ឧបនាយករដ្ឋមន្រ្តីអចិន្ត្រៃយ៍វៀតណាម លោក Truong Hoa Binh អបអរសាទរពិធីបុណ្យវិសាខបូជា ពុទ្ធសករាជ ២៥៦៤

ឧបនាយករដ្ឋមន្រ្តីអចិន្ត្រៃយ៍វៀតណាម លោក Truong Hoa Binh អបអរសាទរពិធីបុណ្យវិសាខបូជា ពុទ្ធសករាជ ២៥៦៤ (រូបថត៖ vnanet)

ក្នុងឱកាសពិធីបុណ្យវិសាខបូជា ពុទ្ធសករាជ២៥៦៤ ដែលត្រូវនឹងឆ្នាំ២០២០ នោះ នាព្រឹកថ្ងៃទី ៦ ខែឧសភា ឧបនាយករដ្ឋមន្រ្តីអចិន្ត្រៃយ៍រដ្ឋាភិបាលវៀតណាម លោក Truong Hoa Binh បានអញ្ជើញទៅសាកសួរសុខទុក និងជូនពរមជ្ឈឹមសមាគមពុទ្ធសាសនាវៀតណាម និងអ្នកមុខអ្នកការ ពុទ្ធបរិស័ទ ដូនជី ឧបាសក ឧបាសិការ។

អញ្ជើញថ្លែងនៅទីនេះ ឧបនាយករដ្ឋមន្រ្តី លោក Truong Hoa Binh បានអះអាងថា ពិធីបុណ្យវិសាខបូជាមិនត្រឹមតែជាព្រឹត្តិការណ៍សាសនាដ៏សំខាន់ក្នុងជីវភាពរស់នៅខាងស្មារតី និងវិញ្ញាណរបស់ពុទ្ធបរិស័ទនៅវៀតណាមប៉ុណ្ណោះទេ ថែមទាំងជាពិធីបុណ្យវប្បធម៌សាសនាពិភពលោក ដែលត្រូវបានមហាសន្និបាតអង្គការសហប្រជាជាតិទទួលស្គាល់ចាប់ពីឆ្នាំ ១៩៩៩ សំដៅរួមចំណែកជាវិជ្ជមានក្នុងកិច្ចខិតខំប្រឹងប្រែងស្ថាបនាសន្តិភាប និងសភមង្គលជូនមនុស្សជាតិ។

សព្វថ្ងៃនេះជាមួយបាវចនា“ ព្រះធម៌ - ប្រជាជន - សង្គមនិយម” ពុទ្ធសាសនាវៀតណាមបន្តចូលរួមវិភាគទានយ៉ាងធំធេងក្នុងការកសាងនិងអភិវឌ្ឍន៍ប្រទេសជាតិ។ ព្រះសង្ឃ ដូនជី ពុទ្ធបរិស័ទ តែងតែលើកកម្ពស់ស្មារតីសាមគ្គីភាពនិងមិត្តភាពជាមួយទិសដៅប្រកាន់ខ្ជាប់រួមជាមួយប្រជាជននិងអាជ្ញាធរមូលដ្ឋានអនុវត្តការងារអភិវឌ្ឍន៍សេដ្ឋកិច្ចសង្គម និងការពារមាតុភូមិក៏ដូចជាចូលរួមយ៉ាងសកម្មនិងរៀបចំសកម្មភាពសប្បុរសធម៌សង្គមជាច្រើនផងដែរ។

រីឯ ព្រះតេជគុណ Thich Thanh Nhieu អនុប្រធានអចិន្ត្រៃយ៍នៃក្រុមប្រឹក្សាភិបាលនៃសមាគមន៍ពុទ្ធសាសនាវៀតណាមមានពុទ្ធដីការថា សមាគមន៍ពុទ្ធសាសនាវៀតណាម បានបន្តណែនាំដល់អ្នកមុខអ្នកការ ពុទ្ធបរិស័ទអនុវត្តន៍រាល់សារចររបស់បក្ស និងរដ្ឋ ស្ដីពីការប្រយុទ្ធប្រឆាំងរាតត្បាតកូវីដ១៩ រួមចំណែកជំរុញកំណើនសេដ្ឋកិច្ច ធានាសន្តិសុខសង្គមផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: tapchithongtindoingoai.vn）

（បកប្រែដោយ ហេង វុធ្ធី）