យុគសម័យ - នៅថ្ងៃទី ១៥ ខែកុម្ភៈ ឆ្នាំ ២០២១ នៅទីក្រុងដូនកែវ គណៈកម្មាធិការប្រតិបត្តិនៃសមាគមខ្មែរ - វៀតណាមនៅខេត្តតាកែវ បានរៀបចំពិធីជប់លៀងទទួលស្វាគមន៍និទាឃរដូវ ឆ្នាំ ២០២១ សម្រាប់ប្រជាជនមានដើមកំណើតវៀតណាម នៅខេត្តតាកែវ។
លោក Chau Van Chi បានថ្លែងក្នុងពីធីនេះ។
តំណាងអាជ្ញាធរ សមាគមន៍ខ្មែរ - វៀតណាម និងសមាគមខ្មែរ - វៀតណាម នៅខេត្តមួយចំនួននៃប្រទេសកម្ពុជា និងប្រជាជនមានដើមកំណើតវៀតណាមជាង ១០០ នាក់បានអញ្ជើញចូលរួមក្នុងពិធីនេះ។ គណៈប្រតិភូនៃស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ (ទទួលបន្ទុកកិច្ចការបរទេសនិងស្ថានកុងស៊ុលនៅភាគនិរតីនៃប្រទេសកម្ពុជា) ដឹកនាំដោយអគ្គកុងស៊ុលលោក Vu Ngoc Ly បានអញ្ជើញចូលរួមក្នុងពិធីនេះ។
ទិដ្ឋភាពរួមនៃពិធីនេះ។
ថ្លែងក្នុងពិធីនោះលោក Chau Van Chi ប្រធានសមាគមខ្មែរ - វៀតណាមបានវាយតម្លៃខ្ពស់ចំពោះការដែលសមាគមខ្មែរ -វៀតណាម នៅខេត្តតាកែវបានរៀបចំព្រឹត្តិការណ៍ដ៏មានអត្ថន័យសម្រាប់សហគមន៍ប្រជាជនមានដើមកំណើតវៀតណាម។ ក្នុងឱកាសនេះលោក Chau Van Chi បានថ្លែងអំណរគុណដល់ក្រុមគ្រួសាររបស់លោក Doan Van Hau អនុប្រធានសមាគមខ្មែរ - វៀតណាម ខេត្តតាកែវដែលបានឧបត្ថម្ភទាំងសម្ភារៈនិងស្មារតីសម្រាប់ពិធីជប់លៀងនេះដែលបានផ្តល់ឱកាសឱ្យប្រជាជនមានដើមកំណើតវៀតណាមផ្សារភ្ជាប់ជាមួយគ្នាថែមទៀត ជាពិសេសក្នុងឱកាសបុណ្យចូលឆ្នាំថ្មីប្រពៃណីវៀតណាម ដូច្នេះបងប្អូនប្រជាជនមានដើមកំណើតវៀតណាមតែងតែនឹកដល់ដើមកំណើតរបស់ពួកគេ./.（បកប្រែដោយឌីណា）
（ប្រភពព័ត៌មាន: FB ngocly.vu.）
មតិពីមិត្តអ្នកអាន