យុគសម័យ - នារសៀលថ្ងៃទី ៩ ខែកុម្ភៈ ពិធីប្រគល់សម្ភារៈ បរិក្ខាពេទ្យរបស់បក្សរដ្ឋាភិបាលនិងប្រជាជនវៀតណាមជូនបក្ស រដ្ឋាភិបាល និងប្រជាជន ចិនត្រូវបានធ្វើឡើងទៅនៅអាកាសយានដ្ឋានអន្តរជាតិ Noi Bai។ តាមផែនការ នាយប់នៃថ្ងៃដដែលនេះ យន្ដហោះរបស់ក្រុមហ៊ុនអាកាសចរណ៍ Vietnam Airlines នឹងដឹកសម្ភារៈ បរិក្ខាពេទ្យខាងលើទៅកាន់ Wuhan ដើម្បីជូនបក្ស រដ្ឋាភិបាល និងប្រជាជន ចិន រួមផ្សំនឹងដឹកជញ្ជូនពលរដ្ឋវៀតណាមចំនួន ១១ នាក់ទៅត្រឡប់ប្រទេសវៀតណាមវិញ។
អនុរដ្ឋមន្រ្តីក្រសួងការបរទេសវៀតណាម លោក To Anh Dung បានប្រគល់សំភារៈ បរិក្ខាពេទ្យនលោក Xiong Bo ឯកអគ្គរដ្ឋទូតចិនប្រចាំនៅវៀតណាម។ (រូបថត៖ កាសែត Quocte)
ក្នុងពិធីនេះអនុរដ្ឋមន្រ្តីក្រសួងការបរទេសវៀតណាម លោក To Anh Dung បានប្រគល់សំភារៈ បរិក្ខាពេទ្យ រួមមាន៖ ម៉ាស៊ីនដកដង្ហើម សម្លៀកបំពាក់ សម្លាប់មេរោគ ស្រោមដៃនិងម៉ាស់វេជ្ជសាស្ត្រ ដែលមានទឹកប្រាក់សរុប ៥០ ម៉ឺនដុល្លារអាមេរិក ជូនលោក Xiong Bo ឯកអគ្គរដ្ឋទូតចិនប្រចាំនៅវៀតណាមដែលជាអំណោយរបស់បក្សរដ្ឋាភិបាលនិងប្រជាជនវៀតណាមជូនបក្សរដ្ឋាភិបាលនិងប្រជាជនចិន។
ថ្លែងនៅក្នុងពិធីនេះលោកTo Anh Dung បានអះអាងថាអំណោយទាំងនេះជាការបង្ហាញពីចំណងសាមគ្គីភាពការយកចិត្តទុកដាក់និងបំណងប្រាថ្នារបស់បក្ស រដ្ឋាភិបាលនិងប្រជាជនវៀតណាមដោយបន្តប្រពៃណីល្អរវាងបក្សទាំងពីររដ្ឋាភិបាលនិងប្រជាជននៃប្រទេសទាំងពីរ ហើយចែករំលែកចំពោះការលំបាកដែលប្រទេសចិនកំពុងប្រឈមមុខដោយបង្កឡើងដោយជំងឺរាតត្បាត។
សំភារៈ បរិក្ខាពេទ្យនបានប្រមូលផ្តុំ នៅអាកាសយានដ្ឋានអន្តរជាតិ Noi Bai មុនពេលចេញដំណើរទៅកាន់ Wuhan។ (រូបថត៖ កាសែត Quocte)
លោកឯកអគ្គរដ្ឋទូត Xiong Bo បានថ្លែងអំណរគុណយ៉ាងជ្រាលជ្រៅចំពោះបក្សរដ្ឋាភិបាលនិងប្រជាជនវៀតណាមដោយបានផ្តល់ជំនួយដ៏មានតម្លៃជូនបក្សរដ្ឋាភិបាលនិងប្រជាជនវៀតណាមក្នុងគ្រាដ៏លំបាកនេះ។ នេះគឺជាការបង្ហាញយ៉ាងរស់រវើកនូវប្រពៃណីដ៏ថ្លៃថ្នូរ ការជួយគ្នាទៅវិញទៅមករវាងប្រជាជននៃប្រទេសទាំងពីរវៀតណាម - ចិន។ សម្ភារៈ បរិក្ខាពេទ្យទាំងនេះមិនត្រឹមតែជាការជួយឧបត្ថម្ភខាងសម្ភារៈប៉ុណ្ណោះទេ ប៉ុន្តែវាក៏ជាការលើកទឹកចិត្តដល់ប្រជាជនចិនដើម្បីឆ្លងកាត់ដំណាក់កាលដ៏លំបាកមួយនេះផងដែរ។ លោកឯកអគ្គរដ្ឋទូតក៏បានវាយតម្លៃខ្ពស់ចំពោះការប្តេជ្ញាចិត្តកិច្ចខិតខំប្រឹងប្រែងនិងការចាត់វិធានការប្រកបដោយប្រសិទ្ធភាពរបស់ប្រទេសវៀតណាមដោយជឿជាក់ថា ប្រទេសវៀតណាមនឹងទប់ទល់ប្រកបដោយជោគជ័យចំពោះផលប៉ះពាល់ទាំងឡាយដែលបណ្តាលមកពីជំងឺរាតត្បាត nCov ថ្មី។
ក្នុងឱកាសនេះកាកបាទក្រហមវៀតណាមបានអំពាវនាវអង្គភាពនានា និងបុគ្គល បរិច្ចាគសម្ភារៈ បរិក្ខាពេទ្យ ដើម្បីជួយឧបត្ថម្ភដល់ប្រជាជនចិន ដែលមានតម្លៃសរុប ១០ ម៉ឺនដុល្លារអាមេរិក - ចំណែកមួយនៃសម្ភារៈ បរិក្ខាពេទ្យនេះនឹងដឹកទៅកាន់ Wuhan ដើម្បីបម្រើការងារប្រឆាំងនឹងការរីករាលដាលជំងឺ nCov ថ្មី។
*យោងតាមផែនការយប់ថ្ងៃទី ៩ ខែកុម្ភៈនេះ យន្ដហោះរបស់ក្រុមហ៊ុនអាកាសចរណ៍ Vietnam Airlines នឹងដឹកសម្ភារៈ បរិក្ខាពេទ្យខាងលើទៅកាន់ Wuhan ដើម្បីជូនបក្ស រដ្ឋាភិបាល និងប្រជាជន ចិន រួមផ្សំនឹងដឹកជញ្ជូនពលរដ្ឋវៀតណាមចំនួន ១១ នាក់ទៅត្រឡប់ប្រទេសវៀតណាមវិញ៕
（បកប្រែដោយឌីណា）
មតិពីមិត្តអ្នកអាន