យុគសម័យ - ប្រទេសវៀតណាមត្រូវបានកោតសរសើរដោយសហគមន៍ចំពោះគោលនយោបាយនិងកម្មវិធីផ្តោតទៅលើជនជាតិភាគតិចក៏ ដូចជាការប្តេជ្ញាចិត្តខ្ពស់របស់ខ្លួនក្នុងការកាត់ បន្ថយគម្លាតសេដ្ឋកិច្ច សង្គម រវាងជនជាតិភាគតិចនិងពលរដ្ឋនៅទូទាំងប្រទេស
UNDP ៖ សមិទ្ធិផលរបស់វៀតណាមក្នុងការកាត់បន្ថយភាពក្រីគួរឲ្យចាប់អារម្មណ៍និងមានការទទួលស្គាល់ពីអន្តរជាតិ
ប្រទេសវៀតណាមគឺជាប្រទេសមួយក្នុងចំណោមប្រទេសដែលមានអត្រាកាត់បន្ថយភាពក្រីក្រលឿនបំផុតនៅលើពិភពលោក។ ក្នុងរយៈពេល ៥ ឆ្នាំកន្លងមក អត្រាភាពក្រីក្រប្រចាំឆ្នាំជាមធ្យម នៅវៀតណាមបានថយចុះពី ១ ទៅ ១,៥% ។ តួលេខខាងលើបង្ហាញពីសមិទ្ធិផលនៃគោលការណ៍ណែនាំនិងគោលនយោបាយរបស់បក្សនិង រដ្ឋស្ដីពី ការកាត់បន្ថយភាពក្រីក្រ ដើម្បីថែរក្សានិងកែលំអជីវិត សម្ភារៈនិងស្មារតី ធានាសន្តិសុខសង្គមនិងលើកកម្ពស់សុខមាលភាពសង្គម និងការកាត់បន្ថយភាពក្រីក្រប្រកបដោយចីរភាព។
នៅប្រទេសវៀតណាម ការកាត់បន្ថយភាពក្រីក្រតែងតែត្រូវបានគេកំណត់ថា ជាគោលបំណងនិងតម្រូវការសម្រាប់ការអភិវឌ្ឍប្រកបដោយចីរភាព ជាមួយនឹងសមិទ្ធិផលគួរឱ្យកត់សម្គាល់។ នៅក្នុងសម័យប្រជុំមួយរបស់អង្គការសហប្រជាជាតិ នាថ្ងៃទី ១១ ខែវិច្ឆិកា ឆ្នាំ២០០៦ វៀតណាមបានប្រកាសបញ្ចប់គោលដៅអភិវឌ្ឍន៍ សហស្សវត្សរ៍លើការលុបបំបាត់ភាពក្រីក្រ ឈានដល់ សម្រេចគោលដៅ ១០ ឆ្នាំ មុនកាលកំណត់ (ឆ្នាំ ២០១៥) ។
យោងតាមរបាយការណ៍របស់ UNDP ពីប្រទេសមួយដែលមានអត្រាភាពក្រីក្រខ្លាំងជិត ៥០% (ក្នុងឆ្នាំ ១៩៩២) ត្រឹមឆ្នាំ ២០១៨ អត្រានេះបានធ្លាក់ចុះក្រោម ១% ។ ប្រទេសវៀតណាមជាប់ចំណាត់ថ្នាក់ទី ២៩ ក្នុងចំណោម ប្រទេសចំនួន ១០២ ស្ថិតក្នុងចំណោមប្រទេសដែលមានសមិទ្ធិផលខ្ពស់បំផុត នៅក្នុងតំបន់អាស៊ីបូព៌ានិងប៉ាស៊ីហ្វិកទាក់ទងនឹងសន្ទស្សន៍នេះ។
ឆ្លើយតបទៅនឹងកាសែតអេឡិចត្រូនិចរបស់រដ្ឋាភិបាលស្តីពីការកាត់បន្ថយភាពក្រីក្រ លោកស្រី Caitlin Wiesen តំណាងកម្មវិធីអភិវឌ្ឍន៍អង្គការសហប្រជាជាតិ (UNDP) ប្រចាំនៅប្រទេសវៀតណាមវាយតម្លៃថា វៀតណាមបានសហគមន៍អន្តរជាតិកោតសរសើរចំពោះគោលនយោបាយរបស់ខ្លួន និងកម្មវិធីគោលដៅអភិវឌ្ឍន៍ជនជាតិភាគតិច ក៏ដូចជាការប្តេជ្ញាចិត្តខ្ពស់ក្នុងការកាត់បន្ថយគម្លាតសេដ្ឋកិច្ច សង្គមរវាងជនជាតិភាគតិចនិងប្រជាជននៅទូទាំងប្រទេស។
ទោះយ៉ាងណា យោងតាមលោកស្រី Caitlin Wiesen ការដោះស្រាយស្ថានភាពក្រីក្រ ក្នុងសហគមនជនជាតិភាគតិចទាមទារមានវិធានការច្នៃប្រឌិត និងការវិនិយោគបន្ថែមទៀត នៅពេលដែលប្រទេសវៀតណាមឈានចូលដំណាក់កាលថ្មីនៃការអភិវឌ្ឍន៍។ ការអន្តរាគមន៍របស់រដ្ឋាភិបាលបានបង្កើតនូវការកែលម្អសំខាន់ៗមួយចំនួនក្នុងជីវភាពរស់នៅរបស់ជនជាតិភាគតិច ជាពិសេស៖ ការតភ្ជាប់ហេដ្ឋារចនាសម្ព័ន្ធការទទួលបានសេវាសាធារណៈ ដូចជាការអប់រំនិងការថទាំសុខភាព ទីលំនៅដ្ឋាននិងប្រើប្រាស់អគ្គិសនីនិងទឹកស្អាត។ សមិទ្ធិផលរបស់វៀតណាមក្នុងការកាត់បន្ថយភាពក្រីក្រទទួលបានការចាប់អារម្មណ៍និងមានការទទួលស្គាល់ពីអន្តរជាតិ។
លោកស្រី Caitlin Wiesen តំណាងកម្មវិធីអភិវឌ្ឍន៍អង្គការសហប្រជាជាតិ (UNDP) ប្រចាំនៅប្រទេសវៀតណាម ។
ក្រុមជនជាតិភាគតិច ជាពិសេសស្ត្រីត្រូវបានទុកចោលនៅខាងក្រោយ ក្នុងការអនុវត្តគោលដៅអភិវឌ្ឍន៍ប្រកបដោយចីរភាព (SDGs) ។ ពួកគេស្ថិតនៅក្នុង "ហោប៉ៅក្រីក្រ" ។ នេះបណ្តាលមកពីកត្តាកំណត់មួយចំនួនដែលជនជាតិភាគតិចជួបប្រទះរួមមាន៖ ក្នុងតំបន់ដាច់ស្រយាលនិងងាយរងគ្រោះ គ្រោះមហន្តរាយធម្មជាតិ និងហានិភ័យនៃការប្រែប្រួលអាកាសធាតុ រឹតត្បិតការប្រើប្រាស់សេវាកម្មសេដ្ឋកិច្ច ហិរញ្ញវត្ថុនិងសង្គមដែលមានគុណភាពក៏ដូចជារបាំងវប្បធម៌និងភាសាចំពោះការចូលរួមក្នុងការអភិវឌ្ឍន៍។ "ហោប៉ៅក្រីក្រ"ទាំងនេះទាមទារនូវវិធីសាស្រ្តគ្រប់ជ្រុងជ្រោយជាមួយនឹងដំណោះស្រាយដ៏ច្នៃប្រឌិត ពេលវេលានិងធនធានហិរញ្ញវត្ថុ ដើម្បីដោះស្រាយ។
ឆ្លើយតបទៅនឹងបញ្ហាប្រឈមក្នុងបរិបទនៃការរាលដាល នៃជំងឺ COVID-19 រដ្ឋាភិបាលវៀតណាមតែងតែប្តេជ្ញាចិត្តថា ការធានាសុខុមាលភាពសម្រាប់ជនក្រីក្រគឺជាគោលនយោបាយអាទិភាពលេខមួយ។ ប្រជាជនប្រមាណ ២០ លាននាក់រួមទាំងគ្រួសារក្រីក្រគ្រួសារជិតក្រីក្រនិងអ្នកទទួលផលគាំពារសង្គមដែលបានទទួលការឧបត្ថម្ភពីកញ្ចប់ សុខមាលភាពសង្គម មានតម្លៃជាង ៦២.០០០ ពាន់លានដុង (ប្រមាណ ២,៧ ពាន់លានដុល្លារ) ។ លើសពីនេះទៀតដំណោះស្រាយអំពីការស្តារខឿនសេដ្ឋកិច្ចឡើងវិញ ការគាំទ្រការងារនិងកម្មវិធីសម្រាប់ការកាត់បន្ថយភាពក្រីក្រនិងសុខមាលភាពសង្គមប្រកបដោយនិរន្តរភាព និងគ្រប់ជ្រុងជ្រោយដើម្បីធានាថាគ្មាននរណាម្នាក់បានទុកចោលនៅខាងក្រោយនៅឡើយ ដែលបន្តអនុវត្តន៍./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន