យុគសម័យ - នាយកដ្ឋានទីផ្សារអាស៊ី - អាហ្រ្វិក (ក្រសួងឧស្សាហកម្មនិងពាណិជ្ជកម្ម) បាននិយាយថា ស្ថានទូតអារ៉ាប៊ីសាអ៊ូឌីតប្រចាំនៅវៀតណាមទើបតែបានផ្ញើលិខិតទៅអាជ្ញាធរមានសមត្ថកិច្ចវៀតណាមដើម្បីជូនដំណឹងយោបល់របស់អគ្គនាយកដ្ឋានស្បៀងអាហារនិងឱសថអារ៉ាប៊ីសាអូឌីត (SFDA) អនុញ្ញាតឱ្យសហគ្រាសចំនួន ១២ របស់វៀតណាមនាំចេញផលិតផលគ្រឿងសមុទ្រមួយចំនួនឡើងវិញចូលកាន់ទីផ្សារប្រទេសនេះ។
ប្រមូលត្រីប្រានៅវៀតណាមដើម្បីនាំចេញតៅកាន់ទីផ្សារបរទេស
ហេតុដូច្នេះ អស់រយៈពេលជាង ២ ឆ្នាំ ជាមួយនឹងកិច្ចខិតខំប្រឹងប្រែងសម្របសម្រួលរវាងក្រសួងឧស្សាហកម្មនិងពាណិជ្ជកម្ម ក្រសួងកសិកម្មនិងអភិវឌ្ឍន៍ជនបទ និងទីភ្នាក់ងារតំណាងវៀតណាមនៅអារ៉ាប់ប៊ីសាអូឌីតក្នុងការជំរុញនិងកៀងគរទីភ្នាក់ងារពាក់ព័ន្ធនៅអារ៉ាប៊ីសាអ៊ូឌីត SFDA បានអនុញ្ញាតិឱ្យសហគ្រាសវៀតណាមមួយចំនួននាំចេញគ្រឿងសមុទ្រ។
ដើម្បីទទួលបានលទ្ធផលនេះ សហគ្រាសវៀតណាមក៏បានសម្របសម្រួលយ៉ាងសកម្មជាមួយអាជ្ញាធរមានសមត្ថកិច្ចក្នុងការជំនះនូវដែនកំណត់ អត្ថិភាពនិងការបំពេញឯកសារវាយតម្លៃខ្លួនដើម្បីបញ្ជូនទៅអារ៉ាប់ប៊ីសាអូឌីត។
នេះគឺជាសញ្ញាល្អសម្រាប់សហគ្រាសនាំចេញគ្រឿងសមុទ្ររបស់វៀតណាម ដោយបើកទិសដៅថ្មីសម្រាប់វិស័យជលផលក្នុងស្រុក ជាពិសេសក្នុងបរិបទនៃសកម្មភាពនាំចេញគ្រឿងសមុទ្រទៅកាន់ទីផ្សារដែលជូបការលំការលំបាកដោយសារជំងឺរាតត្បាត COVID-19។
យោងតាមនាយកដ្ឋានទីផ្សារអាស៊ី - អាហ្រ្វិកបានឱ្យដឹងថា នាពេលខាងមុខនេះ ក្រសួងឧស្សាហកម្មនិងពាណិជ្ជកម្មនឹងបន្តសម្របសម្រួលជាមួយក្រសួងកសិកម្មនិងអភិវឌ្ឍន៍ជនបទនិងទីភ្នាក់ងារពាក់ព័ន្ធដើម្បីធ្វើការ ជំរុញ SFDA អនុញ្ញាតិឱ្យសហគ្រាសវៀតណាមទៀតបន្ថែមទៀតត្រូវបាននាំចេញគ្រឿងសមុទ្រត្រលប់មកកាន់ទីផ្សារអារ៉ាប់ប៊ីសាអូឌីតឡើងវិញ ដោយបន្តដកបទបញ្ជាបញ្ឈប់ទាំងស្រុងនូវការនាំចូលគ្រឿងសមុទ្រពីប្រទេសវៀតណាម៕(បកប្រែដោយសាមេត)
(ប្រភពព័ត៌មាន: baotintuc.vn)
មតិពីមិត្តអ្នកអាន