រដ្ឋមន្ត្រីការពារជាតិសិង្ហបុរីវាយតម្លៃខ្ពស់ចំពោះប្រទេសវៀតណាមក្នុងការរៀបចំ កិច្ចប្រជុំ ADMM និង ADMM + ប្រកបដោយជោគជ័យ

រដ្ឋមន្ត្រីការពារជាតិសិង្ហបុរីវាយតម្លៃខ្ពស់ចំពោះប្រទេសវៀតណាមក្នុងការរៀបចំ កិច្ចប្រជុំ ADMM និង ADMM + ប្រកបដោយជោគជ័យ

ថ្លែងបន្ទាប់ពីកិច្ចប្រជុំនៅរសៀលថ្ងៃទី ១០ ខែធ្នូ ស្តីពីតួនាទីនិងការចូលរួមចំណែករបស់វៀតណាមក្នុងនាមជាប្រធានអាស៊ានឆ្នាំ ២០២០ ក្នុងបរិបទដែលត្រូវជួបប្រទះបញ្ហាប្រឈមដោយសារការរីករាលដាលនៃជំងឺកូវីដ១៩ (COVID-19) លោក Ng Eng Hen បានវាយតម្លៃថា ទាំងកិច្ចប្រជុំ ADMM និង ADMM + ទទួលបានជោគជ័យយ៉ាងខ្លាំង ដែលឆ្លុះបញ្ចាំងពីឆន្ទៈនិងការប្តេជ្ញាចិត្តរបស់ប្រទេសសមាជិកអាស៊ាននិងបណ្តាប្រទេសដៃគូស្តីពីសារៈសំខាន់នៃ ADMM និង ADMM + ក៏ដូចជាតួនាទីភាពជាអ្នកដឹកនាំល្អរបស់វៀតណាមផងដែរ។

រដ្ឋមន្រ្តីក្រសួងការពារជាតិសិង្ហបុរីលោក Ng Eng Hen បានវាយតម្លៃខ្ពស់និងអបអរសាទរប្រទេសវៀតណាមក្នុងនាមជាប្រធានអាស៊ានប្តូរវេនឆ្នាំ ២០២០ ដែលបានរៀបចំប្រកបដោយជោគជ័យនូវកិច្ចប្រជុំរដ្ឋមន្ត្រីការពារជាតិអាស៊ាន (ADMM) និងកិច្ចប្រជុំរដ្ឋមន្ត្រីការពារជាតិអាស៊ានបូក (ADMM +) ។

លទ្ធផលសំខាន់មួយចំនួនត្រូវបានសម្រេចជាពិសេសគឺមានការដោះស្រាយការគំរាមកំហែងផ្នែកសន្តិសុខ ក្នុងនោះមានគំនិតផ្តួចផ្តើម “ ភ្នែករបស់យើង” (Our Eyes) ដើម្បីបង្កើនការចែករំលែកព័ត៌មានប្រឆាំងនឹងអំពើភេរវកម្ម។ ទន្ទឹមនឹងនេះដែរលទ្ធផលដ៏សំខាន់មួយទៀតត្រូវបានសម្រេចទាក់ទងនឹងភាពតានតឹងនៅសមុទ្រខាងកើត។ ដំណឹងល្អគឺថាមានសុន្ទរកថានិងការពិភាក្សាជាច្រើនលើបញ្ហានេះនៅឯកិច្ចប្រជុំ។ មានការស្រុះចិត្តគំនិតគ្នាថាចាំបាច់ត្រូវពន្លឿនការចរចាស្តីពីក្រមប្រតិបត្តិរបស់ភាគីនានានៅសមុទ្រខាងកើត (COC) ហើយ COC គួរតែផ្អែកទៅលើច្បាប់អន្តរជាតិ ក្នុងនោះរួមមានអនុសញ្ញាអង្គការសហប្រជាជាតិស្តីពីច្បាប់ សមុទ្រ (UNCLOS) ឆ្នាំ១៩៨២ ផងដែរ៕

（ប្រភពព័ត៌មាន: vov）