យុគសម័យ - ផ្លែមៀនស្រស់របស់វៀតណាមជាង ១៦ តោនក្នុងរដូវកាល ២០២០ ត្រូវបាននាំចេញតាមផ្លូវសមុទ្រទៅកាន់អូស្ត្រាលីនិងលក់ក្នុងតម្លៃ ១៥ ម៉ឺន -១៨៥,០០០ ដុង / គីឡូក្រាម។
យោងតាមស្ថាប័នពាណិជ្ជកម្មវៀតណាមប្រចាំនៅអូស្រ្តាលី (ក្រសួងឧស្សាហកម្មនិងពាណិជ្ជកម្ម) បានឱ្យដឹងថា នៅថ្ងៃទី ៦ ខែសីហានេះមានផ្លែមៀនស្រស់ចំនួន ៧.៥ តោនមកពីតំបន់ដីសណ្ដ Cuu Long ក្នុងរដូវប្រមូលផលក ២០២០ បានមកដល់ និងនាំចូលទៅកាន់ប្រទេសអូស្ត្រាលី ហើយនៅសប្តាហ៍ក្រោយនឹងមានការនាំចូលបន្ថែមផ្លែមឿនដែលមកពីខេត្ត Hai Duong ចំនួន ៩ តោនដែលនឹងបញ្ជូនមកដល់ប្រទេសនេះ។ ការនាំចេញផ្លែមៀននេះបានអនុវត្តដោយក្រុមហ៊ុន Rong Do និងក្រុមហ៊ុននាំចូល 4wayfresh (អូស្រ្តាលី) ។
នេះជាឆ្នាំទី ២ ហើយដែលវៀតណាមនាំចេញផ្លែមៀនស្រស់ទៅកាន់អូស្ត្រាលី។ បច្ចុប្បន្ននេះតម្លៃលក់សម្រាប់មួយគីឡូក្រាមនៅលើទីផ្សារនេះគឺប្រហែល ៩-១១ AUD (ស្មើនឹង ១៥ម៉ឺន-១៨៥,០០០ ដុង) ។
ផ្លែមៀនស្រស់របស់វៀតណាមបន្តនាំចេញទៅអូស្ត្រាលី។ (រូបថត៖ vov.vn)
បន្ទាប់ពីទទួលបានជោគជ័យនៃកម្មវិធី“ ទិវាផ្លែមៀនវៀតណាមនៅអូស្រ្តាលី” នៅឆ្នាំ ២០១៩ ដើម្បីស្វាគមន៍រដូវប្រមូលផលផ្លែមៀន នៅឆ្នាំ ២០២០ ស្ថាប័នពាណិជ្ជកម្មវៀតណាមប្រចាំនៅអូស្រ្តាលីបានរៀបចំកម្មវិធី“ ផ្លែមៀនរបស់វៀតណាម!” ដើម្បីឧទ្ទេសនាមនិងចែករំលែករសជាតិរបស់ផ្លែមៀនវៀតណាមជាមួយមិត្តអូស្ត្រាលីនិងប្រជាជនវៀតណាមរស់នៅបរទេស។
ក្រៅពីផ្លែមៀនស្រស់ ស្ថាប័នពាណិជ្ជកម្មវៀតណាមប្រចាំនៅអូស្រ្តាលីមានទិសដៅ ជុំរុញអាជីវកម្មនាំចេញផ្លែមៀនស្ងួត ដើម្បីលក់ក្នុងហាងនិងផ្សារទំនើបនានានៅក្នុងប្រទេសអូស្ត្រាលី។ ទន្ទឹមនឹងនេះស្ថាប័នពាណិជ្ជកម្មវៀតណាមប្រចាំនៅអូស្រ្តាលី ក៏កំពុងតែស្វែងរកទីផ្សារថ្មីសម្រាប់ផ្លែមៀនដូចជាស្នើអោយអាជីវកម្មមួយចំនួននៅក្នុងប្រទេសអូស្រ្តាលី សិក្សាពីការប្រើប្រាស់និងដាក់បន្ថែមផ្លែមៀនស្ងួតនៅក្នុងផលិតផលធញ្ញជាតិពិសារភ្លាមៗឬក្នុងការធ្វើនំ .../.
（បកប្រែដោយឌីណា）
មតិពីមិត្តអ្នកអាន