យុគសម័យ - អង្គការ Plan International កំពុងមានសកម្មភាពជាច្រើននិងជួយគាំទ្រប្រជាចន នៅខេត្ត Quang Binh និង ខេត្ត Quang Tri បន្ទាប់ពីរងគ្រោះមហន្តរាយធម្មជាតិ។ ខេត្តទាំងពីរ នេះគឺជាតំបន់ប្រតិបត្តិការរបស់អង្គការ Plan International ក្នុងរយៈពេលជាង ២០ ឆ្នាំកន្លងមកនេះដែលជួយឧបត្ថម្ភកុមារចំនួន ១ ម៉ឺននាក់ នៅឃុំចំនួន ៣០ ។
ទឹកប្រាក់សរុបចំនួន ២៦,៣ ពាន់លានដុងត្រូវបានគេរំពឹងថានឹងចំណាយក្នុងរយៈពេល ៦ ខែ ដែលចែកជា ៣ ដំណាក់កាលនិងជួយឧបត្ថមដោយផ្ទាល់ដល់ប្រជាជនចំនួន ២០០.០០០ នាក់ ដែលមានអាទិភាពពិសេសសម្រាប់គ្រួសារមានអ្នកបាត់បង់ជីវិត គ្រួសារជនពិការ កុមារឬស្ត្រីមានផ្ទៃពោះ /ស្ត្រីចិញ្ចឹមទារក គ្រួសារក្រីក្រនិងគ្រួសារឧបត្ថម្ភកុមារ។
ដំណាក់កាលទី ១ ផ្តល់ជំនួយបន្ទាន់ចំនួន ៤,១ ពាន់លានដុងសម្រាប់ជួយឧបត្ថម្ភដោយស្បៀងអាហារនិងវត្ថុចាំបាច់។ ដំណាក់កាលទី ២ រួមមានថវិកាចំនួន ១១.៥ ពាន់លានដុង សម្រាប់កញ្ចប់ឧបត្ថម្ភជាសាច់ប្រាក់ ការងារអនាម័យបរិស្ថាននិងជួយក្មេងៗ ត្រឡប់ទៅសាលារៀនវិញ។ ដំណាក់កាលទី ៣ មានទឹកប្រាក់ ១០,៧ ពាន់លានដុងផ្តោតលើការស្តារជីវភាពរស់នៅឡើងវិញ ដែលបានកសាងនិងអនុវត្តដោយយុវជនក្នុងតំបន់។
ប្រជាជននៅស្រុក Le Thuy ខេត្ត Quang Binh នៅក្នុងប៉ុន្មានថ្ងៃ បន្ទាប់ពីព្យុះប្រវត្តិសាស្ត្រកើតឡើង នៅភាគកណ្តាលនៃប្រទេសវៀតណាម។
លោកស្រី Sharon Kane នាយិការប្រចាំប្រទេសនៃអង្គការ Plan International បានសង្កត់ធ្ងន់ថា“ យើងតែងតែយកចិត្តទុកដាក់លើក្មេងស្រីដែលរងគ្រោះយ៉ាងដូចម្តេច ដោយសារគ្រោះមហន្តរាយធម្មជាតិនិងអាទិភាពសម្រាប់តម្រូវការរបស់ពួកគេជាមុន។ យើងធានាបានសំលេងនិងតួនាទីរបស់ក្មេងស្រីត្រូវបានឆ្លុះបញ្ចាំងនៅក្នុងគ្រប់ដំណាក់កាលនៃដំណើរការពីជួយគាំទ្រឬវិធីជួយគាំទ្រ។ ការជួយគាំទ្រនឹងមិនមានប្រសិទ្ធិភាពទេ ប្រសិនបើវាមិនផ្អែកលើតម្រូវការរបស់ក្មេងស្រី។” ។
អង្គការ Plan International គឺជាអង្គការក្រៅរដ្ឋាភិបាលនិងមិនរកប្រាក់ចំណេញមួយដែលកំពុងប្រតិបត្តិការនៅក្នុងប្រទេសចំនួន ៥៥ ក្នុងវិស័យសិទ្ធិកុមារ ជាពិសេសក្មេងស្រី ដែលមានគោលបំណងលុបបំបាត់ភាពក្រីក្រនិងការអភិវឌ្ឍគ្រប់ជ្រុងជ្រោយសម្រាប់កុមារ។ នៅប្រទេសវៀតណាម អង្គការ Plan International បានប្រតិបត្តិការចាប់តាំងពីឆ្នាំ ១៩៩៣ ។ រហូតមកដល់ពេលនេះ អង្គការនេះបានជួយធ្វើឱ្យប្រសើរឡើងនូវជីវិតរបស់កុមារ គ្រួសារនិងសហគមន៍ជាង ២០០.០០០ នាក់ នៅក្នុងឃុំចំនួន ៩០ នៃខេត្តចំនួន ៩ នៅទូទាំងប្រទេស។ ក្នុងរយៈពេល ៥ ឆ្នាំខាងមុខនេះ ចាប់ពីឆ្នាំ ២០១៧ ដល់ឆ្នាំ ២០២១ គោលដៅរបស់អង្គការ Plan International គឺជួយគាំទ្រក្មេងស្រី ២ លាននាក់ នៅប្រទេសវៀតណាមឱ្យរៀនដឹកនាំសម្រេចចិត្តនិងអភិវឌ្ឍឱ្យបានគ្រប់ជ្រុងជ្រោយ./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន