យុគសម័យ៖ នាថ្ងៃទី ៦-១ គណៈប្រតិភូដឹកនាំ ដោយលោកឧត្តមសេនីយ៍ទោ យ៉ុង ម៉ៅ នាយករងនៃនាយកដ្ឋានអភិវឌ្ឍន៍ក្រសួងការពារជាតិកម្ពុជាបានមកសួរសុខទុក្ខ និងជូនពរបុណ្យចូលឆ្នាំថ្មីប្រពៃណីវៀតណាម ឆ្នាំ២០២០ នៅស្រុក Tinh Bien។
ទេសភាពស្រុក Tinh Bien (រូបថត៖ កាសែត An Giang)
លោកឧត្តមសេនីយ៍ទោ យ៉ុង ម៉ៅបានសម្តែងក្តីសប្បាយរីករាយចំពោះទំនាក់ទំនងដ៏ល្អប្រសើររវាងប្រទេសទាំងពីរ ហើយមានបំណងប្រាថ្នាចង់លើកកម្ពស់ចំណងមិត្តភាព សាមគ្គីភាពនិងកិច្ចសហប្រតិបត្តិការក្នុងវិស័យវិនិយោគនិងការអភិវឌ្ឍ។ ទន្ទឹមនឹងនេះលោក យ៉ុង ម៉ៅ បានផ្ញើលិខិតជូនពរឆ្នាំថ្មីរបស់នាយក នាយកដ្ឋានអភិវឌ្ឍន៍ជូនដល់ថ្នាក់ដឹកនាំនិងប្រជាជនស្រុក Tinh Bien ។
ជំនួសមុខគណៈកម្មការបក្សភាគស្រុក អាជ្ញាធរនិងប្រជាជននៅស្រុក Tinh Bien លោកប្រធានគណៈកម្មាធិការប្រជាជនស្រុក Tinh Bien Nguyen Thanh Huan បានថ្លែងអំណរគុណដល់គណៈប្រតិភូ និងបានអះអាងថា ត្រៀមខ្លួនជាស្រេច ដើម្បីចែករំលែក និងសហប្រតិបត្តិការជាមួយប្រទេសមិត្ត ដោយ ស្មារតីសាមគ្គីភាព មិត្តភាពគោរពឯករាជ្យអធិបតេយ្យភាព និងបូរណភាពទឹកដីរបស់ប្រទេសនីមួយៗ។
（ប្រែសម្រួលដោយឌីណា）
មតិពីមិត្តអ្នកអាន