យុគសម័យ - ក្នុងឱកាសរំលឹកខួបលើកទី ៩០ នៃការបង្កើតបក្សកុម្មុយនិស្តវៀតណាម (៣ ខែកុម្ភៈឆ្នាំ ១៩៣០ / ៣ ខែកុម្ភះ ឆ្នាំ ២០២០) លោក Jean Pierre Archambault អគ្គលេខាធិការសមាគមមិត្តភាពបារាំង - វៀតណាមបានអះអាងថាវៀតណាមក្រោមការដឹកនាំរបស់បក្សកុម្មុយនិស្ត ទទួលបានសមិទ្ធិផលគួរឱ្យកត់សម្គាល់ជាច្រើន។
លោក Jean Pierre Archambault អគ្គលេខាធិការសមាគមមិត្តភាពបារាំង - វៀតណាម
យោងទៅតាមលោក Archambault បានឲ្យដឹងថាកំណើតនៃបក្សកុម្មុយនីស្តវៀតណាមនៅឆ្នាំ ១៩៣០ បានបង្រួបបង្រួមសកម្មភាពរបស់ក្រុមកុម្មុយនិស្តនានានៅពេលនោះ។ នេះជាបុព្វហេតុរបស់លោកប្រធានហូជីមិញដែលមានឥទ្ធិពលយ៉ាងស៊ីជម្រៅនិងទូលាយហើយក៏ទទួលស្គាល់ខ្ពស់ពីសំណាក់ប្រជាជន។
ក្នុងរយៈពេល ១០ ឆ្នាំកន្លងមក កំណើនសេដ្ឋកិច្ចបានឈានដល់ពី ៦% -៧% ដែលក្លាយជាសេដ្ឋកិច្ចលូតលាស់លឿនបំផុតនៅអាស៊ីអាគ្នេយ៍។ អគ្គលេខាធិការនៃសមាគមមិត្តភាពបារាំង - វៀតណាមក៏បានសម្តែងការកោតសរសើរចំពោះការរីកចម្រើនដ៏ធំធេងរបស់វៀតណាមដោយសារអនុវត្តគោលនយោបាយផ្លាស់ប្តូរថ្មីចាប់តាំងពីឆ្នាំ ១៩៨៦ ។ ជាពិសេសនៅមហាសន្និបាតអង្គការសហប្រជាជាតិលើកទី ៧៣ ប្រទេសវៀតណាមត្រូវបានបោះឆ្នោតជ្រើសរើសជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខសម្រាប់អាណត្តិ ២០២០-២០២១ ដែលមានសំលេងគាំទ្របំបែកកំណត់ត្រា ពោលគឺមានសំលេងចំនួន ១៩២ /១៩៣ ។
លោក Archambault បានអះអាងថានេះគឺជាភស្តុតាងនៃឋានៈថ្មីរបស់វៀតណាមនៅលើឆាកអន្តរជាតិ ដែលត្រូវបានពង្រឹងដោយមានសមិទ្ធិផលនៃការធ្វើកំណែទម្រង់រយៈពេល ៣០ ឆ្នាំនិងការជឿទុកចិត្តពីសំណាក់សហគមន៍អន្តរជាតិក្នុងគោលនយោបាយកិច្ចបរទេសរបស់វៀតណាម៕（បកប្រែដោយ ហេង វុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន