បញ្ជូនពលរដ្ឋវៀតណាមជាង ៦៥០ នាក់មកពីប្រទេសជប៉ុន ឥណ្ឌូនេស៊ី ទ្វីបអឺរ៉ុប ទ្វីបអាមេរិក​និងទ្វីបអាហ្វ្រិកឲ្យត្រឡប់មកស្រុកកំណើតវិញ

ពលរដ្ឋវៀតណាមនៅឥណ្ឌូនេស៊ីត្រៀមឡើងជិះយន្តហោះដើម្បីត្រឡប់ទៅស្រុកកំណើតវិញ ( រូបថត៖ hanoimoi.com.vn)

ក្នុងរយៈពេល២ ថ្ងៃ (ចាប់ពីថ្ងៃទី ២៩ ដល់ថ្ងៃទី ៣០ ខែវិច្ឆិកា) អាជ្ញាធរមានសមត្ថកិច្ចវៀតណាម ស្ថានទូតវៀតណាមប្រចាំនៅជប៉ុន ឥណ្ឌូនេស៊ី ទ្វីបអឺរ៉ុប ទ្វីបអាមេរិក និងទ្វីបអាហ្វ្រិក រួមទាំងអាជ្ញាធរមានសមត្ថកិច្ចក្នុងស្រុក ក្រុមហ៊ុនអាកាសចរណ៍ជាតិ (Vietnam Airline) និងក្រុមហ៊ុនអាកាសចរណ៍ VietJet បានសហការជាមួយស្ថាប័នពាក់ព័ន្ធនានានៃប្រទេសសាមីជាង ២២ ដើម្បីរៀបចំជើងហោះហើរបញ្ជូនពលរដ្ឋវៀតណាមជាង ៦៥០ នាក់ឲ្យវិលត្រឡប់មកស្រុកកំណើតវិញ។

អ្នកដំណើរនៅលើជើងហហោះហើរទាំងនេះរួមានមានក្មេងអាយុក្រោម ១៨ ឆ្នាំ មនុស្សចាស់ជរា មនុស្សមានជំងឺប្រចាំកាយ ស្ត្រីមានផ្ទៃពោះ និស្សិតដែលបានបញ្ចប់ការសិក្សាហើយជួបការលំបាកក្នុងការស្នាក់នៅ ពលករមានទិដ្ឋការផុតកំណត់និងបញ្ចប់កិច្ចសន្យាការងារ រួមទាំងករណីជួបការលំបាកពិសេសមួយចំនួនផ្សេងៗទៀតផងដែរ ។

ភ្លាមៗបន្ទាប់ពីយន្ដហោះបានចុះចតដោយសុវត្ថិភាពនៅអាកាសយានដ្ឋានអន្តរជាតិ Tan Son Nhat និងអាកាសយានដ្ឋានអន្តរជាតិ Can Tho អ្នកដំណើរទាំងអស់ត្រូវបានពិនិត្យសុខភាពនិងបញ្ជូនទៅដាក់នៅដាច់ដោយឡែកតាមបទប្បញ្ញត្តិ៕