ស្ថានទូតវៀតណាមប្រចាំនៅសហរដ្ឋអាមេរិកប្រគល់ម៉ាសដល់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍ហិរញ្ញវត្ថុអន្តរជាតិ

លោកឯកអគ្គរដ្ឋទូត Ha Kim Ngoc បានប្រគល់រូបថតមួយសន្លឹកដែលបានថតជាមួយលោកនាយករដ្ឋមន្រ្តី Nguyen Xuan Phuc ដល់នាយកប្រតិបត្តិនៃ DFC លោក Adam Boehler។

យោងតាមអ្នកយកព័ត៌មានរបស់ទីភ្នាក់ងារសារព័ត៌មានវៀតណាមប្រចាំនៅទីក្រុងវ៉ាស៊ីនតោនបានឱ្យដឹងថា នៅក្នុងកិច្ចប្រជុំនោះ ភាគីទាំងពីរបានវាយតម្លៃខ្ពស់ចំពោះសកម្មភាពសហប្រតិបត្តិការរវាង DFC និងទីភ្នាក់ងារវៀតណាមក្នុងរយៈពេលកន្លងមក។ លោក Adam Boehler បានសម្តែងការចាប់អារម្មណ៍ចំពោះដំណើរធុរកិច្ចទៅកាន់ប្រទេសវៀតណាមនៅដើមខែមករាឆ្នាំ ២០២០ នៅពេលដែលលោកមានឱកាសស្វាគមន៍និងរាយការណ៍ជូនលោកនាយករដ្ឋមន្រ្តី Nguyen Xuan Phuc អំពីកម្មវិធីសហប្រតិបត្តិការរវាង DFC និងវៀតណាម។ លោកក៏សង្ឃឹមថា កិច្ចប្រជុំថ្នាក់ការងាររវាង DFC និងទីភ្នាក់ងារវៀតណាម រួមទាំងក្រសួងផែនការនិងវិនិយោគនឹងបន្តអនុវត្តប្រកបដោយប្រសិទ្ធភាពនូវកិច្ចព្រមព្រៀងដែលសម្រេចបាន។

ប្រឈមមុខនឹងការរឆ្លងរាលដាលនៃជំងឺរាតត្បាត COVID-19 មេដឹកនាំ DFC បានសង្កត់ធ្ងន់លើកិច្ចសហប្រតិបត្តិការប្រកបដោយប្រសិទ្ធភាពរវាងវៀតណាមនិងសហរដ្ឋអាមេរិកក្នុងការផលិតនិងផ្គត់ផ្គង់ឧបករណ៍វេជ្ជសាស្រ្តនិងឧបករណ៍ការពារដើម្បីប្រយុទ្ធប្រឆាំងនឹងជំងឺរាតត្បាតនេះ។ រិឯខ្លួនវិញលោកឯកអគ្គរដ្ឋទូត Ha Kim Ngoc បានចែករំលែកបទពិសោធខ្លះៗរបស់ប្រទេសវៀតណាមក្នុងកិច្ចការត្រួតពិនិត្យជំងឺរាតត្បាត COVID-19 និងបណ្តាអទិភាពក្នុងការស្តារសេដ្ឋកិច្ចឡើងវិញ ជំរុញកិច្ចសហប្រតិបត្តិការក្នុងតំបន់និងអន្តរជាតិក្នុងនាមជាប្រធានអាស៊ាន ២០២០ ។

លោកឯកអគ្គរដ្ឋទូត Ha Kim Ngoc បានវាយតម្លៃខ្ពស់ចំពោះតួនាទីរបស់ DFC ហើយសង្ឃឹមថា ភាគីទាំងពីរនឹងបង្រួបបង្រួមនិងដាក់ពង្រាយគម្រោងកិច្ចសហប្រតិបត្តិការជាក់លាក់នៅក្នុងតំបន់យ៉ាងឆាប់រហ័ស។ ដោយសង្កត់ធ្ងន់ថា ឆ្នាំ ២០២០ ជាខួបលើកទី ២៥ នៃការធ្វើឱ្យប្រក្រតីនូវទំនាក់ទំនងរវាងវៀតណាមនិងសហរដ្ឋអាមេរិក ឯកអគ្គរដ្ឋទូត Ha Kim Ngoc បានស្នើឱ្យ DFC បន្តចូលរួមនិងរួមចំណែកដល់សកម្មភាពពាក់ព័ន្ធនាពេលខាងមុខ ដូចជាកិច្ចប្រជុំអាស៊ាន - សហរដ្ឋអាមេរិក វៀតណាម - សហរដ្ឋអាមេរិកស្តីពីកិច្ចសហប្រតិបត្តិការវិនិយោគនៅក្នុងតំបន់។

ក្នុងឱកាសនេះ លោកឯកអគ្គរដ្ឋទូត Ha Kim Ngoc បានប្រគល់ម៉ាសចំនួន ៥០០ ម៉ាសដែលផលិតដោយសហគ្រាសវៀតណាម (ក្រុមហ៊ុន An Phat និងក្រុមហ៊ុន Viet Thang Jean) ដល់ DFC ដើម្បីបុគ្គលិកនិងមន្តី្រនៃ DFC អាចប្រើប្រាស់នៅពេលត្រឡប់ទៅធ្វើការវិញបន្ទាប់ពីពេលខ្លះនៃការរក្សាគម្លាតសង្គម។ លោក Adam Boehler នាយកប្រតិបត្តិរួមជាមួយតំណាង DFC បានថ្លែងអំណរគុណចំពោះការចាប់អារម្មណ៍និងការចែករំលែករបស់ស្ថានទូតវៀតណាមនិងបណ្តាសហគ្រាស និងវាយតម្លៃខ្ពស់ចំពោះគុណភាពនៃផលិតផលម៉ាសដែលផលិតដោយវៀតណាម។ លោក Adam ក៏បានថ្លែងអំណគុណចំពោះអំណោយជារូបថតដែលថតជាមួយលោកនាយករដ្ឋមន្រ្តី Nguyen Xuan Phuc ក្នុងដំណើរទស្សនកិច្ចនៅទីក្រុងហាណូយកាលពីដើមឆ្នាំនេះផងដែរ៕

（បកប្រែដោយសាមេត）

（ប្រភពព័ត៌មាន: baotintuc.vn）

（បកប្រែដោយសាមេត）