យុគសម័យ - តម្លៃនៃការនាំចេញត្រីប្រាទៅកាន់ទីផ្សារអង់គ្លេសនៅតែសម្រេចបាន ៣១,៧ លានដុល្លារអាមេរិក ដែលស្រូបយក ៤,៧% នៃតម្លៃនាំចេញត្រីប្រាសរុប នៅទីផ្សារជិត ១៣០ ពោលគឺកើនឡើង ៧,៣%
ការនាំចេញត្រីប្រារបស់វៀតណាមទៅកាន់អង់គ្លេស នៅតែកើនឡើងទោះបើជាជាមានការរីករាលដាលនៃជំងឺកូវីដ១៩ក៏ដោយ
យោងតាមសមាគមកែច្នៃ និងនាំចេញជលផលវៀតណាម (VASEP) ខណៈដែលទីផ្សារភាគច្រើនរងផលប៉ះពាល់ដោយសារការរីករាលដាលនៃជំងឺ Covid-19 ប៉ុន្តែតម្លៃនៃការនាំចេញត្រីប្រាទៅកាន់ទីផ្សារអង់គ្លេសនៅតែសម្រេចបាន ៣១,៧ លានដុល្លារអាមេរិក ដែលស្រូបយក ៤,៧% នៃតម្លៃនាំចេញត្រីប្រាសរុប នៅទីផ្សារជិត ១៣០ ពោលគឺកើនឡើង ៧,៣% បើប្រៀបធៀបនឹងរយៈពេលដូចគ្នាកាលពីឆ្នាំមុន។
ការនាំចេញត្រីប្រារបស់វៀតណាមទៅកាន់អង់គ្លេស នៅតែកើនឡើងទោះបើជាជាមានការរីករាលដាលនៃជំងឺកូវីដ១៩ក៏ដោយ (រូបថត៖ vov.vn)
នេះគឺជាអត្រាកំណើនវិជ្ជមានបំផុតនៅក្នុងទីផ្សារនាំចេញកំពូលទាំង ១០ នៃការនាំចេញធំបំផុតរបស់ត្រីប្រាវៀតណាមនៅឆមាសទីមួយនៃឆ្នាំនេះផងដែរ។ប្រសិនបើតម្លៃនៃការនាំចេញនេះ ត្រូវបានបន្តរក្សាស្ថិរភាពនៅពាក់កណ្តាលឆមាសចុងក្រោយនៃឆ្នាំ ២០២០ខាងមុខនេះ តម្លៃនៃកំណើននៃការនាំចេញត្រីប្រាទៅកាន់អង់គ្លេសដែលជាទីផ្សារនាំចេញធំបំផុតទី ៥ ទំនងជានឹងកើនឡើងជាង ១០ % ក្នុងឆ្នាំនេះផងដែរ៕
(បកប្រែដោយ ហេងវុធ្ធី)
(ប្រភពព័ត៌មាន: vov.vn)
មតិពីមិត្តអ្នកអាន