នារសៀលថ្ងៃទី៣ ខែតុលា ក្រុមបេសកកម្មស្រុក A Luoi ខេត្ត Thua Thien – Hue វៀតណាម បានប្រគល់អំណោយជូនកងកម្លាំងប្រដាប់អាវុធ និងប្រជាជននៃភូមិចំនួនពីរ របស់ខេត្ត Salavan និង Sekong និងក្រុមគ្រួសាររងឥទ្ធិពលដោយខ្យល់ព្យុះលេខ៥ របស់ឃុំ Quang Nham ស្រុក A Luoi។
ក្រុមបេសកកម្មស្រុក A Luoi ប្រគល់អំណោយជូនកងកម្លាំងប្រដាប់អាវុធ និងប្រជាជនឡាវ
នៅច្រកទ្វារព្រំដែន Hong Van – Co Tai និងច្រកចេញចូល Hong Thai ក្រុមបេសកកម្មស្រុក A Luoi បានសហការជាមួយប៉ុស្តិ៍ការពារព្រំដែនច្រកទ្វារព្រំដែន Hong Van ប៉ុស្តិ៍ការពារព្រំដែន Nham (កងទ័ពការពារព្រំដែនខេត្ត Thua Thien – Hue) ចុះសួរសុខទុក្ខ លើកទឹកចិត្ត និងប្រគល់អំណោយ ១៣០ កញ្ចប់ជូនប៉ុស្តិ៍នរគបាល Ta Vang កងអនុសេនាធំការពារព្រំដែនលេខ៥១១ អ្នកភូមិ Co Tai និងអ្នកភូមិ Se Sap នៃខេត្ត Salavan និង Sekong (ប្រទេសឡាវ)។
ទន្ទឹមនឹងនោះ ក្រុមបេសកកម្មក៏បានជូនអំណោយដល់ក្រុមគ្រួសារក្រីក្រ ៧០ គ្រួសារ របស់ឃុំ Quang Nham ស្រុក A Luoi ដែលរងឥទ្ធិពលដោយខ្យល់ព្យុះលេខ៥ នាពេលកន្លងមក។ សកម្មភាពទាំងនេះបានជួយកម្មាភិបាល និងយុទ្ធជនបំពេញភារកិច្ចការពារព្រំដែន ហើយជួយដល់ជីវភាពរស់នៅរបស់ប្រជាជននៅតំបន់ព្រំដែន និងប្រជាជនឡាវឲ្យមានស្ថិរភាពឡើងវិញ រឹតបន្តឹងថែមទៀតនូវសាមគ្គីភាពរវាងកងកម្លាំងការពារព្រំដែន និងប្រជាជននៅសងខាងព្រំដែនវៀតណាម-ឡាវ៕
（ប្រភពព័ត៌មាន: kh.qdnd.vn）
មតិពីមិត្តអ្នកអាន