យុគសម័យ - ចលនា“ ដាំដើមឈើ” ត្រូវបានលោកប្រធានហូជីមិញបំផុសចាប់តាំងពីឆ្នាំ ១៩៥៩ ហើយចាប់តាំងពីពេលនោះមក ចលនានេះបានក្លាយទៅជាវប្បធម៌ប្រពៃណីរបស់ប្រជាជាតិវៀតណាម។
ធ្នាក់ដឹកនាំទីក្រុងហូជីមិញកំពុងចួលរួមការដាំដើមឈើ
ក្នុងឱកាសរំលឹកខួបលើកទី១៣០នៃទិវាកំណើតរបស់លោកប្រធានហូជីមិញ នាព្រឹកថ្ងៃទី១៧ ខែឧសភា ទីក្រុងហូជីមិញបានប្រារព្វឡើងពិធីបំផុសចលនា “ដាំដើមឈើដឹងគុណលោកប្រធានហូជីមិញជានិច្ច” ដោយមានការចូលរួមរបស់លេខាគណៈកម្មាធិការបក្សទីក្រុងហូជីមិញលោក Nguyen Thien Nhan។
ក្នុងពិធីនេះ ថ្នាក់ដឹកនាំទីក្រុងហូជីមិញបានអំពាវនាវឲ្យកម្មាភិបាល បុគ្គលិក យុទ្ធជន និងប្រជាជន គ្រប់រូបគួរតែដាំដើមឈើមួយដើម ដើម្បីគាំទ្រយ៉ាងសកម្មនឹង ពាក្យទូន្មានរបស់លោកប្រធានហូជីមិញ ស្ដីពីការការពារបរិស្ថាន និងបង្កើនបរិស្ថានបរិសុទ្ធក្នុងទីក្រុងនិងតំបន់ជំវិញផងដែរ។
លេខាគណៈកម្មាធិការបក្សទីក្រុងហូជីមិញលោក Nguyen Thien Nhan កំពុងទស្សនាតំបន់បំផុសចលនាដាំដើមឈើ
ចលនានេះត្រូវបានលោកប្រធានហូជីមិញបំផុសឡើងកាលពីឆ្នាំ១៩៥៩ ហើយចាប់ពីពេលនោះមក បានក្លាយទៅជាវប្បធម៌ប្រពៃណីមួយសម្រាប់ប្រជាជាតិវៀតណាម។ ក្នុងប៉ុន្មានឆ្នាំកន្លងទៅ ប្រជាជននិង អាជ្ញាធរទីក្រុងហូជីមិញបានចូលរួមយ៉ាងសកម្មក្នុងការបំផុសចលនាដាំដើមឈើ និងថែរក្សាព្រៃឈើ ដើម្បីរួមចំណែកដល់ការពារបរិស្ថាននិងទប់ទល់នឹងការប្រែប្រួលអាកាសធាតុ ព្រមទាំងអភិវឌ្ឍទីក្រុង ប្រកបដោយចីរភាព។ គួរជម្រាបថាឆ្នាំ២០២០ ទីក្រុងហូជីមិញក៏នឹងដាក់ចេញគោលដៅដាំដើមឈើ ចំនួន១ លានដើមបន្ថែមទៀតផងដែរ៕
(បកប្រែដោយ ហេង វុធ្ធី)
មតិពីមិត្តអ្នកអាន