យុគសម័យ - នៅថ្ងៃទី ១៧ខែកញ្ញា បញ្ជាការដ្ឋានកងទ័ពការពារព្រំដែនខេត្ត Kon Tum (ប្រទេសវៀតណាម)បានបញ្ចូនគ្រូពេទ្យមួយក្រុមទៅពិនិត្យសុខភាពនិង ចែកថ្នាំឥតគិតថ្លៃ រួមទាំងជូនអំណោយដល់ប្រជាជនកម្ពុជានៅភូមិចំនួនពីរនៃ ឃុំញ៉ាង ស្រុកអណ្តូងមាស ខេត្តរតនគិរី (ព្រះរាជាណាចក្រកម្ពុជា)
ក្រុមការងារជូនអំណោយដល់ប្រជាជនកម្ពុជានៅភូមិទាំងពីរ (រូបថត៖ Van Ly/bienphong.com.vn)
ប្រជាជនកម្ពុជាជាង ៤០០ នាក់ ត្រូវបានគ្រូពេទ្យនៃកងទ័ពការពារព្រំដែនខេត្ត Kon Tum ពិនិត្យសុខភាព និងចែកថ្នាំឥតគិតថ្លៃ។ តាមរយៈការពិនិត្យនេះបានសរឲ្យឃើញថា ប្រជាជនក្នុងតំបន់ ច្រើនតែទទួលរងពីការឆ្លងមេរោគផ្លូវដង្ហើម ជំងឺរាគរូស ជំងឺគ្រុនចាញ់ ជំងឺរលាកក្រពះនិងជំងឺរលាកសន្លាក់ផងដែរ។
គ្រូពេទ្យនៃកងទ័ពការពារព្រំដែនខេត្ត Kon Tum ពិនិត្យសុខភាពជូនប្រជាជនកម្ពុជា (រូបថត៖ Van Ly/bienphong.com.vn)
កងទ័ពការពារព្រំដែនខេត្ត Kon Tum ចែកថ្នាំឥតគិតថ្លៃជូនដល់ប្រជាជនកម្ពុជា (រូបថត៖ Van Ly/ bienphong.com.vn)
ឧត្តមសេនីយ៍ទោ លោក ងួន គឿន ស្នងការនគរបាលខេត្តរតនគិរីបញ្ជាក់ថា៖ “សកម្មភាពទាំងនេះរបស់កងទ័ពការពារព្រំដែនខេត្ត Kon Tum ជាសកម្មភាពដ៏មានអត្ថន័យចំពោះប្រជាជនកម្ពុជានិយាយរួម និងអ្នកភូមិទាំងពីរនេះនិយាយដោយឡែក។ ខ្ញុំបានដឹងថា ក្នុងរយៈពេលប៉ុន្មានឆ្នាំកន្លងមក បញ្ជាការដ្ឋានកងទ័ពការពារព្រំដែនខេត្ត Kon Tum តែងតែទៅពិនិត្យជម្ងឺ និងចែកអំណោយជូនប្រជាជនកម្ពុជានៅតំបន់ព្រំដែន”។ ទន្ទឹមនិងការពិនិត្យជម្ងឺ ក្រុមការងារក៏បានជូនអំណោយដល់ប្រជាជនចំនួន ១១២ នាក់ផងដែរ៕
（យោងតាម bienphong.com.vn）
មតិពីមិត្តអ្នកអាន