យុគសម័យ- នេះគឺជាម៉ាស់ធ្វើពីក្រណាត់ប្រឆាំងនឹងដំណក់ទឹក ប្រឆាំងនឹងបាក់តេរីដែលផលិតដោយប្រទេសវៀតណាម។ នារសៀលថ្ងៃទី៧ ខែមេសា ក្រោមការអនុញ្ញាតពីលោកនាយករដ្ឋមន្រ្តី Nguyen Xuan Phuc លោកអនុរដ្ឋមន្រ្តីក្រសួងការបរទេស To Anh Dung បានអញ្ជើញធ្វើជាអធិបតីពិធីនេះ។
លោកអនុរដ្ឋមន្រ្តីក្រសួងការបរទេស To Anh Dung ប្រគល់ម៉ាស់ដល់ឯកអគ្គរដ្ឋទូតអ៊ីតាលី។ (រូបថត៖ Thong Tin Chinh Phu)
ឯកអគ្គរដ្ឋទូត ឯកអគ្គរាជទូតដែលមានវត្តមាននៅក្នុងពិធីនោះបានវាយតំលៃខ្ពស់ និងថ្លែងអំណរគុណយ៉ាងជ្រាលជ្រៅដល់រដ្ឋាភិបាលនិងប្រជាជនវៀតណាម ដែលការជួយឧបត្ថម្ភដ៏មានតម្លៃដល់រដ្ឋាភិបាល រាជរដ្ឋាភិបាលនិងប្រជាជននៃប្រទេសនានា ក្នុងគ្រាដ៏លំបាក។ ឯកអគ្គរដ្ឋទូត ឯកអគ្គរាជទូត ក៏បានសម្តែងការដឹងគុណ ចំពោះកាយវិការដ៏ថ្លៃថ្នូររបស់ប្រទេសវៀតណាម។
ទោះបីជា ប្រទេសវៀតណាមបានទទួលឥទ្ធិពលយ៉ាងខ្លាំងដោយ COVID-១៩ ។ ប៉ុន្តែវៀតណាមត្រៀមខ្លួនជាស្រេច សំដៅចែករំលែកធនធាន ជួយឧបត្ថម្ភផ្នែកវេជ្ជសាស្រ្ត និងបង្កើតលក្ខខណ្ឌងាយស្រួលសម្រាប់ពលរដ្ឋបរទេស នៅប្រទេសវៀតណាម។ ក្នុងនោះ ប្រទេសវៀតណាមបានព្យាបាលជនជាតិបរទេសដែលបានធ្វើតេស្តវិជ្ជមាន ចំពោះវីរុសកូរ៉ូណាដែលចាត់ទុកថា នេះជាការលើកទឹកចិត្តដ៏ធំមួយ សារនៃសាមគ្គីភាពនិងការប្តេជ្ញាចិត្តខ្ពស់ក្នុងការប្រយុទ្ធដ៏ស្វិតស្វាញជាមួយជំងឺ Covid-19 នាពេលបច្ចុប្បន្ន។ ហើយបញ្ជាក់ថា ប្រទេសនានានឹងសម្របសម្រួលយ៉ាងជិតស្និទ្ធ និងពង្រឹងកិច្ចសហប្រតិបត្តិការជាមួយវៀតណាម ក្នុងការការពារសុខភាពនិងសុវត្ថិភាពប្រជាជន។ ទន្ទឹមនឹងនេះរក្សាកិច្ចសហប្រតិបត្តិការ ការផ្លាស់ប្តូរពាណិជ្ជកម្ម ការចែករំលែកព័ត៌មាននិងគាំទ្រជាមួយគ្នា ដើម្បីជំនះការលំបាក./.
（បកប្រែដោយឌីណា）
មតិពីមិត្តអ្នកអាន