យុគសម័យ - នាថ្ងៃទី ១ ខែធ្នូ នៅសារមន្ទីរហូជីមិញ (ទីក្រុងហាណូយ) ក្រសួងវប្បធម៌កីឡានិងទេសចរណ៍វៀតណាមបានសហការជាមួយស្ថានទូតសាធារណរដ្ឋប្រជាធិបតេយ្យប្រជាមានិតឡាវប្រចាំនៅវៀតណាម បានរៀបចំពិព័រណ៍រូបថត“ ទំនាក់ទំនងមិត្តភាពពិសេសវៀតណាម - ឡាវ” ។
រូបថត ១០០ ផ្ទាំងស្តីពីចំណងមិត្តភាពពិសេសវៀតណាម - ឡាវ
ការតាំងពិព័រណ៍រូបថត ត្រូវបានបើកក្នុងឱកាសខួបលើកទី ៤៥ នៃទិវាជាតិនៃសាធារណរដ្ឋប្រជាធិបតេយ្យប្រជាមានិតឡាវ និងខួបកំណើតគម្រប់ ១០០ ឆ្នាំរបស់លោកប្រធានរដ្ឋឡាវ Kaysone Phomvihane។ ការតាំងពិព័រណ៍រូបថតបើកទូលាយសម្រាប់ភ្ញៀវចាប់ពីថ្ងៃទី ១ ខែធ្នូឆ្នាំ ២០២០ ដល់ថ្ងៃទី ៥ ខែធ្នូឆ្នាំ ២០២០ ។
ចូលរួមពិធីបើករួមមាន៖ លោក Sengphat Houngboungnuang ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋប្រជាធិបតេយ្យប្រជាមានិតឡាវប្រចាំនៅវៀតណាម លោក Ta Quang Dong អនុរដ្ឋមន្រ្តីក្រសួងវប្បធម៌កីឡានិងទេសចរណ៍វៀតណាម រួមទាំងតំណាងស្ថានទូតអាស៊ានប្រចាំនៅវៀតណាមផងដែរ។
ពិព័រណ៍នេះបានណែនាំដល់សាធារណៈជននូវទំនាក់ទំនងពិសេសរវាងប្រជាជននៃប្រទេសទាំងពីរវៀតណាម - ឡាវក្នុងអំឡុងពេលតស៊ូប្រយុទ្ធដើម្បីរំដោះជាតិក៏ដូចជាការស្តារនិងកសាងប្រទេសជាតិនាពេលបច្ចុប្បន្ននេះ។ ទន្ទឹមនឹងនេះដែរពិព័រណ៌ក៏បញ្ជាក់ពីការប្តេជ្ញាចិត្តរបស់ភាគីទាំងពីរ រដ្ឋនិងប្រជាជននៃប្រទេសទាំងពីរក្នុងការថែរក្សាទំនាក់ទំនងឥតឈប់ឈរ និងយូរអង្វែងរវាងវៀតណាមនិងឡាវ។ ការតាំងពិព័រណ៍នេះក៏ផ្តោតសំខាន់លើការណែនាំដល់អ្នកទស្សនាអំពីជីវិតនិងអាជីពបដិវត្តរបស់លោកប្រធានរដ្ឋឡាវ Kaysone Phomvihane ដែលជាសមមិត្តជិតស្និទ្ធនិងជាមិត្តដ៏អស្ចារ្យរបស់បក្សកុម្មុយនីស្តវៀតណាមនិងប្រជាជនវៀតណាមផងដែរ៕
（បកប្រែដោយ ហេងវុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន