជាពិសេសក្នុងការប្រយុទ្ធប្រឆាំងរួមគ្នានឹងជំងឺកូវីត-១៩ នាពេលបច្ចុប្បន្ន។
សមយុទ្ធយោធានាគមាស ដែលបានចាប់ផ្តើមក្នុងឆ្នាំ ២០១៦ មានគោលបំណងផ្លាស់ប្តូរបទពិសោធន៍និងបង្កើនសមត្ថភាពកងយោធពលខេមរភូមិន្ទ និងកងទ័ពរំដោះប្រជាជនចិនក្នុងប្រតិបត្តិការមនុស្សធម៌ការជួយសង្គ្រោះគ្រោះមហន្តរាយ និងការប្រឆាំងភេរវកម្មក្នុងក្របខ័ណ្ឌអង្គការសហប្រជាជាតិស្របតាមកិច្ចសហប្រតិបត្តិការរវាងក្រសួងការពារជាតិនៃប្រទេសទាំងពីរ៕
（បកប្រែដោយវិច្ឆិកា）
មតិពីមិត្តអ្នកអាន