“ពេលវេលាមាសដើម្បីជំរុញទេសចរណ៍ក្រោយជំងឺ Covid-19” ជា ប្រធានបទនៃកិច្ចសន្ទនាតាមអនឡាញនាថ្ងៃទី១០មិថុនានៅទីក្រុង ហាណូយដែលបានរៀបចំឡើងដោយកាសែត Tien Phong សហការជា មួយអគ្គនាយកដ្ឋានទេសចរណ៍។
ភ្ញៀវទេសចរចែវទូក kayak នៅតំបន់រមណិយដ្ឋាន Trang An (ខេត្ត Ninh Binh) (រូបថត៖ vnanet)
នៅកិច្ចសន្ទនានេះ តំណាងអគ្គនាយកដ្ឋានទេសចរណ៍បានជម្រាបថា នាបច្ចុប្បន្ន កម្មវិធី “ជនវៀត ណាមធ្វើដំណើរទេសចរណ៍នៅវៀតណាម” កំពុងត្រូវបានដាក់ឲ្យដំណើរការ ក្នុងគោលដៅជំរុញការស្ដារឡើងវិញនៃ វិស័យទេសចរណ៍។ តាមការព្យាករណ៍ ប្រសិនបើវៀតណាមបន្តគ្រប់គ្រង ជំងឺឆ្លងបានយ៉ាងល្អដូចនាបច្ចុប្បន្ន បរិមាណភ្ញៀវទេសចរក្នុងស្រុកអាច សម្រេចបានចំនួនពី៦០ដល់៦៥លាននាក់។ ចំពោះភ្ញៀវទេសចរបរទេសវិញ ប្រសិនបើចាប់ផ្ដើមទទួលភ្ញៀវទេសចរពីបរទេសចាប់ពីត្រីមាសទី៣ឆ្នាំ២០២០នោះ គឺបរិមាណភ្ញៀវអាចសម្រេចបានចំនួនពី៦ដល់៨លាននាក់។
បណ្ដាសហគ្រាសទេសចរណ៍បានវាយតម្លៃថា នេះកំពុងជាពេលវេលា មាសដើម្បីអភិវឌ្ឍទីផ្សារទេសចរណ៍ក្នុងស្រុក។ ហេតុដូច្នេះ ពួកគេនឹងបន្ត រក្សានិងអភិវឌ្ឍទីផ្សារក្នុងស្រុកប្រកបដោយចីរភាព សូម្បីតែនៅពេលដែល ទីផ្សារអន្តរជាតិវិលត្រឡប់មកប្រក្រតីភាពឡើងវិញ៕
（ប្រភពព័ត៌មាន: vovworld.vn）
មតិពីមិត្តអ្នកអាន