យុគសម័យ - សហគមន៍ជនជាតិវៀតណាមនៅឥណ្ឌា និងអ៊ីស្រាអែលទើបតែបានរៀបចំកម្មវិធីវេចនំអន្សម និងកម្មវិធីផ្លាស់ប្តូរក្នុងឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិវៀតណាម ឆ្នាំ២០២១ ។
យោងតាមស្ថានទូតវៀតណាមប្រចាំនៅឥណ្ឌា កម្មាវិធីអបអរសាទរពិធីបុណ្យចូលឆ្នាំថ្មីប្រពៃណីជាតិវៀតណាម ឆ្នាំ ២០២១ មានការចូលរួមពីភារធារី លោក Do Thanh Hai និងកម្មាភិបាល បុគ្គលិក និងសមាជិកគ្រួសារទាំងអស់នៃស្ថានទូត។
ការវេចនំអន្សមគឺជាសកម្មភាពប្រចាំឆ្នាំរបស់ស្ថានទូតវៀតណាមប្រចាំនៅប្រទេសឥណ្ឌានៅក្នុងឱកាសពិធីបុណ្យចូលឆ្នាំថ្មី
បុណ្យឆ្នាំថ្មីនាឆ្នាំនេះនៅទីក្រុងញូវដេលីមិនសូវមានមនុស្សជាច្រើនទេ ពីព្រោះជាង ៩០% នៃប្រជាជនដែលកំពុងធ្វើការការរស់នៅនិងសិក្សានៅទីក្រុងញូវដែលីបានវិលត្រឡប់ទៅផ្ទះវិញ ដើម្បី ចៀសវាងការរាតត្បាត Covid-19 ។ វិធានការរក្សាគម្លាតសង្គម ដើម្បីប្រយុទ្ធប្រឆាំងនឹងរោគរាតត្បាតធ្វើឱ្យការធ្វើដំណើរ និសកម្មភាពប្រជុំកាន់តែពិបាក។
ដោយសារតែរងផលប៉ះពាល់ពីការរីករាលដាលជំងឺរាតត្បាត Covid-19 នោះបុណ្យចូលឆ្នាំថ្មីនៅទីក្រុងញូវដែលីឆ្នាំនេះមិនសូវមានមនុស្សច្រើនទេពីព្រោះជាង ៩០% នៃប្រជាជនដែលកំពុងធ្វើការរស់នៅនិងសិក្សានៅទីក្រុងញូវដែលីបានវិលត្រឡប់ទៅផ្ទះវិញ។ ការដឹកជញ្ជូនវត្ថុធាតុដើមពីប្រទេសវៀតណាមក៏កំពុងជួបការលំបាកជាច្រើនផងដែរ។ ទោះយ៉ាងណា ស្ថានទូតបានព្យាយាមរៀបចំអង្ករដំណើប គ្រាប់សណ្តែកខៀវ សាច់ជ្រូក ជាពិសេសស្លឹក “ហ្ស៉ង” (ស្លឹកប្រើប្រាស់ក្នុងចំវេចនំអន្សំ) ត្រូវបានជំនួសដោយស្លឹកចេក ខ្នួចឫស្សីត្រូវបានជំនួសដោយស្លឹកចេក។
ការវេចនំអន្សមគឺជាសកម្មភាពប្រចាំឆ្នាំរបស់ស្ថានទូតវៀតណាមប្រចាំនៅប្រទេសឥណ្ឌានៅក្នុងឱកាសពិធីបុណ្យចូលឆ្នាំថ្មីម្តងៗដើម្បីធ្វើជួយឱ្យកុមារៗបានស្វែងយល់អំពីអត្តសញ្ញាណវប្បធម៌និងប្រពៃណីរបស់ប្រជាជនវៀតណាម។ បន្ទាប់ពីបានវេចនំអន្សម ស្ថានទូតបានរៀបចំពិធីអបអរសាទរបុណ្យចូលឆ្នាំថ្មីនិងបានជួបជុំគ្នារំលឹកឡើងវិញនូវអនុស្សាវរីយ៍នៃឆ្នាំដ៏លំបាកមួយ ប៉ុន្តែកក៏ទទួលបានជោគជ័យជាច្រើនផងដែរ។
សមាជិកនៃស្ថានទូតទាំងអស់បានសម្តែងក្តីសង្ឃឹមថា ឆ្នាំថ្មីនឹងនាំមកនូវសន្តិភាព វិបុលភាពដល់មាតុភូមិ សន្តិភាព និងសុភមង្គលសម្រាប់ប្រជាជននៅឯបរទេសទាំងអស់។
សហគមន៍ជនជាតិវៀតណាមនៅអ៊ីស្រាអែលវេចនំអន្សមស្វាគមន៍បុណ្យចូលឆ្នាំថ្មី។ (រូបថត៖ VNA)
ទន្ទឹមនឹងនេះ នៅអ៊ីស្រាអែល ស្ថានទូតវៀតណាមប្រចាំនៅអ៊ីស្រាអែលបានរៀបចំការវេចខ្ចប់នំអន្សម ដើម្បីបង្កើតបរិយាកាសបុណ្យចូលឆ្នាំថ្មីប្រពៃណី និងពង្រឹងចំណងសាមគ្គីភាពក្នុងចំណោមសហគមន៍ជនជាតិវៀតណាមដែលកំពុងធ្វើការនៅតំបន់។ បុគ្គលិកនៃស្ថានទូត និងជនជាតិវៀតណាមមួយចំនួននៅតំបន់នោះបានរំភើបចិត្តយ៉ាងខ្លាំង ក្នុងការចូលរួមសកម្មភាពវេចខ្ចប់នំអន្សម ព្រោះពួកគេគិតថា នេះជាសកម្មភាពដែលមានអត្ថន័យ បន្ថែមកម្លាំងខាងស្មារតីដល់ជនបរទេសវៀតណាមម្នាក់ៗដែលកំពុងរសនៅកន្លែងដែលឆាយពីស្រុកកំណើត./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន