យុគសម័យ - អគ្គលេខាបក្ស ប្រធានរដ្ឋវៀតណាម លោក Nguyen Phu Trong និងប្រធានាធិបតីរុស្ស៊ីលោក Vladimir Putin បានផ្លាស់ប្តូរសារទូរលេខអបអរសាទរ ដែលបញ្ជាក់ថា នេះជាព្រឹត្តិការណ៍ដ៏អស្ចារ្យដែលកត់សម្គាល់នូវដំណាក់កាលអភិវឌ្ឍន៍ថ្មីនៃទំនាក់ទំនងរវាងប្រទេសទាំងពីរ។
អគ្គលេខាបក្ស ប្រធានរដ្ឋវៀតណាមលោក Nguyen Phu Trong និងប្រធានាធិបតីរុស្ស៊ី លោក Vladimir Putin
នាឪកាស ខួបអនុស្សាវរីយ៍លើកទី ២៥ នៃការចុះហត្ថលេខាលើសន្ធិសញ្ញាស្តីពីគោលការណ៍ជាមូលដ្ឋាននៃទំនាក់ទំនងមិត្តភាពរវាងសាធារណរដ្ឋសង្គមនិយមវៀតណាមនិងសហព័ន្ធរុស្ស៊ី ១៦ មិថុនា ១៩៩៤ - ១៦ មិថុនា ២០១៩) អគ្គលេខាបក្ស ប្រធានរដ្ឋវៀតណាមលោក Nguyen Phu Trong និងប្រធានាធិបតីរុស្ស៊ីលោក Vladimir Putin បានផ្លាស់ប្តូរសារទូរលេខអបអរសាទរ ដែលបញ្ជាក់ថា នេះជាព្រឹត្តិការណ៍ដ៏អស្ចារ្យដែលកត់សម្គាល់នូវដំណាក់កាលអភិវឌ្ឍន៍ថ្មីនៃទំនាក់ទំនងរវាងប្រទេសទាំងពីរ។
ក្រោយរយៈពេល ២៥ ឆ្នាំមក ទំនាក់ទំនងរវាងវៀតណាមនិងរុស្ស៊ីបានឈានដល់កម្រិតថ្មី ដោយកិច្ចសហប្រតិបត្តិការត្រូវបានពង្រឹងនិងពង្រីកនៅក្នុងគ្រប់វិស័យនយោបាយសេដ្ឋកិច្ច ពាណិជ្ជកម្មវិនិយោគ ការពារជាតិសន្តិសុខការ អប់រំនិងបណ្តុះបណ្តាល វិទ្យាសាស្ត្រនិងបច្ចេកវិទ្យា វប្បធម៌និងទេសចរណ៍។ល។
ភាគីទាំងពីរបានសម្តែងនូវជំនឿថា ទំនាក់ទំនងភាពជាដៃគូយុទ្ធសាស្ត្រដ៏ទូលំទូលាយនិងមិត្តភាពប្រពៃណីវាងវៀតណាមនិងរុស្ស៊ីកំពុងអភិវឌ្ឍន៍យ៉ាងជ្រាលជ្រៅ ដើម្បីផលប្រយោជន៍រួមរបស់ប្រជាជននៃប្រទេសទាំងពីរ និងសម្រាប់សន្តិភាពស្ថិរភាពនិងការអភិវឌ្ឍនរបស់តំបន់និងពិភពលោកផងដែរ៕
（យោងតាម vietnamplus.vn ប្រែសម្រូលដោយវិច្ឆិកា）
មតិពីមិត្តអ្នកអាន