នាព្រឹកថ្ងៃទី ១៩ ខែកញ្ញា នៅគ្រឹះស្ថានឧត្តមសិក្សា Tay Ninh បញ្ជាការដ្ឋានយោធភូមិភាគទី ៧ បានសម្របសម្រួលជាមួយគណៈកម្មាធិការដឹកនាំការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 ខេត្ត Tay Ninh បានរៀបចំពិធីប្រគល់និងទទួលនិស្សិត និងសិក្ខាកាមយោធាកម្ពុជាចំនួន ៣០៥ នាក់ ដែលបានបញ្ចប់ការដាក់ឲ្យនៅដាច់ដោយឡែកពីគេឲ្យទៅសាលាយោធានៅទូទាំងប្រទេស។ អញ្ជើញចូលរួមពិធីនេះមានលោកឧត្តមសេនីយ៍ត្រី Nguyen Van Hoang នាយសេនាធិការរងនៃយោធភូមិភាគ។
អង្គភាពទាំងឡាយចុះហត្ថលេខាលើការប្រគល់និងទទួលនិស្សិត និងសិក្ខាកាមកម្ពុជា
ក្នុងរយៈពេល ១៤ ថ្ងៃនៅគ្រឹះស្ថានឧត្តមសិក្សា Tay Ninh (ចាប់ពីថ្ងៃទី ៤ ដល់ថ្ងៃទី ១៨ ខែកញ្ញា) និស្សិត និងសិក្ខាកាមទាំងឡាយបានបញ្ចប់ការដាក់ឲ្យនៅដាច់ដោយឡែកពីគេដើម្បីប្រយុទ្ធប្រឆាំងនឹងជំងឺរាតត្បាតដោយជោគជ័យ តាមការកំណត់របស់ក្រសួងសុខាភិបាល។
លោកឧត្តមសេនីយ៍ត្រី Nguyen Van Hoang នាយសេនាធិការរងនៃយោធភូមិភាគទី ៧ ថតរូបជាអនុស្សាវរីយ៍ជាមួយសិក្ខាកាមកម្ពុជា
នៅក្នុងពិធីនេះដែរ តំណាងសាលា និងបញ្ជាការដ្ឋានយោធាខេត្ត Tay Ninh បានចុះហត្ថលេខាលើកំណត់ហេតុនៃការប្រគល់និងទទួលសិក្ខាកាមយោធាកម្ពុជាឲ្យទៅសិក្សានៅសាលាយោធាបន្ទាប់ពីបញ្ចប់ការដាក់ឲ្យនៅដាច់ដោយឡែកពីគេ៕
（ប្រភពព័ត៌មាន: kh.qdnd.vn）
មតិពីមិត្តអ្នកអាន