យុគសម័យ - ក្រសួងការបរទេសកូរ៉េខាងត្បូងបានសង្ឃឹមថា ថវិកាខាងលើនឹងចូលរួមចំណែកជួយប្រជាជនដែលបានជម្លៀសចេញ ដែលនឹងទទួលបានជំនួយបន្ទាន់និងមានស្ថេរភាពក្នុងជីវិតរបស់ពួកគេ បន្ទាប់ពីគ្រោះទឹកជំនន់។
ក្រសួងការបរទេសកូរ៉េខាងត្បូងបាននិយាយថា នៅថ្ងៃទី ២២ ខែតុលា រដ្ឋាភិបាលបានសម្រេចផ្តល់ជំនួយមនុស្សធម៌ចំនួន ៣០ ម៉ឺនដុល្លារអាមេរិក ដើម្បីជួយប្រទេសវៀតណាមជំនះរាល់ការខូចខាតដែលបង្កឡើងដោយទឹកជំនន់ នាពេលថ្មីៗនេះនៅតំបន់កណ្តាល។
យោងតាមព័ត៌មានពីក្រសួងការបរទេសកូរ៉េខាងត្បូងបានឲ្យដឹងថា ដោយសារភ្លៀងធ្លាក់ខ្លាំងក្នុងរយៈពេលយូរ ចាប់ពីថ្ងៃទី ៦ ខែតុលានៅភាគកណ្តាលនៃប្រទេសវៀតណាម មនុស្សជាង ១០០ នាក់បានស្លាប់ប្រជាជនជាង ៩០,០០០ នាក់ត្រូវបានជម្លៀសចេញ ផ្ទះជាង ១៣០,០០០ ត្រូវបានលិចទឹក ការខូចខាតទ្រព្យសម្បត្តិគឺធំធេងណាស់។ ក្រសួងការបរទេសកូរ៉េខាងត្បូងសង្ឃឹមថា ថវិកាខាងលើនេះនឹងចូលរួមចំណែកជួយប្រជាជនដែលត្រូវបានជម្លៀសចេញដែលទទួលបានជំនួយបន្ទាន់និងមានស្ថេរភាពក្នុងជីវិតរបស់ពួកគេ បន្ទាប់ពីគ្រោះទឹកជំនន់។
ដោយសារមានភ្លៀងធ្លាក់ខ្លាំងនិងទឹកជំនន់ ស្ពានតភ្ជាប់រវាងឃុំទាំង ២ គឺ Cam Due - Cam My (Cam Xuyen ខេត្ត Ha Tinh) ត្រូវបានបំផ្លាញដោយសារទឹកជំនន់ ដូច្នេះចរាចរណ៍ត្រូវបានជួបការលំបាក។ (រូបថត៖ VNA)
នាពេលខាងមុខនេះ រដ្ឋាភិបាលកូរ៉េខាងត្បូងនឹងបន្តកិច្ចខិតខំប្រឹងប្រែងក្នុងការជួយគាំទ្រដល់ប្រទេសនិងប្រជាជនដែលជួបការលំបាកមិនត្រឹមតែខូចខាត ដោយសារគ្រោះមហន្តរាយធម្មជាតិប៉ុណ្ណោះទេ ថែមទាំងវិបត្តិមនុស្សធម៌ដទៃទៀត ផងដែរ./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន