យុគសម័យ - នាព្រឹក ថ្ងៃទី២៥ ខែតុលា ឆ្នាំ២០១៩ ឯកឧត្តម ហ៊ូ តាំងអេង រដ្ឋលេខាធិការក្រសួងផែនការកម្ពុជា បានអញ្ជើញជួបពិភាក្សាការងារជាមួយថ្នាក់ដឹកនាំគណៈកម្មាធិការប្រជាជនខេត្តខេត្ត Bac Lieu ព្រមទាំងផ្លាស់ប្តូរបទពិសោធន៍ស្តីពីការរៀបចំ ផែនការនិងទាក់ទាញទុនវិនិយោគផងដែរ។
ប្រធានគណៈកម្មាធិការប្រជាជនខេត្ត Bac Lieu លោក Duong Thanh Trung និង ឯកឧត្តម ហ៊ូ តាំងអេង រដ្ឋលេខាធិការក្រសួងផែនការកម្ពុជា (រូបថត៖ baobaclieu.vn)
ក្នុងជំនួបនេះ ឯកឧត្តម ហ៊ូ តាំងអេង រដ្ឋលេខាធិការក្រសួងផែនការនៃព្រះរាជាណាចក្រកម្ពុជាបានបញ្ជាក់ថាកម្ពុជាចងចាំជានិច្ចនូវជំនួយឧបត្ថម្ភនិងការគាំទ្ររបស់បក្ស កងទ័ព និងអ្នកជំនាញវៀតណាមក្នុងការរំដោះនិងអភិវឌ្ឍន៍នៅកម្ពុជា។ លោក ហ៊ូតាំងអេង បានអះអាងថាដំណើរទស្សនកិច្ចការងារលើកនេះមិនត្រឹមតែពង្រឹងចំណងសាមគ្គីភាពប៉ុណ្ណោះទេថែមទាំងផ្លាស់ប្តូរនិងស្វែងយល់ពីការអនុវត្តល្អៗក្នុងការរៀបចំផែនការ វិធីសាស្រ្តកងសាងនិងការអបុវត្តផនែការជាក់ស្តែងរបស់ខេត្ត Bac Lieu ទៀតផង ព្រមទាំង បង្ហាញយន្តការគ្រប់គ្រងរបស់ក្រសួងផែនការនិងវិនិយោគនិងមន្ទីរផែនការនិងវិនិយោគខេត្ត Bac Lieu ។
អនុលេខាគណៈកម្មាធិការបក្សខេត្តនិងជាប្រធានគណៈកម្មាធិការប្រជាជនខេត្ត Bac Lieu លោក Duong Thanh Trung បានជម្រាបជូនភាគីកម្ពុជាថា Bac Lieu ជាខេត្តដែលជាប់ចំណាត់ថ្នាក់លេខ៣ លើការអភិវឌ្ឍន៍សេដ្ឋកិច្ចជាតិក្នុងចំណោម ខេត្តផ្សេងៗក្នុងតំបន់ដែនដីសណ្តរ នៃប្រទេសវៀតណាម ។ ចំពោះវិស័យអាទិភាពរបស់ខេត្តដែលជាសរសរទ្រូងសេដ្ឋកិច្ចមាន ៣ គឺទីមួយការបង្កាត់ពូជ និងចិញ្ចឹមបង្គា ទីពីរដំណើរការនៃរោងចក្រថាមពលធម្មជាតិ ទីបីគីអាទិភាពលើវិស័យទេសចវណ៍ ។ លោកបន្តទៀតថាខេត្ត Bac Lieu នឹងសហការជួយឧបត្ថម្ភគាំទ្រនិងបង្កើតលក្ខណៈងាយស្រួលបំផុតក្នុងក្របខ័ណ្ឌច្បាប់សម្រាប់ដើម្បីជួយវិនិយោគិនកម្ពុជាមកវិនិយោគឲ្យបានច្រើនថែមទៀតនៅខេត្ត Bac Lieu ផងដែរ៕
（យោងតាម baobaclieu.vn បកប្រែដោយ ហេង វុធ្ធី）
មតិពីមិត្តអ្នកអាន