នាថ្ងៃទី២៩ ខែវិច្ឆិកា យោងតាមរបាយការណ៍របស់អគ្គនាយកដ្ឋានស្ថិតិបានឲ្យដឹងថា ក្នុងបរិបទការវិវឌ្ឍយ៉ាងស្មុគស្មាញរបស់ជំងឺរាតត្បាត Covid-19 បន្តជះឥទ្ធិពលអវិជ្ជមានដល់សេដ្ឋកិច្ចពិភពលោក ប៉ុន្តែសកម្មភាពនាំចូល និងនាំចេញទំនិញរបស់វៀតណាមក្នុងរយៈពេល១១ ខែដើមឆ្នាំ២០២០ ឈានដល់កម្រិតអតិរេកពាណិជ្ជកម្មខ្ពស់បំផុត ដែលសម្រេចបាន ២០.១ ពាន់លានដុល្លារអាមេរិក។
រូបថតឧទាហរណ៍ (vnanet.vn)
ជាក់ស្តែង ទំហំពាណិជ្ជកម្មនាំចូល និងនាំចេញទំនិញក្នុងរយៈពេល១១ ខែដើមឆ្នាំ២០២០ សម្រេចបាន ៤៨៩.១ ពាន់លានដុល្លារអាមេរិក ពោលគឺកើនឡើង ៣.៥% បើធៀបនឹងរយៈពេលដូចគ្នាកាលពីឆ្នាំមុន។ ក្នុងនោះ ទំហំពាណិជ្ជកម្មនាំចេញសម្រេចបាន ២៥៤.៦ ពាន់លានដុល្លារ កើនឡើង ៥.៣% និងទំហំពាណិជ្ជកម្មនាំចូលសម្រេចបាន ២៣៤.៥ ពាន់លានដុល្លារកើនឡើង ១.៥%។
អំពីទីផ្សារនាំចេញទំនិញ សហរដ្ឋអាមេរិក ជាទីផ្សារនាំចេញធំបំផុតរបស់វៀតណាមក្នុងរយៈពេល ១១ ខែដើមឆ្នាំ២០២០ បន្ទាប់មកគឺប្រទេសចិន សហភាពអឺរ៉ុប អាស៊ាន កូរ៉េខាងត្បូង និងជប៉ុន ជាដើម ។ល។ អំពីទីផ្សារនាំចូលទំនិញក្នុងរយៈពេល ១១ ខែ នៃឆ្នាំ២០២០ ចិនជាទីផ្សារនាំចូលធំជាងគេរបស់វៀតណាម បន្ទាប់មកគឺកូរ៉េខាងត្បូង អាស៊ាន ជប៉ុន សហភាពអឺរ៉ុប និងសហរដ្ឋអាមេរិក។ល។
（ប្រភពព័ត៌មាន: kh.qdnd.vn）
មតិពីមិត្តអ្នកអាន