យុគសម័យ - នាថ្ងៃទី ៨ ឧសភា នៅទីក្រុងហាណូយ ប្រធានសមាគមមិត្តភាពវៀតណាម (VUFO) លោកស្រី Nguyen Phuong Nga បានអញ្ជើញជួបសំណេះសំណាលជាមួយឯកអគ្គរដ្ឋទូតសហរដ្ឋអាមេរិកប្រចាំនៅវៀតណាមលោក Daniel J. Kritenbrink ។
ទិដ្ឋភាពនៃជំនួបនេះ
ក្នុងជំនួបនេះ ភាគីទាំងពីរបានពិភាក្សាគ្នាអំពីផែនការសហប្រតិបត្តិការរវាងស្ថាទូតអាមេរិកប្រចាំនៅវៀតណាម និង VUFO ក្នុងការរៀបចំសកម្មភាពឆ្ពោះទៅខួបលើកទី ២៥ នៃការបង្កើតទំនាក់ទំនងវៀតណាម - អាមេរិក (ថ្ងៃទី ១២ កក្កដា ឆ្នាំ ១៩៩៥ / ថ្ងៃទី១២ កក្កដា ឆ្នាំ២០២០)។ នេះគឺជាព្រឹត្តិការណ៍ប្រវត្តិសាស្ត្រដ៏សំខាន់មួយសម្រាប់ទំនាក់ទំនងវៀតណាមនិងអាមេរិក ក៏ដូចជាសម្រាប់ទំនាក់ទំនងប្រជាជនវៀតណាម - អាមេរិកផងដែរ។
ថ្លែងក្នុងកិច្ចប្រជុំនេះ លោកឯកអគ្គរដ្ឋទូត Daniel J. Kritenbrink បានអបអរសាទរចំពោះភាពជោគជ័យរបស់វៀតណាមក្នុងការបង្ការនិងទប់ស្កាត់ជំងឺរាតត្បាតកូវីដ១៩ (COVID-19) ហើយបានវាយតម្លៃខ្ពស់ចំពោះកិច្ចសហប្រតិបត្តិការប្រកបដោយប្រសិទ្ធភាពរវាងវៀតណាមនិងសហរដ្ឋអាមេរិកក៏ដូចជារវាងអង្គការនិងប្រជាជននៃប្រទេសទាំងពីរក្នុងការការពារនិងប្រឆាំងនឹងជំងឺរាតត្បាតសកលនេះ ព្រមទាំតងបានអះអាងថានឹងសហការគ្នាយ៉ាងជិតស្និទ្ធដើម្បីរៀបចំខួបលើកទី ២៥ នៃការបង្កើតទំនាក់ទំនងការទូតរវាងប្រទេសទាំងពីរដោយរួមចំណែកដល់ការលើកកម្ពស់ទំនាក់ទំនងភាពជាដៃគូគ្រប់ជ្រុងជ្រោយនិងបង្កើនចំណងមិត្តភាពនៃប្រទេសទាំងពីរផងដែរ៕
(បកប្រែដោយ ហេងវុធ្ធី)
(ប្រភពព័ត៌មាន: thoidai.com.vn)
មតិពីមិត្តអ្នកអាន