យុគសម័យ - ថ្លែងមតិក្នុងពិធីបើកវគ្គរៀនភាសាបរទេសសម្រាប់សហគមន៍ជនជាតិវៀតណាម នៅប្រទេសឡាវ ព្រះឧបជ្ឈាយ៍ Thich Minh Quang សមាជិក ក្រុមប្រឹក្សាភិបាលនៃសមាគមព្រះពុទ្ធសាសនាវៀតណាម នៅប្រទេសឡាវ ប្រធានគណៈកម្មាធិការសម្របសម្រួលកិច្ចសហប្រតិបត្តិការព្រះពុទ្ធសាសនាវៀតណាម - ឡាវបានសង្កត់ធ្ងន់ថា នេះគឺជាវគ្គសិក្សាភាសាដោយឥតគិតថ្លៃ ប្រធានគណៈកម្មាធិការសារគមនាគមន៍និងវប្បធម៌នៃវត្ត Phat Tich ទទួលខុសត្រូវ ចាប់ពីគ្រឿងបរិក្ខារ តុ កៅអីរហូតដល់គ្រូ ...
សិក្ខាកាមក្នុងវគ្គៈបណ្តុះបណ្តាលនេះគឺកុមារជនជាតិវៀតណាម រស់នៅ ប្រទេសឡាវដែលមិនចេះភាសាវៀតណាមទេ។ គេចង់រៀនភាសាវៀតណាម ដើម្បីរក្សាភាសាកំណើត បន្ទាប់មកស្វែងយល់វប្បធម៌និងប្រពៃណីរបស់ប្រជាជនវៀតណាម។ ក្រៅពីនេះភាសាឡាវក៏ចាំបាច់សម្រាប់ប្រជាជនវៀតណាមដែលទើបតែមកដល់ប្រទេសឡាវ ហើយមានបំណងរកស៊ីនិងរស់នៅទីនេះ។ លើសពីនេះទៅទៀត ភាសាអង់គ្លេសក៏មានសារៈសំខាន់ខ្លាំងណាស់ក្នុងជីវភាពរស់នៅរបស់ប្រជាជន។ ព្រះឧបជ្ឈាយ៍ Thich Minh Quang បានសម្តែងនូវគោលបំណងថាវគ្គរៀនភាសាបរទេសនេះនឹងក្លាយជាស្ពាន ដើម្បីបង្រួបបង្រួមសហគមន៍ជនជាតិវៀតណាមនៅឡាវ។
លោកស្រី Nguyen Thi Thu Huyen ប្រធានគណៈកម្មការសារគមនាគមន៍នៃវត្ត Phat Tich បាននិយាយឲ្យដឹងថា ទោះបីវគ្គសិក្សានេះឥតគិតថ្លៃក៏ដោយ ក៏លោកស្រីបានអញ្ជើញគ្រូបង្រៀនភាសាបរទេសដែលសុទ្ធតែជាអ្នកជំនាញនិងមានបទពិសោធន៍។ គ្រូបង្រៀនភាសាអង់គ្លេសគឺជនជាតិហ្វីលីពីន រីឯគ្រូបង្រៀនភាសាវៀតណាមនិងភាសាឡាវសុទ្ធតែជាគ្រូដែលធ្លាប់បង្រៀនភាសា។ វគ្គសិក្សានេះក៏ប្រើសៀវភៅសិក្សាជាមូលដ្ឋានដែលត្រូវបានទទួលស្គាល់ដោយបណ្តាប្រទេសនិងអង្គការល្បីឈ្មោះផងដែរ។
ភាគច្រើននៃសិក្ខាកាមជិត ៨០ នាក់ ដែលបានចុះឈ្មោះក្នុងវគ្គសិក្សានេះគឺជាជនជាតិវៀតណាមចង់រៀនភាសាឡាវ ដើម្បីពួកគេអាចអាននិងសរសេរភាសាឡាវបាន។ មានអ្នកខ្លះមកនិងរស់នៅ នៅប្រទេសឡាវអស់រយៈពេលជាច្រើនឆ្នាំហើយ ទោះបីពួកគេអាចនិយាយភាសាឡាវបានក៏ដោយ ក៏ពួកគេមានការលំបាកជាច្រើនក្នុងការអាន និងសរសេរភាសាឡាវ ដូច្នេះពួកគេចង់សិក្សាវគ្គរៀនភាសាឡាវជាមូលដ្ឋាន។ ទន្ទឹមនឹងនេះនិស្សិតឡាវខ្លះបាននិយាយថា ពួកគេចូលចិត្តរៀនភាសាវៀតណាម ដើម្បីអាចនិយាយជាជាមួយមិត្តភ័ក្តជនជាតិវៀតណាម។ វគ្គរៀនភាសាបរទេសនឹងមាន ១ ថ្នាក់បង្រៀនភាសាវៀតណាម ១ ថ្នាក់ បង្រៀនភាសាឡាវ និង ២ ថ្នាក់បង្រៀនភាសាអង់គ្លេស (ថ្នាក់មួយសម្រាប់មនុស្សធំនិងថ្នាក់មួយសំរាប់កុមារ) រៀបចំ នៅពេលល្ងាចពីថ្ងៃច័ន្ទដល់ថ្ងៃព្រហស្បតិ៍ នៅវត្តPhat Tich។
វគ្គសិក្សាត្រូវបានរំពឹងថា នឹងប្រព្រឹត្តទៅក្នុងរយៈពេល ៣ ខែ។ ព្រះឧបជ្ឈាយ៍ Thich Minh Quang បានសម្តែងនូវគោលបំណងថាពិធីនេះនឹងក្លាយជាស្ពាន ដើម្បីបង្រួបបង្រួមសហគមន៍ជនជាតិវៀតណាមនៅប្រទេសឡាវ./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន