អង្គការសុខភាពពិភពលោកបានកោតសរសើរចំពោះការប្រយុទ្ធប្រឆាំងនឹងការរីករាលដាលនៃជំងឺកូវីដ១៩ របស់ប្រទេសវៀតណាម

នាយកប្រតិបត្តិកម្មវិធីវេជ្ជសាស្រ្តបន្ទាន់របស់អង្គការសុខភាពពិភពលោកលោក Micheal Ryan

ថ្លែងក្នុងសន្និសីទសារព័ត៌មានតាមប្រព័ន្ធវីដេអូកាលពីថ្ងៃទី ៣ ខែសីហា នាយកប្រតិបត្តិកម្មវិធីវេជ្ជសាស្រ្តបន្ទាន់របស់អង្គការសុខភាពពិភពលោកលោក Micheal Ryan បានវាយតម្លៃថាវៀតណាមបានបង្កើតប្រព័ន្ធវិធានការណ៍គ្រប់ជ្រុងជ្រោយមួយដើម្បីការពារនិងទប់ស្កាត់ជំងឺឆ្លង ហើយចំណុចនេះអាចជួយប្រទេសវៀតណាមគ្រប់គ្រងដោយជោគជ័យនូវការរីករាលដាលនៃជំងឺរាតត្បាតកូវីដ១៩ បន្ទាប់ពីករណីថ្មីបានផ្ទុះឡើងនៅទីក្រុង Da Nang ។ លោក Ryan បានមានប្រសាសន៍ថារដ្ឋាភិបាលវៀតណាម បានចាត់វិធានការយ៉ាងឆាប់រហ័សដើម្បីឆ្លើយតបទៅនឹងការរីករាលដាលនៃជំងឺផ្តាកូវីដ១៩ ហើយប្រទេសវៀតណាមក៏បានខិតខំប្រឹងប្រែងអស់ពីសមត្ថភាពដើម្បីឆ្លើយតបនឹងការផ្ទុះឡើងនៃជំងឺដ៏កាចសាហាវនេះផងដែរ។

នៅក្នុងសន្និសីទសារព័ត៌មាននេះដែរ ប្រធានក្រុមអ្នកបច្ចេកទេសរបស់អង្គការសុខភាពពិភពលោកលោកស្រី Maria Van Kerkhove បានមានប្រសាសន៍ថា“ វៀតណាមកំពុងធ្វើសកម្មភាពយ៉ាងឆាប់រហ័សនិងគ្រប់ជ្រុងជ្រោយ ហើយវៀតណាមបានមានប្រព័ន្ធមួយជាស្រាប់ដើម្បីជួយគ្រប់គ្រងជំងឺឆ្លងឲ្យបានល្អផងដែរ» ។

យោងតាមលោកស្រី Maria Van Kerkhove ប្រទេស វៀតណាមមានបទពិសោធច្រើនក្នុងការដោះស្រាយជំងឺឆ្លងហើយខណៈដែលប្រទេសជាច្រើននៅជុំវិញពិភពលោកអាចនឹងប្រឈមមុខនឹងការផ្ទុះឡើងថ្មីនេះ វៀតណាមគឺជាឧទាហរណ៍មួយដែលប្រទេសជាច្រើនសិក្សាតាមក្នុងការរកឃើញតំបន់ដែលផ្ទុះឡើងជំងឺឆ្លងដើម្បីគ្រប់គ្រងនិងទប់ស្កាត់ជំងឺរាតត្បាតជាបន្ទាន់ផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: tapchithongtindoingoai.vn）

（បកប្រែដោយ ហេងវុធ្ធី）