យុគសម័យ - នាថ្ងៃទី ៣ មករា សមាគមមិត្តភាពវៀតណាម - កម្ពុជា អតីតកងទ័ពស្ម័គ្រចិត្តនៃអង្គភាពទី ២ បានរៀបចំពិធីសំណេះសំណាលអបអរសាទរខួប ៤២ ឆ្នាំនៃទិវាជ័យជម្នះសង្គ្រាមការពារព្រំដែនភាគនិរតីវៀតណាមនិងរួមជាមួយប្រជាជនកម្ពុជា ផ្តួលរំលំរបបប្រល័យពូជសាសន៍៖ (ថ្ងៃទី០៧ មករា ១៩៧៩- ថ្ងៃទី៧ មករា ២០២១) ។
ប្រតិភូបានថតរូបនៅឯជំនួបអបអរសាទរខួបលើកទី ៤២ នៃទិវាជ័យជម្នះសង្គ្រាមការពារព្រំដែនភាគនិរតីវៀតណាមនិងរួមជាមួយប្រជាជនកម្ពុជាផ្តួលរំលំរបបប្រល័យពូជសាសន៍ ។ (រូបថត៖ Dieu Linh )
ថ្លែងនៅក្នុងអង្គប្រជុំនោះលោកឧត្តមសេនីយ៍ទោ Pham Ngoc Khoa ប្រធានសមាគមន៍វៀតណាម កម្ពុជា អតីតកងទ័ពស្ម័គ្រចិត្តវៀតណាមនៃអង្គភាពទីពីរ បានសង្កត់ធ្ងន់ថា“ យើងដឹងយ៉ាងច្បាស់ថា ពេលវេលាអាចផ្លាស់ប្តូរ ប៉ុន្តែសាមគ្គីភាពវៀតណាម - កម្ពុជានឹងមិនផ្លាស់ប្តូរនៅឡើយ។ ចំណងសាមគ្គីភាពនិងមិត្តភាពត្រូវបានកសាងឡើង ដោយសាច់ឈាមនិងការខំប្រឹងប្រែងជាច្រើនជំនាន់” ។
លោកស្រីប្រធានសម្ព័ន្ធអង្គការមិត្តភាពវៀតណាម Nguyen Phuong Nga ក្នុងជំនួបនេះអញ្ជើញថ្លែងសុន្ទរកថា នៅក្នុងជំនួបនេះ
ថ្លែងនៅក្នុងជំនួបនេះ លោកស្រីប្រធានសម្ព័ន្ធអង្គការមិត្តភាពវៀតណាម Nguyen Phuong Nga បានចែករំលែកថា ពិធីសំណេះសំណាល ដើម្បីអបអរសាទរខួបលើកទី ៤២ ជំនួបជ័យជម្នះសង្គ្រាមការពារព្រំដែនភាគនិរតីវៀតណាមនិងរួមជាមួយប្រជាកម្ពុជាផ្តួលរំលំរបបប្រល័យពូជសាសន៍ (៧ មករា ១៩៧៩- ៧ មករា ២០២១) គឺជាសកម្មភាពជួបប្រាស្រ័យទាក់ទងគ្នារវាងប្រជាជននិងប្រជាជន លើកដំបូង នៅឆ្នាំ ២០២១ ដែលជាសកម្មភាពបើកនិងជាក់ស្តែងដែលឆ្ពោះទៅមហាសន្និបាតតំណាងទូទាំងប្រទេសលើកទី ៥ របស់សមាគមមិត្តភាពវៀតណាម - កម្ពុជា។
ការជួយប្រទេសកម្ពុជាចេញផុតពីអំពើប្រល័យពូជសាសន៍គឺជាជ័យជំនះជាប្រវត្តិសាស្ត្រដែលជួយប្រជាជនកម្ពុជាបិទសង្គ្រាមស៊ីវិលដ៏ខ្មៅងងឹតនិងឈឺចាប់បំផុត ក្នុងប្រវត្តិសាស្ត្ររបស់ប្រទេសនេះ អនុវត្តបុព្វហេតុស្តារៈឡើងវិញប្រជាជាតិនិងឈានទៅរកយុគសម័យឯករាជ្យនិងសន្តិភាព សេរីភាពនិងអភិវឌ្ឍ។ នេះក៏ជាជ័យជំនះនៃបុព្វហេតុយុត្តិធម៌នៃការតស៊ូ សាមគ្គីភាពរវាងប្រជាជនវៀតណាម - កម្ពុជា ដែលមានប្រពៃណីនូវចំណងមិត្តភាពល្អប្រសើរ និងជួយគ្នាទៅវិញទៅមក។ ប្រវត្តិសាស្ត្រនៃប្រទេសទាំងពីរនឹងកត់ត្រានូវចំណងសាមគ្គីភាពដ៏អស្ចារ្យ ស្មោះត្រង់និងបរិសុទ្ធជារៀងរហូត” ។
លោកស្រីប្រធានសម្ព័ន្ធអង្គការមិត្តភាពវៀតណាម Nguyen Phuong Nga ក្នុងជំនួបនេះបានប្រគល់ប័ណ្ណសរសើរដល់អង្គការនិងបុគ្គលិកនៃសមាគមមិត្តភាពវៀតណាម - កម្ពុជាដែលជាអតីតកងទ័ពស្ម័គ្រចិត្តនៃអង្គទ័ពទី ២
ចែករំលែកនៅក្នុងជំនួបនេះឯកអគ្គរាជទូតកម្ពុជាប្រចាំនៅប្រទេសវៀតណាម លោកចាយ ណាវុធបានមានប្រសាសន៍ថា ដោយមានការជួយនិងការគាំទ្រដ៏ធំធេងទាន់ពេលវេលានិងប្រកបដោយប្រសិទ្ធភាពពីប្រទេសវៀតណាម ដែលរួមចំណែកក្នុងការផ្លាស់ប្តូរប្រទេសកម្ពុជាពីប្រទេសមួយដែលពោរពេញទៅដោយសង្គ្រាម ការតស៊ូរងទុក្ខវេទនា ក្លាយជាប្រទេសដែលមានសន្តិភាពមានការអភិវឌ្ឍលើគ្រប់វិស័យ ដោយការបង្រួបបង្រួមទឹកដីទាំងមូលនៃព្រះរាជាណាចក្រកម្ពុជា។
លោកក៏បានសម្តែងនូវក្តីស្រឡាញ់និងថ្លែងអំណរគុណយ៉ាងជ្រាលជ្រៅចំពោះបក្ស រដ្ឋ រណសិរ្សនិងប្រជាជនវៀតណាមដែលតែងតែគាំទ្រនិងជួយប្រទេសកម្ពុជាលើគ្រប់វិស័យ រួមទាំងវិស័យអប់រំ ដើម្បីអភិវឌ្ឍធនធានមនុស្ស ហេដ្ឋារចនាសម្ព័ន្ធនិងកិច្ចសហប្រតិបត្តិការក្នុងវិស័យផ្សេងទៀត។
ក្នុងឱកាសនេះដែរ នៅព្រឹកថ្ងៃទី ៣ ខែមករា នៅទីក្រុងហាណូយ ស្ថានទូតកម្ពុជាប្រចាំនៅវៀតណាមបានប្រារព្ធពិធីអបអរសាទរខួបលើកទី ៤២ នៃទិវា រណសិរ្សសាមគ្គីសង្គ្រោះជាតិកម្ពុជារួមជាមួយកងទ័ពស្ម័គ្រចិត្តវៀតណាមវាយផ្តួលរំលំរបបប្រល័យពូជសាសន៍ ប៉ុល ពត - អៀង សារី (៧ មករា ១៩៧៩ / ៧ មករា ២០២១)
ចាយ ណាវុធ ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំប្រទេសវៀតណាម បានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាល ប្រជាជន អតីតកងទ័ពស្ម័គ្រចិត្ត និងអ្នកជំនាញវៀតណាម ដែលបានបំពេញបេសកកម្មអន្តរជាតិដ៏ថ្លែថ្នូររបស់ខ្លួនដោយបានជួយរំដោះប្រជាជនកម្ពុជាឱ្យរួចផុតពីរបបប្រល័យពូជសាសន៍ខ្មែរក្រហមដ៏សាហាវ ឃោរឃៅ ដែលដឹកនាំដោយ ប៉ុល ពត - អៀង សារី។
លោក ចាយ ណាវុធ ក៏បានបញ្ជាក់ផងដែរថា ជ័យជំនះដ៏ធំធេងនេះបានបើកយុគសម័យថ្មីមួយក្នុងប្រវត្តិសាស្ត្រកម្ពុជាដោយបញ្ចប់សង្គ្រាមអយុត្តិធម៌ដែលបង្ករឡើងដោយ ប៉ុល ពត - អៀងសារី ជាសង្គ្រាមប្រឆាំងនឹងផលប្រយោជន៍របស់ប្រទេសជាតិ ហើយបំផ្លាញចំណងមិត្តភាពជាប្រពៃណីរវាងប្រជាជនកម្ពុជា និងប្រជាជនវៀតណាម./.
ប្រតិភូអញ្ជើញចូលរួមក្នុងពិធីអបអរសាទរខួបលើកទី ៤២ ឆ្នាំនៃទិវាជ័យជម្នះសង្គ្រាមការពារព្រំដែនភាគនិរតីវៀតណាមនិងជួយប្រជាជនកម្ពុជាផ្តួលរំលំរបបប្រល័យពូជសាសន៍ ថ្ងៃទី ៧ មករា។ (រូបថត៖ កងទ័ពប្រជាជន)។
（បកប្រែដោយឌីណា）
（ប្រភពព័ត៌មាន: thoidai.com.vnុqdnd.khmer.com）
មតិពីមិត្តអ្នកអាន