តម្លៃនាំចេញបន្លែនិងផ្លែឈើរបស់វៀតណាមក្នុងរយៈពេល ៧ ខែកន្លងមកសម្រេចបានជិត ២ ពាន់លានដុល្លារអាមេរិក

តម្លៃនាំចេញបន្លែនិងផ្លែឈើរបស់វៀតណាមក្នុងរយៈពេល ៧ ខែកន្លងមកសម្រេចបានជិត ២ ពាន់លានដុល្លារអាមេរិក

យោងតាមក្រសួងកសិកម្មនិងអភិវឌ្ឍន៍ជនបទវៀតណាមបានឲ្យដឹងថា តម្លៃនាំចេញបន្លែនិងផ្លែឈើក្នុងរយៈពេល ៧ ខែកន្លងមកនេះសម្រេចបានជិត ២ ពាន់លានដុល្លារពោលគឺធ្លាក់ចុះ ១២,៣% ក្នុងរយៈពេលដូចគ្នាក្នុងឆ្នាំ ២០១៩ ។ ប្រទេសចិនឈរនៅលំដាប់ទី ១ ក្នុងទីផ្សារនាំចូលបន្លែនិងផ្លែឈើរបស់ប្រទេសវៀតណាមដោយមានជាង ៥៩% នៃចំណែកទីផ្សារនាំចេញរបស់ វៀតណាម។ លើកលែងតែប្រទេសចិននិងសិង្ហបុរីដែលជាទីផ្សារពីរដែលតម្លៃនាំចេញថយចុះជាង ២៩% និងជិត ១% ។

ទីផ្សារដែលនៅសេសសល់ដែលភាគច្រើនមានការកើនឡើងនូវតម្លៃនាំចេញដូចជាប្រទេសកូរ៉េខាងត្បូងកើនឡើង ២៥,៥ % និងចំណែកទីផ្សារ ៤,៦ % ។ ប្រទេសថៃកើនឡើង ២៣៤% ស្មើនឹង ៤.៥% ។ សហរដ្ឋអាមេរិកបានកើនឡើងជិត ១០% ស្មើនឹង ៤,៤% និងប្រទេសជប៉ុនកើនឡើង ១៣% ។

យោងតាមក្រសួងកសិកម្មនិងអភិវឌ្ឍន៍ជនបទតម្លៃនាំចេញបន្លែនិងផ្លែឈើបានថយចុះដោយសារតែការធ្លាក់ចុះនៃផលិតផលមួយចំនួន។ ក្នុងនោះផ្លែស្រកានាគដែលជាប្រភេទផ្លែឈើដែលមានចំណែកទីផ្សារខ្ពស់បំផុត (ជាមួយ ៣៤% នៃតម្លៃនាំចេញសរុប) ថយចុះ ៦%; ចេកថយចុះ ៩.៥%; ទុរេនថយចុះ ៧១%; ឪឡឹកថយចុះ ៣៨.៥%។

ក្រសួងកសិកម្មនិងអភិវឌ្ឍន៍ជនបទវៀតណាម បានឱ្យដឹងថាយោងតាមព័ត៌មានពីអគ្គកុងស៊ុលវៀតណាមប្រចាំនៅណាននីង (ខេត្តក្វាងស៊ី ប្រទេសចិន) រដ្ឋាភិបាលក្វាងស៊ី កំពុងអនុវត្តយ៉ាងតឹងរឹងនូវរបបនៃការគ្រប់គ្រងទំនិញដែលបានដាក់ឱ្យប្រើប្រាស់នៅផ្សារផ្សារទំនើបនិងពង្រឹងការត្រួតពិនិត្យឯកសារ។ នោះគឺការបញ្ជាក់ពីស្តង់ដារគុណភាពការបញ្ជាក់ពីប្រភពដើមការទិញប័ណ្ណទូទាត់សម្រាប់ផលិតផលកសិកម្មដែលប្រើជាអាហារ ព្រមទាំងហាមឃាត់ការទិញលក់និងរក្សាទុកអាហារដែលមិនគោរពតាមបទដ្ឋានសុវត្ថិភាពចំណីអាហារ៕

（បកប្រែដោយ ហេងវុធ្ធី）

（ប្រភពព័ត៌មាន: tapchithongtindoingoai.vn）

（បកប្រែដោយ ហេងវុធ្ធី）